ਸਿਰਫ਼ 28 ਗੇਂਦਾਂ ''ਚ ਜੜਿਆ ਸੈਂਕੜਾ ! ਇਸ ਧਾਕੜ ਖਿਡਾਰੀ ਦੇ ਪੁੱਤ ਨੇ ਲਿਆਂਦੀ ਚੌਕੇ-ਛੱਕਿਆਂ ਦੀ ਹਨੇਰੀ

ਸਪੋਰਟਸ ਡੈਸਕ : ਅਫਗਾਨਿਸਤਾਨ ਦੇ ਮਹਾਨ ਆਲਰਾਊਂਡਰ ਮੁਹੰਮਦ ਨਬੀ ਦੇ 19 ਸਾਲਾ ਪੁੱਤਰ ਹਸਨ ਈਸਾਖਿਲ ਨੇ ਇੱਕ ਧਮਾਕੇਦਾਰ ਪਾਰੀ ਨਾਲ ਕ੍ਰਿਕਟ ਜਗਤ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਅਫਗਾਨਿਸਤਾਨ 11 ਤੇ ਉਜ਼ਬੇਕਿਸਤਾਨ ਵਿਚਕਾਰ ਹੋਏ ਇੱਕੋ-ਇੱਕ ਅਣਅਧਿਕਾਰਤ ਟੀ-20 ਮੈਚ ਵਿੱਚ, ਹਸਨ ਈਸਾਖਿਲ ਨੇ ਵਿਰੋਧੀ ਗੇਂਦਬਾਜ਼ਾਂ ਨੂੰ ਚਕਨਾਚੂਰ ਕਰਕੇ ਇੱਕ ਯਾਦਗਾਰੀ ਸੈਂਕੜਾ ਬਣਾਇਆ। ਉਸਦੀ ਧਮਾਕੇਦਾਰ ਪਾਰੀ ਨੇ ਅਫਗਾਨਿਸਤਾਨ 11 ਨੂੰ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ 300 ਤੋਂ ਵੱਧ ਦੌੜਾਂ ਬਣਾਉਣ 'ਚ ਮਦਦ ਕੀਤੀ।
ਇਸ ਮੈਚ ਵਿੱਚ ਸਲਾਮੀ ਬੱਲੇਬਾਜ਼ ਵਜੋਂ ਕ੍ਰੀਜ਼ 'ਤੇ ਆਏ ਹਸਨ ਈਸਾਖਿਲ ਨੇ ਪਹਿਲੀ ਗੇਂਦ ਤੋਂ ਹੀ ਆਪਣੇ ਇਰਾਦੇ ਸਪੱਸ਼ਟ ਕਰ ਦਿੱਤੇ। ਉਸਨੇ ਉਜ਼ਬੇਕਿਸਤਾਨ ਦੇ ਗੇਂਦਬਾਜ਼ਾਂ ਨੂੰ ਸੈੱਟ ਹੋਣ ਦਾ ਕੋਈ ਮੌਕਾ ਨਹੀਂ ਦਿੱਤਾ, ਮੈਦਾਨ ਦੇ ਹਰ ਕੋਨੇ 'ਤੇ ਸ਼ਾਨਦਾਰ ਛੱਕੇ ਅਤੇ ਚੌਕੇ ਲਗਾਏ। ਹਸਨ ਨੇ ਸਿਰਫ਼ 28 ਗੇਂਦਾਂ ਵਿੱਚ ਆਪਣਾ ਸੈਂਕੜਾ ਪੂਰਾ ਕੀਤਾ, ਜੋ ਕਿ ਟੀ-20 ਕ੍ਰਿਕਟ ਇਤਿਹਾਸ ਦੀ ਸਭ ਤੋਂ ਤੇਜ਼ ਪਾਰੀ ਵਿੱਚੋਂ ਇੱਕ ਹੈ। ਇਸ ਪਾਰੀ ਦੌਰਾਨ ਉਸਨੇ ਆਪਣੀ ਹਮਲਾਵਰ ਬੱਲੇਬਾਜ਼ੀ ਨਾਲ ਟੀ-20 ਕ੍ਰਿਕਟ ਨੂੰ ਵੀਡੀਓ ਗੇਮ ਵਿੱਚ ਬਦਲ ਦਿੱਤਾ।

HUNDRED! 💯

Hassan Eisakhil puts on a brilliant batting effort and brings up an explosive half-century off just 28 balls against Uzbekistan!

Follow the match live: https://t.co/SCEUtfB5wG#AFGXIvUZB | #e& – Go for More | #SuperCola – Share the Love pic.twitter.com/uolQqPAszo

— Afghanistan Cricket Board (@ACBofficials) July 10, 2026

ਹਸਨ ਇਸਾਖਿਲ ਨੇ ਇਸ ਪਾਰੀ ਵਿੱਚ ਕੁੱਲ 34 ਗੇਂਦਾਂ ਦਾ ਸਾਹਮਣਾ ਕੀਤਾ ਅਤੇ 352.94 ਦੇ ਸਟ੍ਰਾਈਕ ਰੇਟ ਨਾਲ 120 ਦੌੜਾਂ ਬਣਾਈਆਂ। ਉਸਦੀ ਪਾਰੀ ਵਿੱਚ 4 ਚੌਕੇ ਤੇ 16 ਛੱਕੇ ਸ਼ਾਮਲ ਸਨ। ਹਾਲਾਂਕਿ, ਉਸਨੂੰ ਫਿਰ ਕੁਝ ਮੁਸ਼ਕਲ ਦਾ ਸਾਹਮਣਾ ਕਰਨਾ ਪਿਆ ਤੇ ਉਸਨੂੰ ਰਿਟਾਇਰ ਹੋਣਾ ਪਿਆ। ਉਸਨੇ ਤੇ ਕਪਤਾਨ ਇਮਰਾਨ ਮੀਰ ਨੇ ਪਹਿਲੀ ਵਿਕਟ ਲਈ 181 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਇਸ ਧਮਾਕੇਦਾਰ ਸ਼ੁਰੂਆਤ ਨੇ ਅਫਗਾਨਿਸਤਾਨ ਦੀ 11 ਟੀਮ ਨੂੰ 20 ਓਵਰਾਂ ਵਿੱਚ 7 ​​ਵਿਕਟਾਂ ਦੇ ਨੁਕਸਾਨ 'ਤੇ 323 ਦੌੜਾਂ ਤੱਕ ਪਹੁੰਚਣ ਵਿੱਚ ਮਦਦ ਕੀਤੀ, ਜਿਸ ਵਿੱਚ ਇਮਰਾਨ ਮੀਰ ਦੀਆਂ 74 ਦੌੜਾਂ ਵੀ ਸ਼ਾਮਲ ਹਨ।
ਹਸਨ ਇਸਾਖਿਲ ਕੁਝ ਸਮੇਂ ਤੋਂ ਆਪਣੇ ਜ਼ਬਰਦਸਤ ਪ੍ਰਦਰਸ਼ਨ ਨਾਲ ਅਫਗਾਨਿਸਤਾਨ ਕ੍ਰਿਕਟ 'ਤੇ ਹਾਵੀ ਰਿਹਾ ਹੈ। ਉਸਨੇ ਕੁਝ ਲੀਗਾਂ ਵਿੱਚ ਆਪਣੇ ਪਿਤਾ ਮੁਹੰਮਦ ਨਬੀ ਦੇ ਨਾਲ ਵੀ ਖੇਡਿਆ ਹੈ। ਦੋਵੇਂ ਅਫਗਾਨਿਸਤਾਨ ਦੇ ਘਰੇਲੂ ਟੂਰਨਾਮੈਂਟਾਂ ਵਿੱਚ ਵੀ ਇਕੱਠੇ ਖੇਡਦੇ ਹਨ। ਹਾਲਾਂਕਿ, ਮੁਹੰਮਦ ਨਬੀ ਦਾ ਸੁਪਨਾ ਆਪਣੇ ਪੁੱਤਰ ਨਾਲ ਅੰਤਰਰਾਸ਼ਟਰੀ ਕ੍ਰਿਕਟ ਖੇਡਣਾ ਹੈ। ਹਸਨ ਇਸਾਖਿਲ ਨੇ ਹੁਣ ਤੱਕ ਚਾਰ ਫਸਟ-ਕਲਾਸ ਮੈਚ, 14 ਲਿਸਟ ਏ ਮੈਚ ਅਤੇ 38 ਟੀ-20 ਮੈਚ ਖੇਡੇ ਹਨ। ਉਸਨੇ ਤਿੰਨੋਂ ਫਾਰਮੈਟਾਂ ਵਿੱਚ ਸੈਂਕੜੇ ਲਗਾਏ ਹਨ ਅਤੇ ਹਾਲ ਹੀ ਵਿੱਚ ਅਫਗਾਨਿਸਤਾਨ ਏ ਟੀਮ ਦਾ ਹਿੱਸਾ ਸੀ, ਜਿਸਨੇ ਭਾਰਤ ਅਤੇ ਸ਼੍ਰੀਲੰਕਾ ਵਿਰੁੱਧ ਤਿਕੋਣੀ ਲੜੀ ਖੇਡੀ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e