ਅਰਸ਼ਦੀਪ ਸਿੰਘ ਦਾ ਜਾਦੂਈ ਸਪੈੱਲ, ਇਕ ਓਵਰ 'ਚ ਝਟਕਾਏ 3 ਵਿਕਟ, ਦੱਖਣੀ ਅਫਰੀਕਾ ਡਿੱਗਾ ਮੂਧੇ ਮੂੰਹ

ਸਪੋਰਟਸ ਡੈਸਕ : ਪੰਜਾਬ ਦੇ ਅਰਸ਼ਦੀਪ ਸਿੰਘ ਨੇ ਦੱਖਣੀ ਅਫਰੀਕਾ ਖ਼ਿਲਾਫ਼ ਤਿਰੂਵਨੰਤਪੁਰਮ ਦੇ ਮੈਦਾਨ 'ਤੇ ਖੇਡੇ ਗਏ ਪਹਿਲੇ ਟੀ-20 ਮੈਚ 'ਚ ਇਕ ਓਵਰ 'ਚ 3 ਵਿਕਟਾਂ ਲੈ ਕੇ ਗਦਰ ਮਚਾ ਦਿੱਤਾ। ਏਸ਼ੀਆ ਕੱਪ 'ਚ ਪਾਕਿਸਤਾਨ ਖ਼ਿਲਾਫ਼ ਅਹਿਮ ਮੈਚ 'ਚ ਇਕ ਸਧਾਰਨ ਕੈਚ ਛੱਡਣ ਤੋਂ ਬਾਅਦ ਅਰਸ਼ਦੀਪ ਦੀ ਸੋਸ਼ਲ ਮੀਡੀਆ 'ਤੇ ਕਾਫੀ ਨਿੰਦਾ ਹੋ ਰਹੀ ਸੀ ਪਰ ਜਿਵੇਂ ਹੀ ਉਹ ਇਕ ਓਵਰ 'ਚ ਦੱਖਣੀ ਅਫਰੀਕਾ ਨੂੰ ਮੂਧੇ ਮੂੰਹ ਲੈ ਆਇਆ, ਪੂਰਾ ਸੋਸ਼ਲ ਮੀਡੀਆ ਉਸ ਦੀ ਤਾਰੀਫ ਵਿੱਚ ਗੂੰਜ ਉਠਿਆ। ਦੇਖੋ ਵੀਡੀਓ-

5 wickets summed up in 11 seconds. Watch it here 👇👇
Don’t miss the LIVE coverage of the #INDvSA match on @StarSportsIndia pic.twitter.com/jYeogZoqfD

— BCCI (@BCCI) September 28, 2022

ਅਰਸ਼ਦੀਪ ਨੇ ਸਭ ਤੋਂ ਪਹਿਲਾਂ ਦੱਖਣੀ ਅਫਰੀਕਾ ਦੇ ਖਤਰਨਾਕ ਬੱਲੇਬਾਜ਼ ਕਵਿੰਟਨ ਡੀਕਾਕ ਨੂੰ ਬੋਲਡ ਕੀਤਾ। ਉਸੇ ਓਵਰ ਦੀ 5ਵੀਂ ਗੇਂਦ 'ਤੇ ਉਹ ਰੋਸੋ ਨੂੰ ਪੰਤ ਦੇ ਹੱਥੋਂ ਕੈਚ ਆਊਟ ਕਰਵਾਉਣ 'ਚ ਸਫਲ ਰਿਹਾ। ਉਸ ਨੇ ਓਵਰ ਦੀ ਆਖਰੀ ਗੇਂਦ 'ਤੇ ਡੇਵਿਡ ਮਿਲਰ ਨੂੰ ਬੋਲਡ ਕਰਕੇ ਦੱਖਣੀ ਅਫਰੀਕਾ ਦੀ ਹਾਲਤ ਪਤਲੀ ਕਰ ਦਿੱਤੀ। ਦੱਖਣੀ ਅਫਰੀਕਾ ਨੇ ਤੀਜੇ ਓਵਰ ਤੱਕ 5 ਵਿਕਟਾਂ ਗੁਆ ਦਿੱਤੀਆਂ ਸਨ। ਇਸ ਤੋਂ ਪਹਿਲਾਂ ਉਨ੍ਹਾਂ ਦੀ ਇਹ ਹਾਲਤ 2007 'ਚ ਪੋਰਟ ਐਲਿਜ਼ਾਬੇਥ ਮੈਦਾਨ 'ਤੇ ਵਿੰਡੀਜ਼ ਟੀਮ ਖ਼ਿਲਾਫ਼ ਹੋਈ ਸੀ। ਜਦੋਂ ਉਨ੍ਹਾਂ ਨੇ 10 ਦੌੜਾਂ 'ਤੇ 5 ਵਿਕਟਾਂ ਗੁਆ ਦਿੱਤੀਆਂ ਸਨ।

 ਫੈਨਸ ਨੇ ਕੀਤੀ ਤਾਰੀਫ਼