ਇੰਡੋਨੇਸ਼ੀਆ ਓਪਨ  : ਲਕਸ਼ਯ ਅਤੇ ਸ਼੍ਰੀਕਾਂਤ ਨੇ ਦੂਜੇ ਦੌਰ ''ਚ ਬਣਾਈ ਜਗ੍ਹਾ

ਜਕਾਰਤਾ : ਰਾਸ਼ਟਰਮੰਡਲ ਖੇਡਾਂ ਦੇ ਚੈਂਪੀਅਨ ਭਾਰਤੀ ਬੈਡਮਿੰਟਨ ਖਿਡਾਰੀ ਲਕਸ਼ਯ ਸੇਨ ਅਤੇ ਉਸ ਦੇ ਹਮਵਤਨ ਕਿਦਾਂਬੀ ਸ੍ਰੀਕਾਂਤ ਨੇ ਬੁੱਧਵਾਰ ਨੂੰ ਇੱਥੇ ਆਪਣੇ ਵਿਰੋਧੀਆਂ ਨੂੰ ਸਿੱਧੇ ਗੇਮਾਂ ਵਿੱਚ ਹਰਾ ਕੇ ਕੇ ਇੰਡੋਨੇਸ਼ੀਆ ਓਪਨ ਵਿਸ਼ਵ ਟੂਰ ਸੁਪਰ 1000 ਟੂਰਨਾਮੈਂਟ ਦੇ ਪੁਰਸ਼ ਸਿੰਗਲਜ਼ ਦੇ ਦੂਜੇ ਦੌਰ ਵਿੱਚ ਪ੍ਰਵੇਸ਼ ਕਰ ਲਿਆ। ਵਿਸ਼ਵ ਚੈਂਪੀਅਨਸ਼ਿਪ ਦੇ ਕਾਂਸੀ ਤਮਗਾ ਜੇਤੂ ਅਤੇ ਵਿਸ਼ਵ ਦੇ 20ਵੇਂ ਨੰਬਰ ਦੇ ਖਿਡਾਰੀ ਲਕਸ਼ਯ ਨੇ ਵਿਸ਼ਵ ਦੇ 11ਵੇਂ ਨੰਬਰ ਦੇ ਖਿਡਾਰੀ ਮਲੇਸ਼ੀਆ ਦੇ ਜੀ ਜੀਆ ਲੀ 'ਤੇ ਸਿਰਫ 32 ਮਿੰਟਾਂ 'ਚ 21-17, 21-13 ਨਾਲ ਜਿੱਤ ਦਰਜ ਕੀਤੀ, ਜਦਕਿ ਸ਼੍ਰੀਕਾਂਤ ਨੇ ਚੀਨ ਦੇ ਲਿਊ ਗੁਆਂਗ ਨੂੰ 21-13, 21-19 ਨਾਲ ਹਰਾ ਕੇ ਬਾਹਰ ਦਾ ਰਸਤਾ ਦਿਖਾਇਆ। 

ਇਹ ਵੀ ਪੜ੍ਹੋ : ਗੁਰਬਚਨ ਸਿੰਘ ਰੰਧਾਵਾ ਨੇ 18 ਸਾਲਾਂ ਬਾਅਦ 'AFI' ਤੋਂ ਦਿੱਤਾ ਅਸਤੀਫਾ

ਵਿਸ਼ਵ ਦੇ 22ਵੇਂ ਨੰਬਰ ਦੇ ਖਿਡਾਰੀ ਸ਼੍ਰੀਕਾਂਤ ਨੇ ਇਸ ਤਰ੍ਹਾਂ ਵਿਸ਼ਵ ਦੇ 13ਵੇਂ ਨੰਬਰ ਦੇ ਖਿਡਾਰੀ ਲੂ ਦੇ ਖਿਲਾਫ ਆਪਣਾ ਦਬਦਬਾ ਕਾਇਮ ਰੱਖਿਆ। ਸ਼੍ਰੀਕਾਂਤ ਨੇ ਹੁਣ ਤੱਕ ਚੀਨੀ ਖਿਡਾਰੀ ਖਿਲਾਫ ਆਪਣੇ ਸਾਰੇ ਪੰਜ ਮੈਚ ਜਿੱਤੇ ਹਨ। ਅਗਲੇ ਦੌਰ ਵਿੱਚ, ਹਾਲਾਂਕਿ, ਲਕਸ਼ਯ ਅਤੇ ਸ਼੍ਰੀਕਾਂਤ ਆਹਮੋ-ਸਾਹਮਣੇ ਹੋਣਗੇ, ਜਿਸ ਵਿੱਚ ਇਕ ਭਾਰਤੀ ਦੀ ਹਾਰ ਤੈਅ ਹੈ। ਭਾਰਤ ਦੇ ਪ੍ਰਿਯਾਂਸ਼ੂ ਰਾਜਾਵਤ ਨੇ ਵੀ ਦੂਜੇ ਦੌਰ 'ਚ ਜਗ੍ਹਾ ਬਣਾਈ। ਉਸ ਨੂੰ ਥਾਈਲੈਂਡ ਦੇ ਕੁਨਲਾਵਤ ਵਿਟਿਡਸਰਨ ਖਿਲਾਫ ਵਾਕਓਵਰ ਮਿਲਿਆ।

ਇਹ ਵੀ ਪੜ੍ਹੋ : ਬ੍ਰਿਜ ਭੂਸ਼ਣ ਦੇ ਪਰਿਵਾਰ ਦਾ ਕੋਈ ਵੀ ਮੈਂਬਰ 'WFI' ਦੀ ਚੋਣ ਨਹੀਂ ਲੜੇਗਾ

ਦੂਜੇ ਗੇੜ ਵਿੱਚ ਹਾਲਾਂਕਿ, ਰਾਜਾਵਤ ਲਈ ਅੱਗੇ ਆਸਾਨ ਰਸਤਾ ਨਹੀਂ ਹੋਵੇਗਾ ਕਿਉਂਕਿ ਉਹ ਡੈਨਮਾਰਕ ਦੇ ਹੈਨੇਸ-ਕ੍ਰਿਸਟਿਅਨ ਸੋਲਬਰਗ ਵਿਟਿੰਗਸ ਅਤੇ ਦੂਜਾ ਦਰਜਾ ਪ੍ਰਾਪਤ ਸਥਾਨਕ ਐਂਥਨੀ ਸਿਨੀਸੁਕਾ ਗਿਨਟਿੰਗ ਵਿਚਕਾਰ ਮੈਚ ਦੇ ਜੇਤੂ ਨਾਲ ਭਿੜੇਗਾ। ਭਾਰਤ ਦੀ ਨੌਜਵਾਨ ਮਹਿਲਾ ਖਿਡਾਰਨ ਆਕਰਸ਼ੀ ਕਸ਼ਯਪ ਨੂੰ ਹਾਲਾਂਕਿ ਮਹਿਲਾ ਸਿੰਗਲਜ਼ ਦੇ ਪਹਿਲੇ ਦੌਰ ਵਿੱਚ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਆਕਰਸ਼ੀ ਕੋਲ ਕੋਰੀਆ ਦੀ ਦੂਜੀ ਸੀਡ ਆਨ ਸੇ ਯੰਗ ਦੇ ਖਿਲਾਫ ਕੋਈ ਜਵਾਬ ਨਹੀਂ ਸੀ ਅਤੇ ਉਹ 10-21, 4-21 ਨਾਲ ਹਾਰ ਗਈ।

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।