ਅਰਜੁਨ ਤੇਂਦੁਲਕਰ ਨੇ ਫਰਸਟ ਕਲਾਸ ਡੈਬਿਊ 'ਚ ਲਾਇਆ ਸੈਂਕੜਾ, ਪਿਤਾ ਨੇ ਵੀ 34 ਸਾਲ ਪਹਿਲਾਂ ਬਣਾਇਆ ਸੀ ਰਿਕਾਰਡ

ਸਪੋਰਟਸ ਡੈਸਕ- ਮਾਸਟਰ ਬਲਾਸਟਰ ਸਚਿਨ ਤੇਂਦੁਲਕਰ ਦੇ ਪੁੱਤਰ ਅਰਜੁਨ ਤੇਂਦੁਲਕਰ ਨੇ ਰਣਜੀ ਟਰਾਫੀ 2022 ‘ਚ ਗੋਆ ਲਈ ਸ਼ਾਨਦਾਰ ਸ਼ੁਰੂਆਤ ਕੀਤੀ। 23 ਸਾਲਾ ਕ੍ਰਿਕਟਰ ਨੇ ਆਪਣੇ ਪਹਿਲੇ ਹੀ ਰਣਜੀ ਟਰਾਫੀ ਮੈਚ ‘ਚ ਸੈਂਕੜਾ ਲਗਾ ਕੇ ਆਪਣੇ ਪਿਤਾ ਦੇ ਨਕਸ਼ੇ ਕਦਮਾਂ ‘ਤੇ ਚੱਲਿਆ।

ਇਹ ਵੀ ਪੜ੍ਹੋ : IND vs BAN, 1st Test, Stumps : ਪੁਜਾਰਾ ਤੇ ਸ਼੍ਰੇਅਸ ਦੀਆਂ ਸ਼ਾਨਦਾਰ ਪਾਰੀਆਂ ਦੀ ਬਦੌਲਤ ਭਾਰਤ ਦਾ ਸਕੋਰ 278/6

ਸੋਮਵਾਰ ਤੋਂ ਰਾਜਸਥਾਨ ਅਤੇ ਗੋਆ ਵਿਚਾਲੇ ਖੇਡੇ ਜਾ ਰਹੇ ਮੈਚ ‘ਚ ਅਰਜੁਨ ਤੇਂਦੁਲਕਰ 201 ਦੌੜਾਂ ‘ਤੇ 5 ਵਿਕਟਾਂ ਡਿੱਗਣ ਤੋਂ ਬਾਅਦ ਮੈਦਾਨ ‘ਤੇ ਆਏ ਅਤੇ ਸ਼ਾਨਦਾਰ ਬੱਲੇਬਾਜ਼ੀ ਕੀਤੀ। ਪਹਿਲੇ ਦਿਨ ਦੀ ਖੇਡ ਖਤਮ ਹੋਣ ‘ਤੇ 4 ਦੌੜਾਂ ‘ਤੇ ਬੱਲੇਬਾਜ਼ੀ ਕਰਦੇ ਹੋਏ ਅਰਜੁਨ ਤੇਂਦੁਲਕਰ ਨੇ ਦੂਜੇ ਦਿਨ 178 ਗੇਂਦਾਂ ‘ਚ 12 ਚੌਕਿਆਂ ਅਤੇ 2 ਛੱਕਿਆਂ ਦੀ ਮਦਦ ਨਾਲ ਸੈਂਕੜਾ ਪੂਰਾ ਕੀਤਾ। ਉਸ ਤੋਂ ਇਲਾਵਾ ਗੋਆ ਲਈ ਸੁਯਸ਼ ਪ੍ਰਭੂਦੇਸਾਈ ਨੇ ਵੀ ਸੈਂਕੜਾ ਲਗਾਇਆ। ਦੋਵਾਂ ਵਿਚਾਲੇ 200 ਤੋਂ ਵੱਧ ਸਾਂਝੇਦਾਰੀਆਂ ਹਨ।

ਇਹ ਵੀ ਪੜ੍ਹੋ : 5ਵੀਂ ਕਲਾਸ ਦੇ ਵਿਦਿਆਰਥੀ ਨੇ ਮਾਡਿਊਲ ਚੈਂਪੀਅਨਸ਼ਿਪ 'ਚ ਹਾਸਲ ਕੀਤਾ ਪਹਿਲਾ ਸਥਾਨ

ਬੱਲੇਬਾਜ਼ੀ ਤੋਂ ਬਾਅਦ ਅਰਜੁਨ ਰਾਜਸਥਾਨ ਦੇ ਖਿਲਾਫ ਖੱਬੇ ਹੱਥ ਦੇ ਤੇਜ਼ ਗੇਂਦਬਾਜ਼ ਵਜੋਂ ਵੀ ਆਪਣੀ ਛਾਪ ਛੱਡਣਾ ਚਾਹੇਗਾ। ਪਿਤਾ ਸਚਿਨ ਤੇਂਦੁਲਕਰ ਨੇ 34 ਸਾਲ ਪਹਿਲਾਂ 1988 ‘ਚ ਗੁਜਰਾਤ ਖਿਲਾਫ ਪਹਿਲੀ ਪਾਰੀ ‘ਚ ਅਜੇਤੂ 100 ਦੌੜਾਂ ਬਣਾਈਆਂ। ਅਰਜੁਨ 104 ਦੌੜਾਂ ਬਣਾ ਕੇ ਉਸ ਤੋਂ ਅੱਗੇ ਨਿਕਲ ਗਿਆ। ਸਚਿਨ ਨੂੰ ਦੂਜੀ ਪਾਰੀ ‘ਚ ਬੱਲੇਬਾਜ਼ੀ ਦਾ ਮੌਕਾ ਨਹੀਂ ਮਿਲਿਆ ਤੇ ਉਸ ਨੇ 129 ਗੇਂਦਾਂ ‘ਤੇ ਸੈਂਕੜਾ ਲਗਾਇਆ ਤੇ ਇਸਦੇ ਇਲਾਵਾ ਉਸ ਨੇ 12 ਚੌਕੇ ਲਗਾਏ। ਬੰਬਈ ਅਤੇ ਗੁਜਰਾਤ ਵਿਚਾਲੇ 3 ਦਿਨਾ ਡਰਾਅ ਖੇਡਿਆ ਗਿਆ। ਹੁਣ ਰਣਜੀ ਟਰਾਫੀ ਦਾ ਲੀਗ ਦੌਰ 3 ਦੀ ਬਜਾਏ 4 ਦਿਨ ਖੇਡਿਆ ਜਾ ਰਿਹਾ ਹੈ।

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।