ਗੇਂਦ ’ਤੇ ਥੁੱਕ ਲਗਾਉਣ ਦੀ ਆਦਤ ’ਤੇ ਅਸ਼ਵਿਨ ਨੇ ਕਿਹਾ- ਇਸ ਨੂੰ ਛੱਡਣ ਲਈ ਅਭਿਆਸ ਦੀ ਜਰੂਰਤ

5/21/2020 3:31:05 PM

ਸਪੋਰਟਸ ਡੈਸਕ— ਭਾਰਤ ਦੇ ਟਾਪ ਸਪਿਨਰ ਰਵਿਚੰਦਰਨ ਅਸ਼ਵਿਨ ਦਾ ਮੰਨਣਾ ਹੈ ਕਿ ਗੇਂਦ ’ਤੇ ਥੁੱਕ ਲਗਾਉਣਾ ਗੇਂਦਬਾਜ਼ਾਂ ਦੀ ਆਦਤ ਦਾ ਹਿੱਸਾ ਹੈ ਅਤੇ ਕੋਵਿਡ-19 ਤੋਂ ਬਾਅਦ ਜਦੋਂ ਕ੍ਰਿਕਟ ਫਿਰ ਤੋਂ ਸ਼ੁਰੂ ਹੋਵੇਗੀ ਤਾਂ ਇਸ ਆਦਤ ਤੋਂ ਛੁੱਟਕਾਰਾ ਪਾਉਣ ਲਈ ਅਭਿਆਸ ਦੀ ਜ਼ਰੂਰਤ ਵੀ ਪਵੇਗੀ। ਆਈ. ਸੀ. ਸੀ. ਕ੍ਰਿਕਟ ਕਮੇਟੀ ਨੇ ਇਸ ਹਫ਼ਤੇ ਦੀ ਸ਼ੁਰੂਆਤ ਚ ਬੈਠਕ ’ਚ ਥੁੱਕ ਦੀ ਵਰਤੋਂ ’ਤੇ ਰੋਕ ਲਗਾਉਣ ਦੀ ਸਿਫਾਰਿਸ਼ ਕੀਤੀ ਸੀ। PunjabKesari

ਦਰਅਸਲ, ਟੀਮ ਇੰਡੀਆ ਦੇ ਸੀਨੀਅਰ ਸਪਿਨਰ ਨੇ ਦਿੱਲੀ ਕੈਪੀਟਲਸ ਦੇ ਨਾਲ ਇੰਸਟਾਗ੍ਰਾਮ ’ਤੇ ਗੱਲਬਾਤ ’ਚ ਕਿਹਾ, ‘ਮੈਂ ਨਹੀਂ ਜਾਣਦਾ ਕਿ ਮੈਂ ਹੁਣ ਕਦੋਂ ਮੈਦਾਨ ’ਤੇ ਉਤਰਾਂਗਾ।  ਗੇਂਦ ’ਤੇ ਥੁੱਕ ਲਗਾਉਣਾ ਮੇਰੇ ਲਈ ਸੁਭਾਵਿਕ ਹੈ। ਇਸ ਦੇ ਲਈ (ਥੁੱਕ ਲਗਾਉਣ ਤੋਂ ਬਚਣਾ) ਥੋੜ੍ਹਾ ਅਭਿਆਸ ਦੀ ਜ਼ਰੂਰਤ ਪਵੇਗੀ ਪਰ ਮੈਨੂੰ ਲੱਗਦਾ ਹੈ ਕਿ ਜੇਕਰ ਸਾਨੂੰ ਨਾਲ ਇਕੱਠੇ ਰਹਿਣਾ ਹੋਵੇਗਾ, ਜੋ ਕਿ ਮਨੁੱਖ ਜਾਤੀ ਦੇ ਡੀ. ਐੱਨ. ਏ. ’ਚ ਹੈ, ਤਾਂ ਸਾਨੂੰ ਕੋਸ਼ਿਸ਼ ਕਰਨੀ ਹੋਵੇਗੀ ਅਤੇ ਇਸ ਨੂੰ ਅਪਨਾਉਣਾ ਹੋਵੇਗਾ।‘ ਕੈਰਮ ਬਾਲ ਦੇ ਬਾਰੇ ’ਚ ਅਸ਼ਵਿਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਸ਼ਸਤਰਾਂ ’ਚ ਇਸ ਗੇਂਦ ਨੂੰ ਜੋੜਨ ’ਚ ਚਾਰ ਸਾਲ ਦਾ ਸਮਾਂ ਲੱਗਾ। PunjabKesari ਅਸ਼ਵਿਨ ਨੇ ਅੱਗੇ ਕਿਹਾ, ‘ਇਹ ਇਨਾਂ ਵੇਰੀਏਸ਼ਨ ਦੇ ਨਾਲ ਲਗਾਤਾਰ ਕੰਮ ਕਰਨ ਅਤੇ ਇਸ ਤੋਂ ਨਿਰਾਸ਼ ਹੋਣ ਨਾਲ ਜੁੜਿਆ ਹੈ। ਕਲਪਨਾ ਕਰੋ ਕਿ ਤੁਸੀਂ ਆਪਣੀ ਵਿਚਕਾਰ ਦੀ ਉਂਗਲ ਦੇ ਨਾਲ ਕੈਰਮ ਖੇਡ ਰਹੇ ਹੋਵੋਂ ਅਤੇ ਓਨੇ ਹੀ ਭਾਰ ਦੀ ਕ੍ਰਿਕਟ ਗੇਂਦ ਨੂੰ ਧੱਕਾ ਦੇਣ ਦੀ ਕੋਸ਼ਿਸ਼ ਕਰ ਰਹੇ ਹੋ ਜਿਨੂੰ ਘੱਟ ਨਹੀਂ ਕੀਤਾ ਜਾ ਸਕਦਾ ਹੈ। ਤੁਸੀਂ ਇਸ ਨੂੰ ਪੂਰੇ ਜ਼ੋਰ ਨਾਲ ਧੱਕਾ ਦੇ ਕੇ ਸਪਿਨ ਹਾਸਲ ਕਰਣ ਦੀ ਕੋਸ਼ਿਸ਼ ਕਰਦੇ ਹੋ। ‘

ਹੁਣ ਤੱਕ 71 ਟੈਸਟ ਮੈਚਾਂ ’ਚ 365 ਵਿਕਟਾਂ ਲੈਣ ਵਾਲੇ ਅਸ਼ਵਿਨ ਨੇ ਕਿਹਾ, ‘ਇਹ ਕੋਈ ਛੋਟੀ ਉਪਲਬੱਧੀ ਨਹੀਂ ਹੈ। ਤੁਹਾਡੀ ਉਂਗਲ, ਤੁਹਾਡੇ ਸਰੀਰ ਨੂੰ ਉਸਨੂੰ ਸੱਮਝਣਾ ਹੁੰਦਾ ਹੈ।‘ ਉਨ੍ਹਾਂ ਨੇ ਕਿਹਾ, ‘ਮੈਂ ਜਦੋਂ ਇਸ ਕੈਰਮ ਬਾਲ ਦਾ ਅਭਿਆਸ ਕੀਤਾ ਤਾਂ ਮੈਂ ਹਰ ਦਿਨ ਇਸ ਨੂੰ ਬਿਹਤਰ ਕਰਨ ਦੀ ਉਮੀਦ ਕਰਦਾ ਸੀ ਪਰ ਹਰ ਇਕ ਦਿਨ ਕਈ ਸੌ ਗੇਂਦਾਂ ਕਰਨ ਤੋਂ ਬਾਅਦ ਮੈਂ ਨਿਰਾਸ਼ਾ ਦੇ ਨਾਲ ਘਰ ਪਰਤਦਾ ਸੀ ਕਿ ਮੈਂ ਜੋ ਟੀਚਾ ਤੈਅ ਕੀਤਾ ਸੀ ਉਸ ਨੂੰ ਹਾਸਲ ਨਹੀਂ ਕਰ ਸਕਿਆ।‘



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ

Davinder Singh

Content Editor Davinder Singh