FIFA World Cup : ਹਾਰ ਕੇ ਵੀ ਜਾਪਾਨ ਦੀ ਟੀਮ ਨੇ ਜਿੱਤ ਲਏ ਲੋਕਾਂ ਦੇ ਦਿਲ, ਲਿਖਿਆ ''ਥੈਂਕ ਯੂ'' ਨੋਟ
Tuesday, Jul 03, 2018 - 04:10 PM (IST)
ਨਵੀਂ ਦਿੱਲੀ (ਬਿਊਰੋ)— 'ਫੀਫਾ ਵਰਲਡ ਕੱਪ 2018' 'ਚ ਕੱਲ ਰਾਤ ਜਾਪਾਨ ਦੀ ਬੈਲਜੀਅਮ ਹੱਥੋਂ ਕਰਾਰੀ ਹਾਰ ਹੋਈ। ਮੈਚ 'ਚ ਜਾਪਾਨ 2-0 ਨਾਲ ਅੱਗੇ ਸੀ ਪਰ ਇਸ ਦੇ ਬਾਵਜੂਦ ਉਸ ਨੂੰ ਬੈਲਜੀਅਮ ਹੱਥੋਂ 3-2 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਮੈਚ ਹਾਰਨ ਤੋਂ ਬਾਅਦ ਜਾਪਾਨ ਨੇ ਸਟੇਡੀਅਮ 'ਚ ਮੌਜੂਦ ਦਰਸ਼ਕਾਂ ਦਾ ਧੰਨਵਾਦ ਕੀਤਾ, ਜਿਸ ਦੀਆਂ ਵੀਡੀਓਜ਼ ਤੇ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ।
ਜਾਪਾਨ ਦੀ ਹਾਰ ਤੋਂ ਉਨ੍ਹਾਂ ਦੇ ਫੈਨਜ਼ ਦੁਖੀ ਸਨ ਪਰ ਟੀਮ ਮੈਂਬਰਾਂ ਨੇ ਮੈਚ ਖਤਮ ਹੋਣ ਤੋਂ ਬਾਅਦ ਜਿਸ ਢੰਗ ਨਾਲ ਆਪਣੇ ਚਾਹੁਣ ਵਾਲਿਆਂ ਦਾ ਧੰਨਵਾਦ ਕੀਤਾ, ਉਸ ਨਾਲ ਉਨ੍ਹਾਂ ਦੇ ਫੈਨਜ਼ ਦੇ ਚਿਹਰੇ ਵੀ ਖਿੜ ਗਏ।
ਜਾਪਾਨ ਨੇ ਇਸ ਤੋਂ ਬਾਅਦ ਲਾਕਰ ਰੂਮ ਦੀ ਸਫਾਈ ਕੀਤੀ ਤੇ ਰੂਸ ਲਈ ਇਕ 'ਥੈਂਕ ਯੂ' ਨੋਟ ਲਿਖਿਆ। ਉਥੇ ਜਾਪਾਨ ਦੇ ਫੈਨਜ਼ ਨੇ ਮੈਚ ਖਤਮ ਹੋਣ ਤੋਂ ਬਾਅਦ ਸਟੇਡੀਅਮ ਸਾਫ ਕੀਤਾ।
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਜਾਪਾਨ ਦੇ ਫੈਨਜ਼ ਨੇ ਸਟੇਡੀਅਮ ਸਾਫ ਕੀਤਾ ਹੋਵੇ, ਇਸ ਤੋਂ ਪਹਿਲਾਂ ਵੀ ਉਨ੍ਹਾਂ ਨੂੰ ਸਟੇਡੀਅਮ ਸਾਫ ਕਰਦੇ ਦੇਖਿਆ ਜਾ ਚੁੱਕਾ ਹੈ।
Japanese fans clean up stadium after Columbia loses 1-2 to Japan in World Cup 2018 https://t.co/4MsPCdCsaD pic.twitter.com/vx9eAXQ2AC
— Mothership.sg (@MothershipSG) June 19, 2018
ਜਾਪਾਨ ਦੀ ਟੀਮ ਭਾਵੇਂ ਮੈਚ ਹਾਰ ਗਈ ਹੋਵੇ ਪਰ ਉਨ੍ਹਾਂ ਦੇ ਇਸ ਕੰਮ ਨੇ ਸਾਡੇ ਸਾਰਿਆਂ ਦਾ ਦਿਲ ਜਿੱਤ ਲਿਆ ਹੈ।
