ਸਵਿਟਜ਼ਰਲੈਂਡ ਦੀ ਬੇਲਿੰਡਾ ਇੰਡੀਅਨ ਵੇਲਸ ਦੇ ਸੈਮੀਫਾਈਨਲ ''ਚ
03/15/2019 1:24:43 PM
ਇੰਡੀਅਨ ਵੇਲਸ — ਸਵਿਟਜ਼ਰਲੈਂਡ ਦੀ ਬੇਲਿੰਡਾ ਬੇਨਸਿਚ ਨੇ ਸ਼ਾਨਦਾਰ ਫ਼ਾਰਮ ਜਾਰੀ ਰੱਖਦੇ ਹੋਏ ਵੀਰਵਾਰ ਨੂੰ ਪੰਜਵੀਂ ਰੈਂਕਿੰਗ ਦੀ ਖਿਡਾਰੀ ਕੈਰੋਲਿਨਾ ਪਲਿਸਕੋਵਾ ਨੂੰ ਹਰਾ ਕੇ ਇੰਡੀਅਨ ਵੇਲਸ ਡਬਲਿਊ. ਟੀ.ਏ. ਟੂਰਨਾਮੈਂਟ ਦੇ ਸੈਮੀਫਾਈਨਲ 'ਚ ਜਗ੍ਹਾ ਸੁਨਿਸਚਿਤ ਕੀਤੀ। ਵਰਲਡ ਰੈਂਕਿੰਗ 'ਚ ਨੰਬਰ ਸੱਤ 'ਤੇ ਰਹਿ ਚੁੱਕੀ ਬੇਲਿੰਡਾ ਨੇ ਕੈਰੋਲਿਨਾ ਨੂੰ 6-3, 4-6, 6-3 ਤੋਂ ਹਰਾ ਕੇ ਲਗਾਤਾਰ 12 ਮੈਚਾਂ 'ਚ ਜਿੱਤ ਦਾ ਸਫਰ ਜਾਰੀ ਰੱਖਿਆ। ਬੇਲਿੰਡਾ ਨੇ ਇਨ੍ਹਾਂ 'ਚੋਂ ਛੇ ਜਿਤਾਂ ਟਾਪ 10 ਖਿਡਾਰੀਆਂ ਦੇ ਖਿਲਾਫ ਹਾਸਲ ਕੀਤੀ ਹੈ ਜਿਸ 'ਚ ਚੌਥੇ ਦੌਰ 'ਚ ਇੰਡੀਅਨ ਵੇਲਸ ਦੀ ਪਿਛਲੇ ਚੈਂਪੀਅਨ ਤੇ ਦੁਨੀਆ ਦੀ ਨੰਬਰ ਇਕ ਖਿਡਾਰੀ ਨਾਓਮੀ ਓਸਾਕਾ 'ਤੇ 6-3, 6-1 ਦੀ ਜਿੱਤ ਵੀ ਸ਼ਾਮਲ ਹੈ।
ਪਿਛਲੇ ਮਹੀਨੇ ਦੁਬਈ 'ਚ ਚਾਰ ਸਾਲ ਬਾਅਦ ਆਪਣਾ ਪਹਿਲਾ ਖਿਤਾਬ ਜਿੱਤਣ ਵਾਲੀ ਬੇਲਿੰਡਾ ਦਾ ਸਾਹਮਣਾ ਫਾਈਨਲ 'ਚ ਜਗ੍ਹਾ ਬਣਾਉਣ ਲਈ ਸੱਤ ਵਾਰ ਦੀ ਗਰੈਂਡਸਲੈਮ ਚੈਂਪੀਅਨ ਵੀਨਸ ਵਿਲੀਅਮਸ ਤੇ ਦੋ ਵਾਰ ਦੀ ਗਰੈਂਡਸਲੈਮ ਜੇਤੂ ਐਂਜਲਿਕ ਕਰਬਰ ਦੇ 'ਚ ਹੋਣ ਵਾਲੇ ਸੈਮੀਫਾਈਨਲ ਦੇ ਜੇਤੂ ਨਾਲ ਹੋਵੇਗਾ।
