ਆਸਟ੍ਰੇਲੀਆ ਨੇ ਦਬਾਅ ''ਚ ਬਿਹਤਰੀਨ ਪ੍ਰਦਰਸ਼ਨ ਕੀਤਾ ਹੈ, ਭਾਰਤ ਖਿਲਾਫ ਅਜਿਹਾ ਹੀ ਕਰਾਂਗੇ : ਮਾਰਸ਼

ਕਿੰਗਸਟਾਊਨ, (ਭਾਸ਼ਾ) ਆਸਟ੍ਰੇਲੀਆ ਦੇ ਕਪਤਾਨ ਮਿਸ਼ੇਲ ਮਾਰਸ਼ ਨੇ ਕਿਹਾ ਕਿ ਉਨ੍ਹਾਂ ਦੀ ਟੀਮ ਦਬਾਅ 'ਚ ਬਿਹਤਰ ਪ੍ਰਦਰਸ਼ਨ ਕਰਦੀ ਹੈ ਅਤੇ ਭਾਰਤ ਖਿਲਾਫ ਅਫਗਾਨਿਸਤਾਨ ਦੀ ਹਾਰ ਤੋਂ ਉਭਰ ਕੇ ਸ਼ਾਨਦਾਰ ਵਾਪਸੀ ਕਰੇਗੀ। ਇਹ ਕਰੋ ਜਾਂ ਮਰੋ ਦਾ ਮੈਚ ਸੋਮਵਾਰ ਨੂੰ ਹੋਵੇਗਾ। ਆਸਟ੍ਰੇਲੀਆ ਨੂੰ ਟੀ-20 ਵਿਸ਼ਵ ਕੱਪ ਦੇ ਸੁਪਰ 8 ਮੈਚ ਵਿਚ ਅਫਗਾਨਿਸਤਾਨ ਤੋਂ 21 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਜਿਸ ਨਾਲ ਉਸ ਦੀਆਂ ਸੈਮੀਫਾਈਨਲ ਵਿਚ ਪਹੁੰਚਣ ਦੀਆਂ ਉਮੀਦਾਂ ਨੂੰ ਵੱਡਾ ਝਟਕਾ ਲੱਗਾ। 

ਆਸਟਰੇਲੀਆ ਨੂੰ ਹੁਣ ਨਾ ਸਿਰਫ਼ ਭਾਰਤ ਖ਼ਿਲਾਫ਼ ਆਪਣਾ ਆਖ਼ਰੀ ਸੁਪਰ 8 ਮੈਚ ਜਿੱਤਣਾ ਹੋਵੇਗਾ, ਸਗੋਂ ਚੰਗੀ ਨੈੱਟ ਰਨ ਰੇਟ ਵੀ ਕਾਇਮ ਰੱਖਣੀ ਹੋਵੇਗੀ। ਮਾਰਸ਼ ਨੇ ਪੱਤਰਕਾਰਾਂ ਨੂੰ ਕਿਹਾ, ''ਇਹ ਇਕ ਮਹੱਤਵਪੂਰਨ ਮੈਚ ਹੈ ਜੋ ਭਾਰਤ ਦੇ ਖਿਲਾਫ ਹੋਵੇਗਾ ਅਤੇ ਇਸ 'ਚ ਸਾਨੂੰ ਕਿਸੇ ਵੀ ਕੀਮਤ 'ਤੇ ਜਿੱਤ ਪ੍ਰਾਪਤ ਕਰਨੀ ਹੋਵੇਗੀ। ਜੇਕਰ ਇਸ ਟੀਮ ਦੇ ਇਤਿਹਾਸ 'ਤੇ ਨਜ਼ਰ ਮਾਰੀਏ ਤਾਂ ਸਾਡੇ ਖਿਡਾਰੀ ਦਬਾਅ 'ਚ ਆਪਣਾ ਸਰਵੋਤਮ ਪ੍ਰਦਰਸ਼ਨ ਕਰਦੇ ਹਨ। ਸਾਡੇ ਖਿਡਾਰੀ ਯਕੀਨੀ ਤੌਰ 'ਤੇ ਇਸ ਲਈ ਪੂਰੀ ਤਰ੍ਹਾਂ ਤਿਆਰ ਹੋਣਗੇ।''

ਉਸ ਨੇ ਕਿਹਾ, ''ਸਾਡੇ ਲਈ ਹੁਣ ਚੀਜ਼ਾਂ ਸਪੱਸ਼ਟ ਹਨ। ਸਾਨੂੰ ਆਪਣੇ ਆਪ 'ਤੇ ਭਰੋਸਾ ਕਰਨਾ ਹੋਵੇਗਾ। ਸਾਡੇ ਕੋਲ ਬਹੁਤ ਚੰਗੇ ਖਿਡਾਰੀ ਹਨ ਅਤੇ ਮੇਰਾ ਮੰਨਣਾ ਹੈ ਕਿ ਅਸੀਂ ਬਿਹਤਰੀਨ ਟੀਮਾਂ ਦੇ ਖਿਲਾਫ ਆਪਣਾ ਸਰਵਸ੍ਰੇਸ਼ਠ ਪ੍ਰਦਰਸ਼ਨ ਕੀਤਾ ਹੈ। ਸਾਨੂੰ ਸਭ ਕੁਝ ਭੁੱਲ ਕੇ ਅੱਗੇ ਵਧਣਾ ਹੋਵੇਗਾ ਅਤੇ ਟੀ-20 ਕੌਮਾਂਤਰੀ ਕ੍ਰਿਕਟ 'ਚ ਆਸਟ੍ਰੇਲੀਆ ਦੀ ਅੱਠ ਮੈਚਾਂ ਦੀ ਜੇਤੂ ਮੁਹਿੰਮ ਅਫਗਾਨਿਸਤਾਨ ਖਿਲਾਫ ਹਾਰ ਦੇ ਨਾਲ ਖਤਮ ਹੋ ਗਈ। ਮਾਰਸ਼ ਨੇ ਕਿਹਾ, "ਸਾਨੂੰ ਇਸ ਹਾਰ ਤੋਂ ਵਾਪਸੀ ਕਰਨੀ ਪਵੇਗੀ।" ਸਾਨੂੰ ਇਨ੍ਹਾਂ ਖਿਡਾਰੀਆਂ 'ਤੇ ਬਹੁਤ ਭਰੋਸਾ ਹੈ। ਸਾਡੀ ਟੀਮ ਬਹੁਤ ਚੰਗੀ ਹੈ ਪਰ ਅੱਜ ਸਾਡਾ ਦਿਨ ਨਹੀਂ ਸੀ ਪਰ ਸਕਾਰਾਤਮਕ ਗੱਲ ਇਹ ਹੈ ਕਿ ਸਾਨੂੰ 36 ਘੰਟਿਆਂ ਦੇ ਅੰਦਰ ਵਾਪਸੀ ਕਰਨ ਦਾ ਮੌਕਾ ਮਿਲ ਰਿਹਾ ਹੈ।''