ਹੀਦਰ ਵਾਟਸਨ ਨੇ ਵਧਾਈ ਫੁੱਟਬਾਲਰ ਕਰਟਨੀ ਡਫਸ ਨਾਲ ਨੇੜਤਾ, ਡੇਟਿੰਗ ਲਈ ਤੋੜੀ ਸੀ ਕਮਿਟਮੈਂਟ
Monday, Jan 20, 2020 - 01:51 AM (IST)
ਨਵੀਂ ਦਿੱਲੀ - ਬ੍ਰਿਟੇਨ ਦੀ ਟੈਨਿਸ ਖਿਡਾਰਨ ਹੀਦਰ ਵਾਟਸਨ ਦਾ ਕਹਿਣਾ ਹੈ ਕਿ ਫੁੱਟਬਾਲਰ ਕਰਟਨੀ ਨੂੰ ਆਪਣੇ ਬੁਆਏਫ੍ਰੈਂਡ ਦੇ ਰੂਪ ਵਿਚ ਅਪਣਾਉਣ ਲਈ ਉਸ ਨੂੰ ਆਪਣੀ ਕਮਿਟਮੈਂਟ ਤੋੜਨੀ ਪਈ ਸੀ। 27 ਸਾਲ ਦੀ ਹੀਦਰ ਨੇ ਇਕ ਇੰਟਰਵਿਊ ਦੌਰਾਨ ਕਿਹਾ ਕਿ ਉਸ ਨੂੰ ਕਦੇ ਵੀ ਫੁੱਟਬਾਲ ਪਸੰਦ ਨਹੀਂ ਸੀ।
ਅਜਿਹੀ ਹਾਲਤ ਵਿਚ ਉਹ ਮੰਨਦੀ ਸੀ ਕਿ ਜ਼ਿੰਦਗੀ ਵਿਚ ਕਦੇ ਵੀ ਕਿਸੇ ਫੁੱਟਬਾਲਰ ਨੂੰ ਡੇਟ ਨਹੀਂ ਕਰੇਗੀ ਪਰ ਜਦੋਂ ਤੋਂ ਉਹ ਕਰਟਨੀ ਨੂੰ ਮਿਲੀ ਹੈ, ਉਸ ਨੂੰ ਲੱਗਦਾ ਹੈ ਕਿ ਉਸ ਦੀ ਜ਼ਿੰਦਗੀ ਵਿਚ ਨਵਾਂ ਅਧਿਆਏ ਸ਼ੁਰੂ ਹੋ ਗਿਆ ਹੈ। ਉਸ ਦੇ ਨਾਲ ਮੁਲਾਕਾਤ ਇਕ ਰੈਸਟੋਰੈਂਟ ਵਿਚ ਹੋਈ ਸੀ, ਜਿਥੇ ਕੋਈ ਟੇਬਲ ਖਾਲੀ ਨਾ ਹੋਣ ਤਕ ਸਾਨੂੰ ਬਾਰ ਰੂਮ ਵਿਚ ਭੇਜ ਦਿੱਤਾ ਗਿਆ ਸੀ।
ਉਥੇ ਹੀ ਮੈਨੂੰ ਕਰਟਨੀ ਮਿਲਿਆ। ਮੈਨੂੰ ਨਹੀਂ ਪਤਾ ਸੀ ਕਿ ਉਹ ਫੁੱਟਬਾਲਰ ਹੈ। ਅਸੀਂ ਕੁਝ ਸ਼ਾਟਾਂ ਲਾਈਆਂ ਤੇ ਉਸ ਤੋਂ ਬਾਅਦ ਵੀ ਮਿਲੇ। ਉਦੋਂ ਪਤਾ ਲੱਗਾ ਕਿ ਕਰਟਨੀ ਫੁੱਟਬਾਲਰ ਹੈ ਪਰ ਉਦੋਂ ਤਕ ਦੇਰ ਹੋ ਚੁੱਕੀ ਸੀ। ਮੈਂ ਉਸ ਦੇ ਪਿਆਰ ਵਿਚ ਪੈ ਗਈ ਸੀ। ਅਸੀਂ ਜਦੋਂ ਤੋਂ ਮਿਲੇ ਹਾਂ, ਸਾਡਾ ਕਰੀਅਰ ਵੀ ਚੰਗਾ ਹੁੰਦਾ ਜਾ ਰਿਹਾ ਹੈ। ਕਰਟਨੀ ਬੀਤੇ ਦਿਨੀਂ ਆਪਣੇ ਕਲੱਬ ਵਲੋਂ ਲੀਗ ਚੈਂਪੀਅਨਸ਼ਿਪ ਵਿਚ ਲੀਡਿੰਗ ਸਕੋਰਰ (12 ਗੋਲ) ਰਿਹਾ ਸੀ, ਉਥੇ ਹੀ ਮੈਂ ਵੀ ਹਾਬਰਟ ਇੰਟਰਨੈਸ਼ਨਲ ਦੇ ਸੈਮੀਫਾਈਨਲ ਵਿਚ ਜਗ੍ਹਾ ਬਣਾਉਣ ਵਿਚ ਸਫਲਤਾ ਹਾਸਲ ਕੀਤੀ ਸੀ। ਇਹ ਸਭ ਸਾਡੇ ਮਿਲਣ ਤੋਂ ਬਾਅਦ ਹੋਇਆ ਸੀ।
ਹੀਦਰ ਨੇ ਕਿਹਾ ਕਿ ਮੈਂ ਅਸਲ ਵਿਚ ਚੰਗਾ ਟੈਨਿਸ ਖੇਡਣ ਦੀ ਕੋਸ਼ਿਸ਼ ਕਰ ਰਹੀ ਹਾਂ। ਮੈਂ ਕੋਰਟ 'ਤੇ ਅਤੇ ਉਸ ਤੋਂ ਬਾਅਦ ਖੁਸ਼ ਹਾਂ। ਅਜੇ ਤਕ ਮੈਂ ਆਸਟਰੇਲੀਅਨ ਓਪਨ ਵਿਚ ਆਪਣੇ ਸਮੇਂ ਦਾ ਅਨੰਦ ਮਾਣ ਰਹੀ ਹਾਂ। ਆਮ ਤੌਰ 'ਤੇ ਮੈਂ ਜ਼ਿੰਦਗੀ ਵਿਚ ਚੰਗਾ ਮਹਿਸੂਸ ਕਰ ਰਹੀ ਹਾਂ। ਮੇਰੇ ਆਸੇ-ਪਾਸੇ ਲੋਕ ਚੰਗੇ ਹਨ।
