ਆਈ ਲੀਗ: ਰੀਅਲ ਕਸ਼ਮੀਰ ਐੱਫਸੀ ਨੇ ਨੇਰੋਕਾ ਐੱਫਸੀ ਨੂੰ ਹਰਾਇਆ

ਸ੍ਰੀਨਗਰ: ਰੀਅਲ ਕਸ਼ਮੀਰ ਐੱਫਸੀ ਨੇ ਆਈ-ਲੀਗ ਫੁੱਟਬਾਲ ਮੈਚ ਵਿੱਚ ਨੇਰੋਕਾ ਐੱਫਸੀ ਨੂੰ 3.0 ਨਾਲ ਹਰਾ ਕੇ ਇਸ ਨੂੰ ਦੂਜੀ ਸ਼੍ਰੇਣੀ ਵਿੱਚ ਧੱਕ ਦਿੱਤਾ। ਕਸ਼ਮੀਰ ਲਈ ਨੋਹੇਰੇ ਕ੍ਰਿਜੋ ਨੇ 35ਵੇਂ ਮਿੰਟ, ਹੈਦਰ ਯੂਸਫ ਨੇ 45ਵੇਂ ਮਿੰਟ ਅਤੇ ਸ਼ਾਹਰ ਸ਼ਾਹੀਨ ਨੇ 67ਵੇਂ ਮਿੰਟ ਵਿੱਚ ਗੋਲ ਕੀਤੇ। ਇਸ ਹਾਰ ਤੋਂ ਬਾਅਦ ਮਨੀਪੁਰ ਦੀ ਨੇਰੋਕਾ ਐੱਫਸੀ 21 ਮੈਚਾਂ ਵਿੱਚ 13 ਅੰਕਾਂ ਨਾਲ 12ਵੇਂ ਸਥਾਨ 'ਤੇ ਹੈ। ਇਸ ਸੀਜ਼ਨ ਵਿੱਚ ਉਨ੍ਹਾਂ ਨੇ 4 ਮੈਚ ਜਿੱਤੇ, ਇੱਕ ਡਰਾਅ ਰਿਹਾ ਅਤੇ 16 ਹਾਰੇ। ਹੁਣ ਇਸ ਨੂੰ ਸਿਰਫ਼ ਤਿੰਨ ਮੈਚ ਖੇਡਣੇ ਹਨ ਅਤੇ ਜੇਕਰ ਉਹ ਸਾਰੇ ਜਿੱਤ ਵੀ ਲੈਂਦੀ ਹੈ ਤਾਂ ਵੀ ਇਹ ਦੂਜੀ ਸ਼੍ਰੇਣੀ ਵਿੱਚ ਖਿਸਕਣ ਤੋਂ ਬਚ ਨਹੀਂ ਸਕਦੀ। ਜਦਕਿ ਕਸ਼ਮੀਰ ਦੀ ਟੀਮ ਨੇ ਚਾਰ ਡਰਾਅ ਖੇਡ ਕੇ ਜਿੱਤ ਦਰਜ ਕੀਤੀ। ਉਸ ਦੀ ਅਜੇਤੂ ਮੁਹਿੰਮ ਹੁਣ ਨੌਂ ਮੈਚਾਂ ਤੱਕ ਚੱਲੀ ਹੈ। ਉਨ੍ਹਾਂ ਦੇ 22 ਮੈਚਾਂ ਵਿੱਚ 40 ਅੰਕ ਹਨ ਅਤੇ ਉਹ ਸੂਚੀ ਵਿੱਚ ਦੂਜੇ ਸਥਾਨ ’ਤੇ ਹਨ।