ਚੇਨਈ ਗ੍ਰੈਂਡ ਮਾਸਟਰਜ਼ ਸ਼ਤਰੰਜ : ਹਰੀਕ੍ਰਿਸ਼ਨਾ ਨੇ ਜਿੱਤ ਨਾਲ ਖਾਤਾ ਖੋਲ੍ਹਿਆ

ਚੇਨਈ (ਨਿਕਲੇਸ਼ ਜੈਨ)- ਭਾਰਤੀ ਸ਼ਤਰੰਜ ਦੇ ਇਤਿਹਾਸ ਦਾ ਸਭ ਤੋਂ ਵੱਡਾ ਕਲਾਸੀਕਲ ਸੁਪਰ ਗ੍ਰੈਂਡ ਮਾਸਟਰ ਟੂਰਨਾਮੈਂਟ ਸ਼ੁਰੂ ਹੋ ਗਿਆ ਹੈ। ਪਹਿਲੇ ਦਿਨ ਦੋ ਮੈਚਾਂ ਦੇ ਨਤੀਜਿਆਂ ਨੇ ਸੰਕੇਤ ਦਿੱਤਾ ਹੈ ਕਿ ਆਉਣ ਵਾਲੇ ਛੇ ਗੇੜਾਂ ਵਿੱਚ ਵੀ ਸਖ਼ਤ ਟੱਕਰ ਹੋਣ ਵਾਲੀ ਹੈ।

ਇਹ ਵੀ ਪੜ੍ਹੋ : ਈਸ਼ਾਨ ਕਿਸ਼ਨ ਦੱਖਣੀ ਅਫਰੀਕਾ ਦੀ ਟੈਸਟ ਸੀਰੀਜ਼ ਤੋਂ ਬਾਹਰ, ਭਰਤ ਲੈਣਗੇ ਜਗ੍ਹਾ

ਪਹਿਲੇ ਗੇੜ ਵਿੱਚ ਭਾਰਤ ਲਈ ਸਭ ਤੋਂ ਵੱਡਾ ਮੁਕਾਬਲਾ ਦੋ ਤਜਰਬੇਕਾਰ ਭਾਰਤੀ ਖਿਡਾਰੀਆਂ ਪੇਂਟਾਲਾ ਹਰਿਕ੍ਰਿਸ਼ਨਾ ਅਤੇ ਅਰਜੁਨ ਅਰਿਗਾਸੀ ਵਿਚਕਾਰ ਸੀ, ਜਿਸ ਵਿੱਚ ਹਰੀਕ੍ਰਿਸ਼ਨਾ ਨੇ ਆਪਣੇ ਸ਼ਾਨਦਾਰ ਐਂਡ ਗੇਮ ਦੀ ਬਦੌਲਤ ਜਿੱਤ ਦਰਜ ਕਰਕੇ ਆਪਣਾ ਖਾਤਾ ਖੋਲ੍ਹਿਆ। ਸਫੈਦ ਮੋਹਰਿਆਂ ਨਾਲ ਖੇਡਦੇ ਹੋਏ, ਹਰੀਕ੍ਰਿਸ਼ਨਾ ਨੇ 61 ਚਾਲਾਂ ਵਿੱਚ ਕਵੀਨ ਪੈਨ ਓਪਨਿੰਗ ਜਿੱਤੀ।

ਇਹ ਵੀ ਪੜ੍ਹੋ : 1sT ODI : ਭਾਰਤ ਨੇ ਦੱਖਣੀ ਅਫਰੀਕਾ ਨੂੰ 8 ਵਿਕਟਾਂ ਨਾਲ ਹਰਾਇਆ

ਹੋਰ ਮੈਚਾਂ ਵਿੱਚ ਈਰਾਨ ਦੇ ਪਰਹਮ ਮਗਸੁਦਲੂ ਨੂੰ ਯੂਕਰੇਨ ਦੇ ਪਾਵੇਲ ਏਲਜਾਨੋਵ ਨੇ ਹਰਾਇਆ ਜਦੋਂ ਕਿ ਭਾਰਤ ਦੇ ਡੀ ਗੁਕੇਸ਼ ਨੇ ਅਮਰੀਕਾ ਦੇ ਲੇਵਾਨ ਅਰੋਨੀਅਨ ਨਾਲ ਡਰਾਅ ਖੇਡਿਆ ਅਤੇ ਹੰਗਰੀ ਦੇ ਸਨਾਨ ਸਜੁਗਿਰੋਵ ਨੇ ਸਰਬੀਆ ਦੇ ਅਲੈਗਜ਼ੈਂਡਰ ਪ੍ਰੇਡਕੇ ਨਾਲ ਡਰਾਅ ਖੇਡਿਆ। ਪਹਿਲੇ ਦਿਨ ਤੋਂ ਬਾਅਦ ਹੁਣ ਹਰੀਕ੍ਰਿਸ਼ਨਾ ਅਤੇ ਪਾਵੇਲ ਸਾਂਝੀ ਬੜ੍ਹਤ 'ਤੇ ਹਨ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।