ਏਐਫਸੀ ਅੰਡਰ-20 ਮਹਿਲਾ ਏਸ਼ੀਆਈ ਕੱਪ ਕੁਆਲੀਫਾਇਰ ਵਿੱਚ ਭਾਰਤ ਨੇ ਸ਼ਾਨਦਾਰ ਸ਼ੁਰੂਆਤ ਕੀਤੀ

ਵੀਅਤ ਟ੍ਰਾਈ ਸਿਟੀ : ਭਾਰਤ ਦੀ ਅੰਡਰ-20 ਮਹਿਲਾ ਟੀਮ ਨੇ ਮੰਗਲਵਾਰ ਨੂੰ ਇੱਥੇ ਸਿੰਗਾਪੁਰ ਨੂੰ 7-0 ਨਾਲ ਹਰਾ ਕੇ ਏਐਫਸੀ (ਏਸ਼ੀਅਨ ਫੁੱਟਬਾਲ ਕਨਫੈਡਰੇਸ਼ਨ) ਅੰਡਰ-20 ਏਸ਼ੀਆਈ ਕੱਪ ਕੁਆਲੀਫਾਇਰ ਦੇ ਪਹਿਲੇ ਦੌਰ ਵਿੱਚ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਕੋਚ ਮੇਮੋਲ ਰੌਕੀ ਦੀ ਟੀਮ ਨੇ ਮੈਚ ਸ਼ੁਰੂ ਹੋਣ ਦੇ ਅੱਧੇ ਘੰਟੇ ਅੰਦਰ ਹੀ ਛੇ ਗੋਲਾਂ ਦੀ ਲੀਡ ਲੈ ਲਈ।

ਅਪਰਨਾ ਨਾਰਜਾਰੀ ਅਤੇ ਅਨੀਤਾ ਕੁਮਾਰੀ ਨੇ ਦੋ-ਦੋ ਗੋਲ ਕੀਤੇ ਜਦਕਿ ਸੁਮਤੀ ਕੁਮਾਰੀ ਅਤੇ ਅਸਤਮ ਓਰਾਉਂ ਨੇ ਇੱਕ-ਇੱਕ ਗੋਲ ਕੀਤਾ। ਦੂਜੇ ਹਾਫ ਵਿੱਚ ਕਾਜੋਲ ਡਿਸੂਜ਼ਾ ਨੇ ਟੀਮ ਲਈ ਸੱਤਵਾਂ ਗੋਲ ਕਰਕੇ ਵੱਡੀ ਜਿੱਤ ਯਕੀਨੀ ਬਣਾਈ। ਟੀਮ ਦੀ ਨਵੀਂ ਕਪਤਾਨ ਅਪੂਰਨਾ ਨਾਰਜਾਰੀ ਦੀ ਮਦਦ ਨਾਲ ਅਨੀਤਾ ਕੁਮਾਰੀ ਨੇ ਸੱਤਵੇਂ ਮਿੰਟ ਵਿੱਚ ਟੀਮ ਦਾ ਖਾਤਾ ਖੋਲ੍ਹਿਆ, ਜਿਸ ਤੋਂ ਬਾਅਦ ਭਾਰਤੀ ਖਿਡਾਰੀਆਂ ਨੇ ਗੋਲ ਕੀਤੇ।

ਭਾਰਤੀ ਟੀਮ ਦਾ ਅਗਲਾ ਮੈਚ ਵੀਰਵਾਰ ਨੂੰ ਇੰਡੋਨੇਸ਼ੀਆ ਨਾਲ ਹੈ। ਇਸ ਤੋਂ ਬਾਅਦ ਟੀਮ ਸ਼ਨੀਵਾਰ ਨੂੰ ਵੀਅਤਨਾਮ ਦੇ ਖਿਲਾਫ ਖੇਡੇਗੀ। ਇਸ ਗਰੁੱਪ ਪੜਾਅ ਦੀ ਚੋਟੀ ਦੀ ਟੀਮ ਜੂਨ 'ਚ ਦੂਜੇ ਪੜਾਅ ਦੇ ਕੁਆਲੀਫਾਇਰ 'ਚ ਜਗ੍ਹਾ ਪੱਕੀ ਕਰੇਗੀ।