ਅਦਿਤੀ ਮੈਰਾਥਨ ਕਲਾਸਿਕ ’ਚ ਪਹਿਲੇ ਦੌਰ ਦੇ ਬਾਅਦ ਸੰਯੁਕਤ 65ਵੇਂ ਸਥਾਨ ’ਤੇ

ਸਿਲਵੇਨੀਆ— ਓਲੰਪਿਕ ਟਿਕਟ ਹਾਸਲ ਕਰ ਚੁੱਕੀ ਭਾਰਤੀ ਗੋਲਫ਼ਰ ਅਦਿਤੀ ਅਸ਼ੋਕ ਨੇ ਇੱਥੇ ਮੈਰਾਥਨ ਐੱਲ. ਪੀ. ਜੀ. ਏ. ਕਲਾਸਿਕ ਦੇ ਸ਼ੁਰੂਆਤੀ ਦੌਰ ’ਚ ‘ਪਾਰ 71’ ਦਾ ਸਕੋਰ ਕੀਤਾ ਜਿਸ ਨਾਲ ਉਹ ਸਾਂਝੇ ਤੌਰ ’ਤੇ 65ਵੇਂ ਸਥਾਨ ’ਤੇ ਹੈ। ਸ਼ੁਰੂਆਤੀ ਦੌਰ ’ਚ ਦੋ ਬਰਡੀ ਤੇ ਦੋ ਬੋਗੀ ਲਗਾਉਣ ਵਾਲੀ ਅਦਿਤੀ ਨੂੰ ਕਟ ਹਾਸਲ ਕਰਨ ਲਈ ਦੂਜੇ ਦੌਰ ’ਚ ਬਿਹਤਰ ਪ੍ਰਦਰਸ਼ਨ ਕਰਨਾ ਹੋਵੇਗਾ। ਜਾਪਾਨ ਦੀ ਨਾਸਾ ਹਾਤੌਕਾ 10 ਅੰਡਰ 61 ਦੇ ਸ਼ਾਨਦਾਰ ਕਾਰਡ ਨਾਲ ਅੰਕ ਸੂਚੀ ’ਚ  ਚੋਟੀ ’ਤੇ ਹੈ। ਉਨ੍ਹਾਂ ਨੇ ਇਸ ਦੌਰਾਨ 6 ਬਰਡੀ ਲਾਈ ਤੇ ਉਹ ਦੂਜੇ ਸਥਾਨ ’ਤੇ ਕਾਬਜ ਗੋਲਫ਼ਰ ਤੋਂ ਚਾਰ ਸ਼ਾਟ ਅੱਗੇ ਹੈ।