ਟ੍ਰੇਟ ਬੋਲਟ ਦੀ ਟੀ20 ਇੰਟਰਨੈਸ਼ਨਲ ਨੂੰ ਬਾਏ-ਬਾਏ, ਬੋਲੇ-ਅਸੀਂ ਚੰਗਾ ਨਹੀਂ ਖੇਡ ਪਾਏ
06/15/2024 4:57:49 PM
ਤਾਰੋਬਾ (ਤ੍ਰਿਨੀਦਾਦ) : ਨਿਊਜ਼ੀਲੈਂਡ ਦੇ ਦਿੱਗਜ ਤੇਜ਼ ਗੇਂਦਬਾਜ਼ ਟ੍ਰੇਂਟ ਬੋਲਟ ਨੇ ਕਿਹਾ ਕਿ ਮੌਜੂਦਾ ਟੀ-20 ਵਿਸ਼ਵ ਕੱਪ ਖੇਡ ਦੇ ਸਭ ਤੋਂ ਛੋਟੇ ਫਾਰਮੈਟ 'ਚ ਉਨ੍ਹਾਂ ਦਾ ਆਖਰੀ ਗਲੋਬਲ ਟੂਰਨਾਮੈਂਟ ਹੋਵੇਗਾ। ਬੋਲਟ 2011 ਵਿੱਚ ਆਪਣੇ ਡੈਬਿਊ ਤੋਂ ਬਾਅਦ ਨਿਊਜ਼ੀਲੈਂਡ ਟੀਮ ਦੇ ਅਹਿਮ ਮੈਂਬਰ ਰਹੇ ਹਨ। ਉਨ੍ਹਾਂ ਨੇ ਟੀ-20 ਵਿਸ਼ਵ ਕੱਪ, ਵਨਡੇ ਵਿਸ਼ਵ ਕੱਪ ਅਤੇ ਟੈਸਟ ਚੈਂਪੀਅਨਸ਼ਿਪ ਦੇ ਫਾਈਨਲ ਖੇਡਣ ਦਾ ਤਜਰਬਾ ਹੈ। ਉਨ੍ਹਾਂ ਨੇ 2014 ਤੋਂ ਹੁਣ ਤੱਕ 4 ਟੀ-20 ਵਿਸ਼ਵ ਕੱਪਾਂ ਵਿੱਚ ਹਿੱਸਾ ਲਿਆ ਹੈ।
ਬੋਲਟ ਨੇ ਯੁਗਾਂਡਾ 'ਤੇ ਨਿਊਜ਼ੀਲੈਂਡ ਦੀ 9 ਵਿਕਟਾਂ ਦੀ ਜਿੱਤ ਤੋਂ ਬਾਅਦ ਕਿਹਾ ਕਿ ਜੇਕਰ ਮੈਂ ਆਪਣੀ ਗੱਲ ਕਰਾਂ ਤਾਂ ਇਹ ਮੇਰਾ ਆਖਰੀ ਟੀ-20 ਵਿਸ਼ਵ ਕੱਪ ਹੋਵੇਗਾ। ਮੈਨੂੰ ਇਹੀ ਕਹਿਣਾ ਹੈ। ਯੂਗਾਂਡਾ ਖਿਲਾਫ ਮੈਚ ਤੋਂ ਪਹਿਲਾਂ ਹੀ ਨਿਊਜ਼ੀਲੈਂਡ ਦੀ ਟੀਮ ਵਿਸ਼ਵ ਕੱਪ ਦੇ ਸੁਪਰ 8 ਦੌਰ 'ਚੋਂ ਬਾਹਰ ਹੋ ਗਈ ਸੀ। ਟੀਮ ਹੁਣ ਗਰੁੱਪ ਸੀ 'ਚ ਆਪਣੇ ਆਖਰੀ ਮੈਚ 'ਚ ਪਾਪੂਆ ਨਿਊ ਗਿਨੀ ਨਾਲ ਭਿੜੇਗੀ, ਜੋ 34 ਸਾਲਾ ਖੱਬੇ ਹੱਥ ਦੇ ਗੇਂਦਬਾਜ਼ ਦਾ ਟੀ-20 ਵਿਸ਼ਵ ਕੱਪ 'ਚ ਆਖਰੀ ਮੈਚ ਹੋਵੇਗਾ।
Early wickets in Trinidad. Watch play LIVE in NZ on @skysportnz 📺 LIVE scoring | https://t.co/Yw7RKNFalz 📲 #T20WorldCup #NZvUGA pic.twitter.com/at9R4T0Jh8
— BLACKCAPS (@BLACKCAPS) June 15, 2024
ਸੁਪਰ 8 ਤੋਂ ਬਾਹਰ ਹੋਣ 'ਤੇ ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਯਕੀਨੀ ਤੌਰ 'ਤੇ ਟੂਰਨਾਮੈਂਟ 'ਚ ਅਜਿਹੀ ਸ਼ੁਰੂਆਤ ਨਹੀਂ ਚਾਹੁੰਦੇ ਸੀ। ਇਸ ਨੂੰ ਹਜ਼ਮ ਕਰਨਾ ਔਖਾ ਹੈ। ਅਸੀਂ ਨਿਰਾਸ਼ ਹਾਂ ਕਿ ਅਸੀਂ ਤਰੱਕੀ ਨਹੀਂ ਕਰ ਸਕੇ ਪਰ ਜਦੋਂ ਵੀ ਤੁਹਾਨੂੰ ਦੇਸ਼ ਦੀ ਨੁਮਾਇੰਦਗੀ ਕਰਨ ਦਾ ਮੌਕਾ ਮਿਲਦਾ ਹੈ, ਇਹ ਮਾਣ ਵਾਲਾ ਪਲ ਹੁੰਦਾ ਹੈ। ਨਿਊਜ਼ੀਲੈਂਡ ਨੇ ਵਿਸ਼ਵ ਕੱਪ ਦੇ ਇਸ ਫਾਰਮੈਟ ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਇਸ ਸੀਜ਼ਨ ਤੋਂ ਪਹਿਲਾਂ ਟੀਮ 2014 ਤੋਂ ਬਾਅਦ ਹਰ ਵਾਰ ਸੈਮੀਫਾਈਨਲ 'ਚ ਪਹੁੰਚਣ 'ਚ ਸਫਲ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਦੇਸ਼ ਲਈ ਖੇਡਣ ਨੂੰ ਲੈ ਕੇ ਡ੍ਰੈਸਿੰਗ ਰੂਮ 'ਚ ਕਾਫੀ ਮਾਣ ਦਾ ਮਾਹੌਲ ਹੈ। ਪਿਛਲੇ ਕਈ ਸਾਲਾਂ ਤੋਂ ਸਾਡਾ ਰਿਕਾਰਡ ਸ਼ਾਨਦਾਰ ਰਿਹਾ ਹੈ। ਬਦਕਿਸਮਤੀ ਨਾਲ ਪਿਛਲੇ ਹਫਤੇ ਅਸੀਂ ਚੰਗਾ ਨਹੀਂ ਖੇਡ ਸਕੇ ਅਤੇ ਯੋਗਤਾ ਤੋਂ ਬਾਹਰ ਹੋ ਗਏ।
