ਭਾਰਤ ਨਾਲ 2 ਡੇ-ਨਾਈਟ ਟੈਸਟ ਖੇਡਣਾ ਚਾਹੁੰਦਾ ਹੈ ਆਸਟਰੇਲੀਆ
12/05/2019 10:50:29 PM
ਮੈਬਲੋਬਨ— ਭਾਰਤ ਨੂੰ 2021 'ਚ ਆਸਟਰੇਲੀਆ ਦਾ ਦੌਰਾ ਕਰਨਾ ਹੈ ਤੇ ਮੇਜਬਾਨ ਆਸਟਰੇਲੀਆ ਵਿਸ਼ਵ ਦੀ ਮੌਜੂਦਾ ਨੰਬਰ ਇਕ ਟੀਮ ਨਾਲ 2 ਡੇ-ਨਾਈਟ ਟੈਸਟ ਖੇਡਣਾ ਚਾਹੁੰਦਾ ਹੈ। ਭਾਰਤ ਨੇ ਹਾਲ 'ਚ ਕੋਲਕਾਤਾ ਦੇ ਈਡਨ ਗਾਰਡਨ 'ਚ ਬੰਗਲਾਦੇਸ਼ ਵਿਰੁੱਧ ਆਪਣਾ ਪਹਿਲਾ ਡੇ-ਨਾਈਟ ਟੈਸਟ ਮੈਚ ਖੇਡਿਆ ਸੀ ਤੇ ਇਸ ਨੂੰ ਪਾਰੀ ਨਾਲ ਜਿੱਤਿਆ ਸੀ। ਆਸਟਰੇਲੀਆ ਨੇ ਵੀ ਪਾਕਿਸਤਾਨ ਨਾਲ ਆਪਣਾ ਹਾਲ ਹੀ 'ਚ ਡੇ-ਨਾਈਟ ਟੈਸਟ ਪਾਰੀ ਨਾਲ ਜਿੱਤਿਆ ਸੀ। ਆਈ. ਸੀ. ਸੀ. ਟੈਸਟ ਚੈਂਪੀਅਨਸ਼ਿਪ 'ਚ ਭਾਰਤ 360 ਅੰਕਾਂ ਦੇ ਨਾਲ ਪਹਿਲਾ ਤੇ ਆਸਟਰੇਲੀਆ 176 ਅੰਕਾਂ ਦੇ ਨਾਲ ਦੂਜੇ ਸਥਾਨ 'ਤੇ ਹੈ।
ਜੇਕਰ ਆਸਟਰੇਲੀਆ ਦੀ ਇਹ ਯੋਜਨਾ ਕਾਮਯਾਬ ਰਹਿੰਦੀ ਹੈ ਤਾਂ ਪਹਿਲੀ ਸੀਰੀਜ਼ ਹੋਵੇਗੀ ਜਿਸ 'ਚ ਜ਼ਿਆਦਾ ਡੇ-ਨਾਈਟ ਟੈਸਟ ਹੋਣਗੇ। ਕ੍ਰਿਕਟ ਆਸਟਰੇਲੀਆ (ਸੀ. ਏ.) ਦੇ ਪ੍ਰਧਾਨ ਅਰਲ ਐਡਿੰਗਸ ਦੀ ਅਗਵਾਈ 'ਚ ਸੀ. ਏ. ਦਾ ਇਕ ਦਲ ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ. ਸੀ. ਸੀ. ਆਈ.) ਦੇ ਨਵੇਂ ਅਧਿਕਾਰੀਆਂ ਨਾਲ ਜਨਵਰੀ 'ਚ ਸੀਮਿਤ ਓਵਰਾਂ ਦੀ ਸੀਰੀਜ਼ ਦਾ ਸਮਾਂ ਮੁਲਾਕਾਤ ਕਰੇਗਾ ਤਾਕਿ ਸੀਰੀਜ਼ 'ਚ 2 ਡੇ-ਨਾਈਟ ਟੈਸਟ ਦੀ ਸੰਭਾਵਨਾ ਲੱਭੀ ਜਾ ਸਕੇ। ਹਾਲਾਂਕਿ ਇਸ ਮਾਮਲੇ 'ਚ ਹੁਣ ਗੱਲਬਾਤ ਸ਼ੁਰੂ ਨਹੀਂ ਹੋਈ ਹੈ ਪਰ ਆਸਟਰੇਲੀਆ ਕੋਸ਼ਿਸ਼ ਕਰ ਰਿਹਾ ਹੈ ਕਿ ਉਹ ਭਾਰਤ ਦੇ ਨਾਲ ਇਕ ਸੀਰੀਜ਼ 'ਚ 2 ਡੇ-ਨਾਈਟ ਟੈਸਟ ਖੇਡ ਲਵੇ।
