13 ਸਾਲ ਛੋਟੀ ਪਤਨੀ ਲਈ ਫੁੱਟਬਾਲਰ ਨੀਲ ਨੇ ਕਰਾਇਆ ਹੇਅਰ ਟ੍ਰਾਂਸਪਲਾਂਟ

05/04/2019 6:27:54 PM

ਜਲੰਧਰ : ਲਿਵਰਪੂਲ ਦਾ ਸਾਬਕਾ ਸਟਾਰ ਫੁੱਟਬਾਲਰ ਨੀਲ ਰੁਡਾਕ ਆਪਣੇ ਹੇਅਰ ਟ੍ਰਾਂਸਪਲਾਂਟ ਨੂੰ ਲੈ ਕੇ ਚਰਚਾ ਵਿਚ ਆ ਗਿਆ ਹੈ।  ਦੱਸਿਆ ਜਾ ਰਿਹਾ ਹੈ ਕਿ 50 ਸਾਲ ਦੇ ਰੂਡਾਕ ਨੇ 13 ਸਾਲ ਛੋਟੀ ਮਾਡਲ ਪਤਨੀ ਲੇਹ ਦੇ ਕਹਿਣ 'ਤੇ ਹੇਅਰ ਟ੍ਰਾਂਸਪਲਾਂਟ ਕਰਾਉਣ ਦਾ ਫੈਸਲਾ ਕੀਤਾ । ਰੁਡਾਕ ਨੇ ਇਕ ਵੈੱਬਸਾਇਟ 'ਤੇ ਗੱਲ ਕਰਦਿਆਂ ਪਤਨੀ 'ਤੇ ਚੁਟਕੀ ਲੈਂਦਿਆਂ ਕਿਹਾ ਕਿ ਮੇਰੀ ਪਤਨੀ ਚੰਦ 'ਤੇ ਹੈ, ਇਸ ਲਈ ਹੁਣ ਉਹ ਮੇਰੇ ਗੰਜੇ ਸਿਰ ਵਾਲੀ ਫੋਟੋ ਛੁਪਾ ਸਕਦੀ ਹੈ। ਘਰ ਵਿਚ ਉਹ ਸਿਰਫ ਉਹ ਹੀ ਫੋਟੋ ਰੱਖੇਗੀ, ਜਿਸ ਵਿਚ ਮੇਰੇ ਬਾਲ ਹੋਣਗੇ। ਬ੍ਰਿਟੇਨ ਦੀ ਮਸ਼ਹੂਰ ਟ੍ਰਾਂਸਪਲਾਂਟ ਕਲੀਨਿਕ ਵਿਚ ਆਪ੍ਰੇਸ਼ਾਨ ਕਰਾਉਣ ਆਏ ਰੁਡਾਕ ਨੇ ਕਿਹਾ ਕਿ ਸ਼ੁਰੂਆਤ ਵਿਚ ਉਸ ਨੂੰ ਇੰਜੈਕਸ਼ਨ ਕਾਰਨ ਥੋੜ੍ਹੀ ਦਰਦ ਜ਼ਰੂਰ ਹੋਈ ਪਰ ਜਦੋਂ ਆਪ੍ਰੇਸ਼ਾਨ ਹੋ ਗਿਆ ਤਾਂ ਉਹ ਲਗਭਗ  ਦੋ ਘੰਟੇ ਤਕ ਸੁੱਤਾ ਰਿਹਾ। ਹੁਣ ਜਦੋਂ ਮੇਰੇ ਬਾਲ ਸਫੇਦ ਹੋ ਗਏ ਹਨ, ਤਾਂ ਮੈਨੂੰ ਲੱਗਦਾ ਹੈ ਕਿ ਮੈਂ ਇਨ੍ਹਾਂ ਨੂੰ ਲੰਬੇ ਕਰ ਸਕਦਾ ਹਾਂ। 

ਰੁਡਾਕ ਨੇ ਇਸ ਦੌਰਾਨ ਮੰਨਿਆ ਕਿ ਇੰਗਲੈਂਡ ਵਲੋਂ ਫੁੱਟਬਾਲ ਕਰੀਅਰ ਤੋਂ ਸੰਨਿਆਸ ਲੈਣ ਤੋਂ ਬਾਅਦ ਉਹ ਆਪਣੀ ਡਾਈਟ ਨੂੰ ਕੰਟਰੋਲ ਨਹੀਂ ਰੱਖ ਸਕਿਆ। ਮੈਂ ਖਾਣ ਦਾ ਆਦੀ ਹੋ ਚੁੱਕਾ ਹਾਂ। ਮੈਨੂੰ ਲੱਗਦਾ ਹੈ ਕਿ ਜੇਕਰ ਮੈਨੂੰ 15 ਸਟੋਨ ਭਾਰ ਵੀ ਘੱਟ ਕਰਨਾ ਹੈ ਤਾਂ ਇਸ  ਲਈ ਮੈਨੂੰ ਘੱਟ ਤੋਂ ਘੱਟ 30 ਸਾਲ ਤਕ ਡਾਈਟ 'ਤੇ ਰਹਿਣਾ ਪਵੇਗਾ ਕਿਉਂਕਿ ਮੇਰੇ ਵਿਚ ਹੁਣ ਕੋਈ ਡਿਸਿਪਲਨ ਨਹੀਂ ਬਚਿਆ ਹੈ।


Related News