ਅਨੁਸ਼ਕਾ ਦੇ ਪੁੱਤਰ ਦੀ ਹੋ ਰਹੀ ਵਾਈਰਲ ਤਸਵੀਰ ''ਤੇ ਬੋਲੀ ਵਿਰਾਟ ਦੀ ਭੈਣ, ਪੋਸਟ ਕੀਤੀ ਸਾਂਝੀ

ਮੁੰਬਈ- ਵਿਰਾਟ ਕੋਹਲੀ ਨੇ 24 ਨਵੰਬਰ ਨੂੰ ਹੋਏ ਭਾਰਤ ਬਨਾਮ ਆਸਟ੍ਰੇਲੀਆ ਟੈਸਟ ਮੈਚ ਵਿੱਚ ਸੈਂਕੜਾ ਲਗਾ ਕੇ ਇਤਿਹਾਸ ਰਚ ਦਿੱਤਾ ਹੈ। ਇਸ ਮੈਦਾਨ 'ਤੇ ਇੱਕ ਹੋਰ ਗੱਲ ਹੋਈ ਜਿਸ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ। ਇਹ ਗੱਲ ਸੀ ਅਨੁਸ਼ਕਾ ਅਤੇ ਵਿਰਾਟ ਦੇ ਬੇਟੇ ਅਕਾਏ ਦੀ ਦਿੱਖ, ਜੋ ਤਸਵੀਰ ਦੇ ਰੂਪ 'ਚ ਸੋਸ਼ਲ ਮੀਡੀਆ 'ਤੇ ਲਗਾਤਾਰ ਵਾਇਰਲ ਹੋ ਰਹੀ ਹੈ। ਇਸਨੂੰ ਹਰ ਕੋਈ ਵਿਰੁਸ਼ਕਾ ਦਾ ਪੁੱਤਰ ਸਮਝ ਰਿਹਾ ਸੀ। ਪਰ ਤੁਹਾਨੂੰ ਦੱਸ ਦੇਈਏ ਕਿ ਇਹ ਸੱਚ ਨਹੀਂ ਹੈ। ਇਸ ਬਾਰੇ ਵਿਰਾਟ ਕੋਹਲੀ ਦੀ ਭੈਣ ਨੇ ਖੁਲਾਸਾ ਕੀਤਾ ਹੈ।

ਵਿਰਾਟ ਦੀ ਭੈਣ ਨੇ ਕੀਤੀ ਪੁਸ਼ਟੀ
ਹਾਲ ਹੀ 'ਚ ਵਿਰਾਟ ਕੋਹਲੀ ਦੀ ਭੈਣ ਭਾਵਨਾ ਕੋਹਲੀ ਢੀਂਗਰਾ ਨੇ ਇੰਸਟਾਗ੍ਰਾਮ 'ਤੇ ਇੱਕ ਪੋਸਟ ਸ਼ੇਅਰ ਕਰਦੇ ਹੋਏ ਦੱਸਿਆ ਹੈ ਕਿ ਹਰ ਕਿਸੇ ਨੂੰ ਗਲਤਫਹਿਮੀ ਹੈ। ਉਨ੍ਹਾਂ ਨੇ ਲਿਖਿਆ, 'ਮੈਂ ਸੋਸ਼ਲ ਮੀਡੀਆ 'ਤੇ ਦੇਖਿਆ ਕਿ ਹਰ ਕੋਈ ਅਨੁਸ਼ਕਾ ਅਤੇ ਵਿਰਾਟ ਦੇ ਦੋਸਤ ਦੀ ਧੀ ਨੂੰ ਅਕਾਏ ਸਮਝ ਰਿਹਾ ਹੈ ਪਰ ਇਹ ਤਸਵੀਰ ਅਕਾਏ ਦੀ ਨਹੀਂ ਹੈ। ਧੰਨਵਾਦ।'

ਕੀ ਹੈ ਗੱਲ ?
ਦਰਅਸਲ, 24 ਨਵੰਬਰ ਨੂੰ ਆਸਟ੍ਰੇਲੀਆ ਅਤੇ ਭਾਰਤ ਵਿਚਾਲੇ ਟੈਸਟ ਮੈਚ ਸੀ, ਜਿੱਥੇ ਅਨੁਸ਼ਕਾ ਸ਼ਰਮਾ ਵੀ ਪਹੁੰਚੀ ਸੀ। 5 ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਪਹਿਲਾ ਮੈਚ ਆਸਟ੍ਰੇਲੀਆ ਦੇ ਪਰਥ 'ਚ ਖੇਡਿਆ ਜਾ ਰਿਹਾ ਹੈ। ਟੈਸਟ ਮੈਚ ਦਾ ਅੱਜ ਚੌਥਾ ਦਿਨ ਹੈ। ਬੀਤੇ ਐਤਵਾਰ ਖੇਡੇ ਗਏ ਮੈਚ ਦੀਆਂ ਕਈ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ, ਜਿਸ 'ਚ ਵਿਰਾਟ ਨੇ ਸੈਂਕੜਾ ਲਗਾਇਆ ਅਤੇ ਅਨੁਸ਼ਕਾ ਨੂੰ ਫਲਾਇੰਗ ਕਿੱਸ ਦਿੱਤੀ। ਇਨ੍ਹਾਂ ਤਸਵੀਰਾਂ 'ਚ ਅਨੁਸ਼ਕਾ ਵਿਰਾਟ ਕੋਹਲੀ ਨੂੰ ਚੀਅਰ ਕਰਦੀ ਨਜ਼ਰ ਆ ਰਹੀ ਸੀ। ਇਸ ਦੌਰਾਨ ਲੋਕਾਂ ਨੇ ਉਨ੍ਹਾਂ ਦੇ ਪਿੱਛੇ ਇੱਕ ਵਿਅਕਤੀ ਨੂੰ ਦੇਖਿਆ, ਜਿਸ ਨੇ ਇੱਕ ਬੱਚੇ ਨੂੰ ਆਪਣੀ ਗੋਦ ਵਿੱਚ ਫੜਿਆ ਹੋਇਆ ਸੀ।

ਇਹ ਵੀ ਪੜ੍ਹੋ- ਮਸ਼ਹੂਰ ਅਦਾਕਾਰਾ ਦੇ ਈਵੈਂਟ ਦੌਰਾਨ ਹੋਇਆ ਹੰਗਾਮਾ, ਤੋੜੀਆਂ ਕੁਰਸੀਆਂ

ਦੱਸਿਆ ਜਾ ਰਿਹਾ ਸੀ ਕਿ ਇਹ ਬੱਚਾ ਅਨੁਸ਼ਕਾ-ਵਿਰਾਟ ਕੋਹਲੀ ਦਾ ਪੁੱਤਰ ਅਕਾਏ ਹੈ, ਜਿਸ ਤੋਂ ਬਾਅਦ ਸੋਸ਼ਲ ਮੀਡੀਆ 'ਤੇ ਲੜਾਈ ਸ਼ੁਰੂ ਹੋ ਗਈ ਸੀ। ਇਸ 'ਚ ਕੁਝ ਲੋਕ ਉਨ੍ਹਾਂ ਦੀ ਪ੍ਰਾਈਵੇਸੀ ਨੂੰ ਲੈ ਕੇ ਗੱਲ ਕਰ ਰਹੇ ਹਨ ਜਦਕਿ ਕਈ ਲੋਕ ਅਕੇ ਦੀ ਪਹਿਲੀ ਦਿੱਖ 'ਤੇ ਉਤਸ਼ਾਹਿਤ ਸਨ। ਹਾਲਾਂਕਿ ਹੁਣ ਇਸ ਗੱਲ ਦੀ ਪੁਸ਼ਟੀ ਹੋ ​​ਗਈ ਹੈ ਕਿ ਉਹ ਅਕਾਏ ਨਹੀਂ ਬਲਕਿ ਅਨੁਸ਼ਕਾ ਅਤੇ ਵਿਰਾਟ ਦੀ ਦੋਸਤ ਦਾ ਬੱਚਾ ਸੀ।