ਏਸ਼ੀਆਈ ਖੇਡਾਂ : ਕੋਨੇਰੂ ਹੰਪੀ ਅਤੇ ਵਿਦਿਤ ਸ਼ਤਰੰਜ ਵਿੱਚ ਭਾਰਤੀ ਟੀਮ ਦੀ ਕਰਨਗੇ ਅਗਵਾਈ

ਹਾਂਗਜ਼ੂ, ਚੀਨ (ਨਿਕਲੇਸ਼ ਜੈਨ)- ਤਜਰਬੇਕਾਰ ਗ੍ਰੈਂਡਮਾਸਟਰ ਕੋਨੇਰੂ ਹੰਪੀ ਹਾਂਗਜ਼ੂ, ਚੀਨ ਵਿੱਚ ਹੋਣ ਵਾਲੀਆਂ ਆਗਾਮੀ ਏਸ਼ੀਆਈ ਖੇਡਾਂ 2023 ਵਿੱਚ 10 ਮੈਂਬਰੀ ਭਾਰਤੀ ਸ਼ਤਰੰਜ ਟੀਮ ਦੀ ਅਗਵਾਈ ਕਰੇਗਾ। ਸ਼ਤਰੰਜ ਏਸ਼ੀਆਈ ਖੇਡਾਂ ਵਿੱਚ 13 ਸਾਲਾਂ ਦੇ ਵਕਫ਼ੇ ਮਗਰੋਂ ਵਾਪਸੀ ਕਰ ਰਹੀ ਹੈ ਜਿੱਥੇ ਭਾਰਤੀ ਖਿਡਾਰੀ 23 ਸਤੰਬਰ ਤੋਂ 8 ਅਕਤੂਬਰ ਤੱਕ ਹੋਣ ਵਾਲੀਆਂ ਏਸ਼ਿਆਈ ਖੇਡਾਂ ਵਿੱਚ ਵਿਅਕਤੀਗਤ ਅਤੇ ਟੀਮ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣਗੇ।

ਇਹ ਵੀ ਪੜ੍ਹੋ : ਪਹਿਲਵਾਨ ਅੰਸ਼ੂ ਮਲਿਕ ਦੀ ਫਰਜ਼ੀ ਅਸ਼ਲੀਲ ਵੀਡੀਓ ਵਾਇਰਲ, ਇਕ ਗ੍ਰਿਫਤਾਰ

ਭਾਰਤ ਨੇ ਹੁਣ ਤਕ ਏਸ਼ੀਅਨ ਖੇਡਾਂ ਵਿੱਚ ਸ਼ਤਰੰਜ ਵਿੱਚ ਚਾਰ ਤਗ਼ਮੇ ਜਿੱਤੇ ਹਨ- ਦੋ ਸੋਨ ਅਤੇ ਦੋ ਕਾਂਸੀ। । ਹੰਪੀ ਨੇ ਮਹਿਲਾ ਵਿਅਕਤੀਗਤ ਸੋਨ ਅਤੇ ਟੀਮ ਮੁਕਾਬਲੇ ਵਿੱਚ ਸੋਨ ਤਗਮਾ ਜਿੱਤਿਆ। ਇਸ ਦੌਰਾਨ ਭਾਰਤ ਤੋਂ ਇਲਾਵਾ ਚੀਨ ਦੀ ਸ਼ਤਰੰਜ ਵਿੱਚ ਵੀ ਕਾਫੀ ਤਰੱਕੀ ਹੋਈ ਹੈ, ਇਸ ਲਈ ਵਿਅਕਤੀਗਤ ਅਤੇ ਟੀਮ ਦੋਵਾਂ ਮੁਕਾਬਲਿਆਂ ਵਿੱਚ ਸੋਨ ਤਗਮੇ ਲਈ ਦੋਵਾਂ ਵਿਚਾਲੇ ਫਸਵੇਂ ਮੁਕਾਬਲੇ ਦੀ ਉਮੀਦ ਹੈ।

ਭਾਰਤੀ ਟੀਮ ਵਿੱਚ ਪੰਜ ਪੁਰਸ਼ ਅਤੇ ਪੰਜ ਮਹਿਲਾਵਾਂ ਹਨ। ਕੋਨੇਰੂ ਹੰਪੀ ਅਤੇ ਹਰਿਕਾ ਦ੍ਰੋਣਾਵਲੀ ਵਿਅਕਤੀਗਤ ਮਹਿਲਾ ਵਰਗ ਵਿੱਚ ਮੁਕਾਬਲਾ ਕਰਨਗੇ ਜਦੋਂਕਿ ਵਿਦਿਤ ਗੁਜਰਾਤੀ ਅਤੇ ਅਰਜੁਨ ਇਰੀਗੇਸੀ ਪੁਰਸ਼ਾਂ ਦੇ ਵਿਅਕਤੀਗਤ ਵਰਗ ਵਿੱਚ ਮੁਕਾਬਲਾ ਕਰਨਗੇ। ਦੋਵੇਂ ਵਿਅਕਤੀਗਤ ਈਵੈਂਟ ਤੇਜ਼ ਫਾਰਮੈਟ ਵਿੱਚ ਖੇਡੇ ਜਾਣਗੇ।

ਇਹ ਵੀ ਪੜ੍ਹੋ : ਗਾਇਕ ਸ਼ੁੱਭ ਨਾਲੋਂ ਵਿਰਾਟ ਕੋਹਲੀ ਨੇ ਤੋੜਿਆ ਨਾਤਾ, ਜਾਣੋ ਕੀ ਹੈ ਮਾਮਲਾ

ਕੋਨੇਰੂ ਹੰਪੀ ਅਤੇ ਹਰਿਕਾ ਦ੍ਰੋਣਾਵਲੀ ਤੋਂ ਇਲਾਵਾ ਵੈਸ਼ਾਲੀ ਆਰ, ਸਵਿਤਾ ਸ਼੍ਰੀ ਬੀ ਅਤੇ ਵੰਤਿਕਾ ਅਗਰਵਾਲ ਮਹਿਲਾ ਟੀਮ ਮੁਕਾਬਲੇ ਵਿੱਚ ਹਿੱਸਾ ਲੈਣਗੀਆਂ। ਇਸ ਦੌਰਾਨ, ਗੁਕੇਸ਼ ਡੀ, ਵਿਦਿਤ ਗੁਜਰਾਤੀ, ਪੇਂਟਾਲਾ ਹਰਿਕ੍ਰਿਸ਼ਨ, ਅਰਜੁਨ ਐਰਿਗਾਸੀ ਅਤੇ ਆਰ ਪ੍ਰਗਿਆਨੰਦਾ ਪੁਰਸ਼ ਟੀਮ ਮੁਕਾਬਲੇ ਲਈ ਭਾਰਤੀ ਟੀਮ ਵਿੱਚ ਸ਼ਾਮਲ ਹੋਣਗੇ। ਟੀਮ ਮੁਕਾਬਲੇ ਵਿੱਚ ਮਹਿਲਾ ਵਰਗ ਵਿੱਚ ਕੋਨੇਰੂ ਹੰਪੀ ਅਤੇ ਪੁਰਸ਼ ਵਰਗ ਵਿੱਚ ਵਿਦਿਤ ਗੁਜਰਾਤੀ ਟੀਮ ਦੀ ਅਗਵਾਈ ਕਰਨਗੇ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ