Asia Cup: ''ਮੈਂ ਹਮੇਸ਼ਾ ਯਾਦ ਰੱਖਾਂਗਾ...'', ਪਾਕਿ ਖ਼ਿਲਾਫ਼ 5 ਵਿਕਟਾਂ ਲੈ ਕੇ ਬੋਲੇ ਕੁਲਦੀਪ ਯਾਦਵ

ਕੋਲੰਬੋ- ਖੱਬੇ ਹੱਥ ਦੇ ਕਲਾਈ ਦੇ ਸਪਿਨਰ ਕੁਲਦੀਪ ਯਾਦਵ ਦਾ ਮੰਨਣਾ ਹੈ ਕਿ ਸਿੱਧੇ-ਰਨ-ਅਪ ਅਤੇ ਹਮਲਾਵਰ ਲੈਅ ਸਮੇਤ ਉਨ੍ਹਾਂ ਦੀ ਤਕਨੀਕ 'ਚ ਬਦਲਾਅ ਨਾਲ ਉਨ੍ਹਾਂ ਦੀ ਗੇਂਦਬਾਜ਼ੀ 'ਚ ਸੁਧਾਰ ਕਰਨ ਅਤੇ ਵਨਡੇ ਕ੍ਰਿਕਟ 'ਚ ਸਫ਼ਲਤਾ ਹਾਸਲ ਕਰਨ 'ਚ ਮਦਦ ਮਿਲੀ ਹੈ। 28 ਸਾਲਾ ਖਿਡਾਰੀ ਨੇ ਇਸ ਸਾਲ 14 ਮੈਚਾਂ 'ਚ 27 ਵਿਕਟਾਂ ਲਈਆਂ ਹਨ, ਜੋ ਵਨਡੇ 'ਚ ਕਿਸੇ ਭਾਰਤੀ ਗੇਂਦਬਾਜ਼ ਵੱਲੋਂ ਸਭ ਤੋਂ ਵੱਧ ਵਿਕਟਾਂ ਹਨ। ਪੰਜ ਵਿਕਟਾਂ ਲੈ ਕੇ ਸੋਮਵਾਰ ਨੂੰ ਪਾਕਿਸਤਾਨ ਦੇ ਖ਼ਿਲਾਫ਼ 228 ਦੌੜਾਂ ਦੀ ਜਿੱਤ 'ਚ ਅਹਿਮ ਭੂਮਿਕਾ ਨਿਭਾਉਣ ਵਾਲੇ ਕੁਲਦੀਪ ਨੇ ਮੈਚ ਤੋਂ ਬਾਅਦ ਕਿਹਾ, '(ਪਿਛਲੇ ਸਾਲ) ਗੋਡੇ ਦੀ ਸਰਜਰੀ ਤੋਂ ਬਾਅਦ ਮੇਰਾ ਰਨਅੱਪ ਕਾਫ਼ੀ ਸਿੱਧਾ ਹੋ ਗਿਆ ਹੈ ਅਤੇ ਲੈਅ ਹਮਲਾਵਰ ਹੋ ਗਈ ਹੈ। ਮੇਰਾ ਹੱਥ ਪਹਿਲਾਂ ਡਿੱਗ ਜਾਂਦਾ ਸੀ ਪਰ ਇਸ 'ਤੇ ਕਾਬੂ ਪਾ ਲਿਆ ਗਿਆ ਹੈ ਅਤੇ ਹੁਣ ਇਹ (ਹੱਥ) ਬੱਲੇਬਾਜ਼ ਦੇ ਸਾਹਮਣੇ ਹੈ।

ਇਹ ਵੀ ਪੜ੍ਹੋ- ਕੋਲੰਬੋ 'ਚ ਵਿਰਾਟ ਕੋਹਲੀ ਦਾ ਲਗਾਤਾਰ ਚੌਥਾ ਸੈਂਕੜਾ, ਹਰ ਵਾਰ ਦਿਵਾਉਂਦੇ ਹਨ ਟੀਮ ਨੂੰ ਵੱਡੀ ਜਿੱਤ
ਕੁਲਦੀਪ ਨੇ ਕਿਹਾ ਕਿ ਉਨ੍ਹਾਂ ਨੇ ਆਪਣੀ ਕੁਸ਼ਲਤਾ ਨੂੰ ਸੁਧਾਰਨ ਲਈ ਸਰਜਰੀ ਤੋਂ ਬਾਅਦ ਸਪਿਨ ਅਤੇ ਡ੍ਰਾਈਫਟ 'ਤੇ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ, 'ਮੈਂ ਪੂਰੀ ਤਰ੍ਹਾਂ ਧਿਆਨ ਰੱਖਿਆ ਕਿ ਆਪਣੀ ਗਤੀ ਨੂੰ ਗੁਆਏ ਬਿਨਾਂ ਆਪਣੀ ਸਪਿਨ ਅਤੇ ਡ੍ਰਾਈਫਟ ਨਾ ਗੁਆਏ। ਜੇਕਰ ਕੋਈ ਲੈੱਗ ਸਪਿਨਰ ਚੰਗੀ ਲੈਂਥ ਗੇਂਦਬਾਜ਼ੀ ਕਰਦਾ ਹੈ, ਤਾਂ ਉਹ ਨਿਯਮਤ ਤੌਰ 'ਤੇ ਵਿਕਟਾਂ ਲੈ ਸਕਦਾ ਹੈ ਅਤੇ ਢਿੱਲੀ ਗੇਂਦਾਂ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। ਤੁਸੀਂ ਲਗਾਤਾਰ ਬਣੇ ਰਹਿ ਸਕਦੇ ਹੋ।

ਕੁਲਦੀਪ ਨੇ ਕਿਹਾ ਕਿ ਉਨ੍ਹਾਂ ਨੇ ਕ੍ਰੀਜ਼ 'ਤੇ ਉਤਰਦੇ ਸਮੇਂ ਆਪਣੇ ਗੋਡੇ 'ਤੇ ਭਾਰ ਘੱਟ ਕਰਨ ਲਈ ਸਰਜਰੀ ਤੋਂ ਬਾਅਦ ਐੱਨਸੀਏ ਫਿਜ਼ੀਓ ਆਸ਼ੀਸ਼ ਕੌਸ਼ਿਕ ਨਾਲ ਕੰਮ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ “ਮੈਂ ਆਪਣੀ ਜ਼ਿਪ, ਨਿਪ ਜਾਂ ਡ੍ਰਾਈਫਟ ਖੋਹਣਾ ਨਹੀਂ ਚਾਹੁੰਦਾ ਸੀ। ਸਰਜਰੀ ਤੋਂ ਬਾਅਦ, ਮੈਂ ਐੱਨ.ਸੀ.ਏ. 'ਚ ਤਿੰਨ ਮਹੀਨਿਆਂ ਲਈ ਸਿਹਤ ਲਾਭ ਲਈ ਗਿਆ ਅਤੇ ਫਿਜ਼ੀਓ ਆਸ਼ੀਸ਼ ਕੌਸ਼ਿਕ ਨੇ ਕਿਹਾ ਕਿ ਮੈਨੂੰ ਆਪਣੇ ਗੋਡੇ 'ਤੇ ਭਾਰ ਘਟਾਉਣ ਦੀ ਜ਼ਰੂਰਤ ਹੈ। ਇਸ ਲਈ ਮੈਂ ਆਪਣੀ ਰਫ਼ਤਾਰ ਤੇਜ਼ ਕਰਨ ਲਈ ਕੰਮ ਕੀਤਾ।

ਇਹ ਵੀ ਪੜ੍ਹੋ-19 ਸਾਲ ਦੀ ਕੋਕੋ ਗੌਫ ਬਣੀ ਅਮਰੀਕੀ ਓਪਨ ਚੈਂਪੀਅਨ, ਜਿੱਤਿਆ ਪਹਿਲਾ ਗ੍ਰੈਂਡਸਲੈਮ ਖਿਤਾਬ
ਹਾਲਾਂਕਿ ਕੁਲਦੀਪ ਨੇ ਕਿਹਾ ਕਿ ਉਨ੍ਹਾਂ ਨੇ ਸਿਖਰ-ਪੱਧਰ ਦੇ ਕ੍ਰਿਕਟ 'ਚ ਦੁਬਾਰਾ ਤਿਆਰ ਕੀਤੇ ਗਏ ਐਕਸ਼ਨ ਨੂੰ ਕੰਮ 'ਚ ਲਿਆਉਣ 'ਚ ਕੁਝ ਸਮਾਂ ਲੱਗਿਆ। ਉਨ੍ਹਾਂ ਨੇ ਕਿਹਾ, 'ਮੈਂ ਕਾਨਪੁਰ 'ਚ ਅਭਿਆਸ ਮੈਚ 'ਚ ਨਵਾਂ ਐਕਸ਼ਨ ਅਜ਼ਮਾਇਆ। ਬੱਲੇਬਾਜ਼ ਮੇਰਾ ਸਾਹਮਣਾ ਕਰਨ ਲਈ ਸੰਘਰਸ਼ ਕਰ ਰਹੇ ਸਨ। ਪਰ ਮੈਂ ਆਈਪੀਐੱਲ ਅਤੇ ਵੈਸਟਇੰਡੀਜ਼ ਦੌਰੇ ਦੌਰਾਨ ਇਸ (ਐਕਸ਼ਨ) ਨਾਲ ਜੂਝ ਰਿਹਾ ਸੀ। ਇਸ ਪੱਧਰ 'ਤੇ ਕੰਮ ਕਰਨ ਲਈ ਮੈਨੂੰ 6-7 ਮੈਚ ਲੱਗੇ। ਪਾਕਿਸਤਾਨ ਵਰਗੇ ਚੋਟੀ ਦੇ ਵਿਰੋਧੀ ਵਿਰੁੱਧ ਪ੍ਰਦਰਸ਼ਨ ਕਰਨਾ ਮੈਨੂੰ ਪ੍ਰੇਰਿਤ ਕਰਦਾ ਹੈ।
ਉਨ੍ਹਾਂ ਨੇ ਕਿਹਾ, 'ਮੈਨੂੰ ਹਮੇਸ਼ਾ ਯਾਦ ਰਹੇਗਾ ਕਿ ਜਦੋਂ ਮੈਂ ਸੰਨਿਆਸ ਲਿਆ ਤਾਂ ਮੈਂ ਪਾਕਿਸਤਾਨ ਖ਼ਿਲਾਫ਼ ਪੰਜ ਵਿਕਟਾਂ ਲਈਆਂ ਸਨ। ਇਹ ਮੇਰੇ ਲਈ ਵੱਡੀ ਗੱਲ ਹੈ ਕਿਉਂਕਿ ਪਾਕਿਸਤਾਨ ਦੇ ਖਿਡਾਰੀ ਸਪਿਨ ਚੰਗੀ ਤਰ੍ਹਾਂ ਖੇਡ ਸਕਦੇ ਹਨ। ਜੇਕਰ ਤੁਸੀਂ ਅਜਿਹੀ ਟੀਮ ਦੇ ਖ਼ਿਲਾਫ਼ ਪ੍ਰਦਰਸ਼ਨ ਕਰਦੇ ਹੋ ਜੋ ਉਪ ਮਹਾਂਦੀਪ 'ਚ ਚੰਗੀ ਸਪਿਨ ਖੇਡਦੀ ਹੈ ਤਾਂ ਇਹ ਤੁਹਾਨੂੰ ਪ੍ਰੇਰਿਤ ਕਰਦਾ ਹੈ। 

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8