BBL 11 : ਜੋਸ਼ ਫਿਲਿਪ ਕੋਰੋਨਾ ਪਾਜ਼ੇਟਿਵ, ਸਿਡਨੀ ਸਿਕਸਰਸ ਨੇ ਕੋਚ ਨੂੰ ਮੈਦਾਨ 'ਤੇ ਉਤਾਰਿਆ

ਸਪੋਰਟਸ ਡੈਸਕ- ਆਸਟਰੇਲੀਆ 'ਚ ਚਲ ਰਹੀ ਟੀ-20 ਲੀਗ ਬਿਗ ਬੈਸ਼ ਤੋਂ ਕੋਰੋਨਾ ਦਾ ਸਾਇਆ ਹਟਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਟੂਰਨਾਮੈਂਟ ਦੇ ਦੌਰਾਨ ਕਈ ਖਿਡਾਰੀਆਂ ਦੀ ਰਿਪੋਰਟ ਪਾਜ਼ੇਟਿਵ ਆ ਚੁੱਕੀ ਹੈ ਜਿਸ ਕਾਰਨ ਟੀਮਾਂ ਨੂੰ ਬਦਲਾਅ ਕਰਨਾ ਪੈ ਰਿਹਾ ਹੈ। ਬਿਗ ਬੈਸ਼ ਲੀਗ 'ਚ ਸਾਬਕਾ ਚੈਂਪੀਅਨ ਸਿਡਨੀ ਸਿਕਸਰਸ ਤੇ ਐਡੀਲੇਡ ਸਟ੍ਰਾਈਕਰ ਦਰਮਿਆਨ 'ਚ ਸੈਮੀਫਾਈਨਲ ਖੇਡਿਆ ਗਿਆ। ਮੈਚ ਤੋਂ ਪਹਿਲਾਂ ਹੀ ਸਿਡਨੀ ਸਿਕਸਰਸ ਦੀ ਟੀਮ ਦੇ ਇਕ ਖਿਡਾਰੀ ਦੀ ਰਿਪੋਰਟ ਕੋਰੋਨਾ ਪਾਜ਼ੇਟਿਵ ਆ ਗਈ ਜਿਸ ਤੋਂ ਬਾਅਦ ਟੀਮ 'ਚ ਬਦਲਾਅ ਕਰਦੇ ਹੋਏ ਪਲੇਇੰਗ ਇਲੈਵਨ 'ਚ ਕੋਚ ਨੂੰ ਖਿਡਾਉਣਾ ਪਿਆ।

Welcome back to BBL @JayLenton 🙌 pic.twitter.com/fWRZAOXZrE

— Sydney Sixers (@SixersBBL) January 26, 2022

ਐਡੀਲੇਡ ਸਟ੍ਰਾਈਕਰਸ ਦੇ ਖ਼ਿਲਾਫ਼ ਸੈਮੀਫਾਈਨਲ ਮੈਚ ਤੋਂ ਪਹਿਲਾਂ ਸਿਡਨੀ ਸਿਕਸਰਸ ਦੀ ਟੀਮ ਨੂੰ ਝਟਕਾ ਲੱਗਾ ਜਦੋਂ ਟੀਮ ਦੇ ਵਿਕਟਕੀਪਰ ਬੱਲੇਬਾਜ਼ ਜੋਸ਼ ਫਿਲਿਪ ਦੀ ਕੋਵਿਡ ਰਿਪੋਰਟ ਪਾਜ਼ੇਟਿਵ ਆ ਗਈ। ਇਸ ਤੋਂ ਬਾਅਦ ਜੋਸ਼ ਫਿਲਿਪ ਨੂੰ ਟੀਮ ਤੋਂ ਬਾਹਰ ਕਰਨਾ ਪਿਆ। ਸਿਡਨੀ ਸਿਕਸਰਸ ਦੇ ਕੋਲ ਵਿਕਟਕੀਪਰ ਜੋਸ਼ ਫਿਲਿਪ ਦੀ ਜਗ੍ਹਾ ਕੋਈ ਹੋਰ ਬਦਲ ਨਹੀਂ ਸੀ। ਇਸ ਵਜ੍ਹਾ ਨਾਲ ਟੀਮ ਨੂੰ ਅਸਿਸਟੈਂਟ ਕੋਚ ਜੇ. ਲੇਂਟਨ ਨੂੰ ਪਲੇਇੰਗ ਇਲੈਵਨ 'ਚ ਜਗ੍ਹਾ ਦੇਣੀ ਪਈ।

ਜੇ ਲੇਂਟਨ ਪਿਛਲੇ ਮਹੀਨੇ ਹੀ ਸਿਡਨੀ ਸਿਕਸਰਸ ਦੇ ਨਾਲ ਬਤੌਰ ਅਸਿਸਟੈਂਟ ਕੋਚ ਜੁੜੇ ਸਨ। ਕੋਚ ਨੂੰ ਬਤੌਰ ਪਲੇਇੰਗ ਇਲੈਵਨ 'ਚ ਖਿਡਾਉਣ ਦਾ ਸ਼ਾਇਦ ਇਹ ਕ੍ਰਿਕਟ ਇਤਿਹਾਸ 'ਚ ਪਹਿਲਾ ਮੌਕਾ ਹੈ। ਮੈਚ 'ਚ ਸਿਡਨੀ ਸਿਕਸਰਸ ਨੇ ਐਡੀਲੇਡ ਸਟ੍ਰਾਈਕਰਸ ਨੂੰ ਹਰਾ ਦਿੱਤਾ ਤੇ ਉਹ ਫਾਈਨਲ 'ਚ ਪਰਥ ਸਕਾਚਰਸ ਨਾਲ ਭਿੜੇਗੀ।