ਡਬਲਯੂ. ਆਰ. ਮਾਸਟਰਜ਼ ਸ਼ਤਰੰਜ ''ਚ ਗੁਕੇਸ਼ ਅਤੇ ਪ੍ਰਗਿਆਨੰਦਾ ਭਾਰਤ ਵਲੋਂ ਲੈਣਗੇ ਹਿੱਸਾ

ਡੁਸੇਲੜਫ, ਜਰਮਨੀ (ਨਿਕਲੇਸ਼ ਜੈਨ)- ਵਿਸ਼ਵ ਦੇ 10 ਸਰਵੋਤਮ ਸੁਪਰ ਗ੍ਰੈਂਡ ਮਾਸਟਰਾਂ ਵਿਚਾਲੇ ਦੋ ਨੌਜਵਾਨ ਭਾਰਤੀ ਗ੍ਰੈਂਡਮਾਸਟਰ ਡੀ ਗੁਕੇਸ਼ ਅਤੇ ਆਰ  ਪ੍ਰਗਿਆਨੰਦਾ ਵੀ ਡਬਲਯੂਆਰ ਸ਼ਤਰੰਜ ਮਾਸਟਰਜ਼ ਵਿੱਚ ਹਿੱਸਾ ਲੈਣ ਜਾ ਰਹੇ ਹਨ। ਟੂਰਨਾਮੈਂਟ ਵਿੱਚ 5 ਤਜਰਬੇਕਾਰ ਖਿਡਾਰੀਆਂ ਅਤੇ 5 ਨੌਜਵਾਨ ਖਿਡਾਰੀਆਂ ਨੂੰ ਮੌਕਾ ਦਿੱਤਾ ਗਿਆ ਹੈ। 

ਪ੍ਰਤੀਯੋਗਿਤਾ 'ਚ ਵਿਸ਼ਵ ਦੇ ਨੰਬਰ 2 ਰੂਸ ਦੇ ਯਾਨ ਨੇਪੋਮਨਿਸ਼ੀ, ਵਿਸ਼ਵ ਦੇ ਨੰਬਰ 5 ਨੀਦਰਲੈਂਡ ਦੇ ਅਨੀਸ਼ ਗਿਰੀ, ਵਿਸ਼ਵ ਦੇ ਨੰਬਰ 8 ਅਮਰੀਕਾ ਦੇ ਵੇਸਲੇ ਸੋ ਅਤੇ ਵਿਸ਼ਵ ਦੇ ਨੰਬਰ 17 ਅਮਰੀਕਾ ਦੇ ਲੇਵੋਨ ਐਰੋਨੀਅਨ ਅਤੇ ਵਿਸ਼ਵ ਕੱਪ ਜੇਤੂ ਪੋਲੈਂਡ ਦੇ ਜਾਨ ਡੂਡਾ ਮੁਕਾਬਲੇ 'ਚ ਖੇਡਣਗੇ। 

ਨੌਜਵਾਨ ਖਿਡਾਰੀਆਂ 'ਚੋਂ ਗੁਕੇਸ਼ ਤੇ ਪ੍ਰਗਿਆਨੰਦਾ ਤੋਂ ਇਲਾਵਾ ਉਜ਼ਬੇਕਿਸਤਾਨ ਦੇ ਅਬਦੁਸਤਾਰੋਵ ਨੋਦਿਰਬੇਕ, ਰੂਸ ਦੇ ਆਂਦਰੇ ਅਸੀਪੈਂਕੋ ਅਤੇ ਜਰਮਨੀ ਦੇ ਵਿਨਸੇਂਟ ਕੇਮਰ ਖੇਡਦੇ ਹੋਏ ਨਜ਼ਰ ਆਉਣਗੇ। ਦੋਵੇਂ ਰੂਸੀ ਖਿਡਾਰੀ ਇਕ ਵਾਰ ਫਿਰ ਫਿਡੇ ਦੇ ਝੰਡੇ ਹੇਠ ਖੇਡਦੇ ਨਜ਼ਰ ਆਉਣਗੇ। ਟੂਰਨਾਮੈਂਟ ਵਿੱਚ 10 ਖਿਡਾਰੀ ਰਾਊਂਡ ਰੌਬਿਨ ਦੇ ਆਧਾਰ 'ਤੇ ਕਲਾਸੀਕਲ ਮੈਚਾਂ ਦੇ 9 ਰਾਊਂਡ ਖੇਡਣਗੇ। ਮੁਕਾਬਲੇ ਦੀ ਇਨਾਮੀ ਰਾਸ਼ੀ 1 ਲੱਖ 30 ਹਜ਼ਾਰ ਡਾਲਰ ਰੱਖੀ ਗਈ ਹੈ। ਪਹਿਲੇ ਗੇੜ ਵਿੱਚ ਅਨੀਸ਼ ਤੋਂ ਗੁਕੇਸ਼, ਵੇਸਲੀ ਤੋਂ ਡੂਡਾ, ਨੇਪੋਮਨੀਸ਼ੀ ਨਾਲ ਨੋਦਿਰਬੇਕ, ਆਂਦਰੇ ਨਾਲ ਵਿਨਸੇਂਟ ਅਤੇ ਪ੍ਰਗਿਆਨੰਦ ਨਾਲ ਲੇਵੋਨ ਖੇਡਣਗੇ।