IPL ਤੋਂ ਬਾਅਦ ਹੁਣ ਇਸ ਲੀਗ ’ਚ ਖੇਡਦਾ ਦਿਖੇਗਾ ਯੂਨੀਵਰਸ ਬੌਸ, ਕਿਹਾ-ਗੇਲ ਤੂਫਾਨ ਆ ਰਿਹਾ ਹੈ

12/21/2020 4:47:34 PM

ਅਬੂਧਾਬੀ (ਭਾਸ਼ਾ) : ਕ੍ਰਿਸ ਗੇਲ, ਸ਼ਾਹਿਦ ਅਫਰੀਦੀ ਅਤੇ ਡਿਵੇਨ ਬਰਾਵੋ ਵਰਗੇ ਦੁਨੀਆ ਦੇ ਸਿਖ਼ਰ ਕ੍ਰਿਕਟਰ 28 ਜਨਵਰੀ ਤੋਂ 6 ਫਰਵਰੀ ਦਰਮਿਆਨ ਹੋਣ ਵਾਲੇ ਚੌਥੇ ਅਬੂਧਾਬੀ ਟੀ10 ਟੂਰਨਾਮੈਂਟ ਵਿੱਚ ਹਿੱਸਾ ਲੈਣਗੇ। ਪੂਰਾ ਟੂਰਨਾਮੇਂਟ ਜ਼ਾਇਦ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡਿਆ ਜਾਵੇਗਾ। ਸੀਮਤ ਓਵਰਾਂ ਦੇ ਸਭ ਤੋਂ ਉੱਤਮ ਖਿਡਾਰੀਆਂ ਵਿੱਚੋਂ 1 ਗੇਲ ਟੀਮ ਅਬੂਧਾਬੀ ਦੇ ਆਈਕਨ ਖਿਡਾਰੀ ਦੇ ਰੂਪ ਵਿੱਚ ਮੈਦਾਨ ਉੱਤੇ ਉਤਰਣਗੇ। ਉਹ ਹੁਣ ਤੱਕ ਟੀ20 ਵਿੱਚ 1000 ਤੋਂ ਜ਼ਿਆਦਾ ਛੱਕੇ ਲਗਾ ਚੁੱਕੇ ਹਨ ਅਤੇ ਅਜਿਹੇ ਵਿੱਚ ਸਾਰਿਆਂ ਦੀਆਂ ਨਜ਼ਰਾਂ ਇਸ ਕੈਰੇਬਿਆਈ ਖਿਡਾਰੀ ਉੱਤੇ ਟਿਕੀਆਂ ਰਹਿਣਗੀਆਂ।

ਇਹ ਵੀ ਪੜ੍ਹੋ: ਅਹਿਮ ਖ਼ਬਰ: ਗੱਤਕੇ ਸਮੇਤ 4 ਖੇਡਾਂ 'ਖੇਡੋ ਇੰਡੀਆ ਯੂਥ ਗੇਮਜ਼-2021' ’ਚ ਸ਼ਾਮਲ

ਗੇਲ ਨੇ ਆਯੋਜਕਾਂ ਵੱਲੋਂ ਜਾਰੀ ਬਿਆਨ ਵਿੱਚ ਕਿਹਾ, ‘ਜਿੰਨਾ ਛੋਟਾ ਮੈਚ ਹੁੰਦਾ ਹੈ ਉਹ ਓਨਾ ਹੀ ਆਕਰਸ਼ਕ ਬਣ ਜਾਂਦਾ ਹੈ। ਮੈਂ ਫਿਰ ਤੋਂ ਜੈਦ ਕ੍ਰਿਕਟ ਸਟੇਡੀਅਮ ਵਿੱਚ ਖੇਡਣ ਨੂੰ ਲੈ ਕੇ ਉਤਸ਼ਾਹਿਤ ਹਾਂ। ਅਬੂਧਾਬੀ– ਗੇਲ ਤੂਫਾਨ ਆ ਰਿਹਾ ਹੈ।’ ਗੇਲ ਜਿੱਥੇ ਟੀਮ ਅਬੂਧਾਬੀ ਦਾ ਹਿੱਸਾ ਹੋਣਗੇ, ਉਥੇ ਹੀ ਅਫਰੀਦੀ ਕਲੰਦਰਸ ਦੇ ਆਈਕਨ ਖਿਡਾਰੀ ਹੋਣਗੇ । ਬਰਾਵੋ ਦਿੱਲੀ ਬੁਲਸ, ਆਂਦਰੇ ਰਸੇਲ ਨਾਰਦਰਨ ਵਾਰੀਅਰਸ ਅਤੇ ਸੁਨੀਲ ਨਰਾਇਣ ਡੈਕਨ ਗਲੈਡੀਏਟਰਸ ਵੱਲੋਂ ਖੇਡਣਗੇ। ਜੋ ਹੋਰ ਪ੍ਰਮੁੱਖ ਖਿਡਾਰੀ ਇਸ ਵਿੱਚ ਹਿੱਸਾ ਲੈਣਗੇ, ਉਨ੍ਹਾਂ ਵਿੱਚ ਪਾਕਿਸਤਾਨ ਦੇ ਸਾਬਕਾ ਕਪਤਾਨ ਸ਼ੋਏਬ ਮਲਿਕ (ਮਰਾਠਾ ਅਰੇਬੀਅਨਸ), ਸ਼੍ਰੀਲੰਕਾ ਦੇ ਤਿਸਾਰਾ ਪਰੇਰਾ (ਪੁਣੇ ਡੈਵਿਲਸ) ਅਤੇ ਇਸੁਰੁ ਉਦਾਨਾ (ਬਾਂਗਲਾ ਟਾਈਗਰਸ) ਸ਼ਾਮਲ ਹਨ। ਅਬੂਧਾਬੀ ਟੀ10 ਲੀਗ 10 ਓਵਰਾਂ ਦਾ ਪਹਿਲਾ ਟੂਰਨਾਮੈਂਟ ਹੈ, ਜਿਸ ਨੂੰ ਅੰਤਰਰਾਸ਼ਟਰੀ ਕ੍ਰਿਕਟ ਪਰਿਸ਼ਦ (ਆਈ.ਸੀ.ਸੀ.) ਅਤੇ ਐਮੀਰਾਤ ਕ੍ਰਿਕਟ ਬੋਰਡ ਤੋਂ ਮਨਜ਼ੂਰੀ ਮਿਲੀ ਹੋਈ ਹੈ।

ਇਹ ਵੀ ਪੜ੍ਹੋ: 21 December : ਅੱਜ ਹੈ ਸਾਲ ਦਾ ਸਭ ਤੋਂ ਛੋਟਾ ਦਿਨ, 16 ਘੰਟਿਆਂ ਦੀ ਰਹੇਗੀ ਰਾਤ

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।


cherry

Content Editor

Related News