ਸਾਊਥ ਅਫਰੀਕਾ ਦੌਰੇ ''ਤੇ ਗਈ ਭਾਰਤੀ ਟੀਮ ਅਜੇ ਵੀ ਇਨ੍ਹਾਂ ਸਵਾਲਾਂ ''ਚ ਘਿਰੀ ਹੋਈ ਹੈ

ਨਵੀਂ ਦਿੱਲੀ (ਬਿਊਰੋ)— ਭਾਰਤੀ ਕ੍ਰਿਕਟ ਟੀਮ ਜਦੋਂ ਤੋਂ ਸਾਊਥ ਅਫਰੀਕਾ ਪਹੁੰਚੀ ਹੈ ਇਕ ਸਵਾਲ ਲਗਾਤਾਰ ਉਸਦਾ ਪਿੱਛਾ ਕਰ ਰਿਹਾ ਹੈ। ਸਵਾਲ ਟੀਮ ਦੀ ਚੋਣ ਪ੍ਰਕਿਰਿਆ ਦਾ ਹੈ। ਟੀਮ ਨੂੰ ਲੈ ਕੇ ਆਖਰੀ ਗਿਆਰ੍ਹਾਂ ਵਿਚ ਰੋਹਿਤ ਸ਼ਰਮਾ ਦੀ ਚੋਣ ਨੂੰ ਲੈ ਕੇ ਘੇਰਿਆ ਜਾ ਰਿਹਾ ਹੈ। ਰੋਹਿਤ ਸ਼ਰਮਾ ਨੇ ਭਾਰਤ ਵਿਚ ਸ਼੍ਰੀਲੰਕਾ ਖਿਲਾਫ ਨਵੰਬਰ-ਦਸੰਬਰ ਵਿਚ ਖੇਡੀ ਗਈ ਸੀਰੀਜ਼ ਵਿਚ ਦੋ ਹਾਫ ਸੈਂਚੁਰੀਆਂ ਲਗਾਈਆਂ ਸਨ। ਇਸਦੇ ਇਲਾਵਾ ਸਾਲ 2017 ਵਿਚ ਵਨਡੇ ਇੰਟਰਨੈਸ਼ਨਲ ਕ੍ਰਿਕਟ ਵਿਚ ਉਨ੍ਹਾਂ ਦੇ ਨਾਮ 1200 ਤੋਂ ਜ਼ਿਆਦਾ ਦੌੜਾਂ ਰਹੀਆਂ। ਸ਼ਰਮਾ ਦਾ ਸਾਊਥ ਅਫਰੀਕਾ ਖਿਲਾਫ ਪਹਿਲੇ ਦੋ ਟੈਸਟ ਮੈਚਾਂ ਵਿਚ ਚੁਣਿਆ ਜਾਣਾ ਇਸ ਲਈ ਵੀ ਚਰਚਾ ਵਿਚ ਰਿਹਾ ਕਿਉਂਕਿ ਉਨ੍ਹਾਂ ਨੂੰ ਅਜਿੰਕਯ ਰਹਾਣੇ ਦੇ ਸਥਾਨ ਉੱਤੇ ਮੌਕਾ ਦਿੱਤਾ। ਰਹਾਣੇ ਨੂੰ ਟੈਸਟ ਟੀਮ ਦਾ ਸਥਾਪਤ ਖਿਡਾਰੀ ਮੰਨਿਆ ਜਾਂਦਾ ਹੈ। ਉਹ ਵਿਦੇਸ਼ੀ ਦੌਰਿਆਂ ਉੱਤੇ ਭਾਰਤੀ ਟੀਮ ਦੇ ਮਜਬੂਤ ਬੱਲੇਬਾਜ ਮੰਨੇ ਜਾਂਦੇ ਹਨ। ਏਸ਼ੀਆ ਦੇ ਬਾਹਰ ਰਹਾਣੇ ਦਾ ਬੱਲੇਬਾਜੀ ਔਸਤ 54 ਦੇ ਕਰੀਬ ਹੈ।

ਇਹ ਰਹੇ ਹਨ ਭਾਰਤੀ ਟੀਮ 'ਤੇ ਸਵਾਲ
ਸ਼ਰਮਾ ਨੂੰ ਰਹਾਣੇ ਦੇ ਸਥਾਨ ਉੱਤੇ ਕਿਉਂ ਖਿਡਾਇਆ ਗਿਆ? ਪਹਿਲੀ ਗੱਲ ਰਹਾਣੇ ਨੂੰ ਬੈਠਾਇਆ ਹੀ ਕਿਉਂ ਗਿਆ? ਸਵਾਲ ਇਹ ਵੀ ਹੈ ਕਿ ਆਖਰ ਦੋਨੋਂ ਹੀ ਬੱਲੇਬਾਜ਼ਾਂ ਨੂੰ ਨਾਲ ਮੌਕਾ ਕਿਉਂ ਨਹੀਂ ਦਿੱਤਾ ਗਿਆ? ਸ਼ਰਮਾ ਨੇ ਅਜੇ ਤੱਕ ਮਿਲੇ ਮੌਕਿਆਂ ਵਿਚ ਕੀ ਕੀਤਾ ਹੈ? ਸਵਾਲਾਂ ਦਾ ਸਿਲਸਿਲਾ ਲੰਬਾ ਹੈ ਅਤੇ ਜਵਾਬ ਮਿਲਣੇ ਅਜੇ ਬਾਕੀ ਹਨ।
ਇਸਦੇ ਇਲਾਵਾ ਭੁਵਨੇਸ਼ਵਰ ਕੁਮਾਰ ਨੂੰ ਦੂਜੇ ਟੈਸਟ ਵਿਚ ਮੌਕਾ ਨਹੀਂ ਦੇਣਾ ਵੀ ਹੈਰਾਨੀ ਭਰਿਆ ਫੈਸਲਾ ਰਿਹਾ। ਜਸਪ੍ਰੀਤ ਬੁਮਰਾਹ ਨੂੰ ਇੰਨੀ ਮਹੱਤਵਪੂਰਣ ਸੀਰੀਜ਼ ਵਿਚ ਟੈਸਟ ਕੈਪ ਦੇਣਾ ਅਤੇ ਕੇ.ਐੱਲ. ਰਾਹੁਲ ਦੇ ਸਥਾਨ ਉੱਤੇ ਸ਼ਿਖਰ ਧਵਨ ਨੂੰ ਮੌਕਾ ਦੇਣਾ ਵੀ, ਕਾਫ਼ੀ ਚਰਚਾ ਵਿਚ ਰਿਹਾ।