ਰਾਹੁਲ ਗਾਂਧੀ ਦੀ ਬਰਨਾਲਾ ਫੇਰੀ ਨਵਾਂ ਇਤਿਹਾਸ ਸਿਰਜੇਗੀ : ਗੁਰਮੇਲ ਮੌੜ

ਮਹਿਲ ਕਲਾ (ਲਕਸ਼ਦੀਪ ਗਿੱਲ) : 28ਫਰਵਰੀ ਨੂੰ ਰਾਹੁਲ ਗਾਂਧੀ ਪਹੁੰਚ ਰਹ ਹਨ ਪੰਜਾਬ ਦੇ ਮਸ਼ਹੂਰ ਜ਼ਿਲ੍ਹਾ ਬਰਨਾਲਾ ਵਿਖੇ ,ਜਿੱਥੇ ਉਹ ਜਨਤਕ ਰੈਲੀ ਨੂੰ ਸੰਬੋਧਨ ਕਰਨਗੇ। ਗੱਲਬਾਤ ਕਰਦੇ ਹੋਏ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਹਲਕਾ ਮਹਿਲ ਕਲਾਂ ਕੋਆਰਡੀਨੇਟਰ ਗੁਰਮੇਲ ਸਿੰਘ ਮੌੜ ਨੇ ਵਿਸ਼ੇਸ਼ ਗੱਲਬਾਤ ਦੌਰਾਨ ਦੱਸਿਆ ਕਿ ਰਾਹੁਲ ਗਾਂਧੀ ਦੀ ਪੰਜਾਬ ਦੇ ਬਰਨਾਲਾ ਦੀ ਫੇਰੀ ਨਵਾਂ ਇਤਿਹਾਸ ਰਚ ਜਾਏਗੀ ਕਿਉਂਕਿ ਪੰਜਾਬ ਵਿਖੇ ਬਰਨਾਲਾ ਦੀ ਇਸ ਰੈਲੀ ਦਾ ਮੁੱਖ ਮੰਤਵ ਕੇਂਦਰ ਸਰਕਾਰ ਵੱਲੋਂ ਖਤਮ ਕੀਤੀ ਜਾ ਰਹੀ, ਮਨਰੇਗਾ ਨੂੰ ਬਚਾਉਣਾ ਹੈ। ਗੁਰਮੇਲ ਮੌੜ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਕਾਂਗਰਸ ਪਾਰਟੀ ਨੇ ਹਮੇਸ਼ਾ ਗਰੀਬਾਂ, ਮਜ਼ਦੂਰ ਦੇ ਹਿੱਤਾਂ ਲਈ ਆਵਾਜ਼ ਉਠਾਈ ਹੈ, ਜਦ ਕਿ ਭਾਜਪਾ ਦੁਆਰਾ ਇਸ ਆਵਾਜ਼ ਨੂੰ ਮਨਰੇਗਾ ਨੂੰ ਬਦਲਵਾਂ ਰੂਪ ਦੇ ਕੇ ਧੱਕੇ ਨਾਲ ਮਜ਼ਦੂਰਾਂ ਸਿਰ ਮੜਨਾ, ਭਵਿੱਖ ਦੀ ਆਰਥਿਕਤਾ ਨੂੰ ਬੁਰੀ ਤਰ੍ਹਾਂ ਡੋਬਣ ਦੇ ਬਰਾਬਰ ਹੈ। 

ਮਨਰੇਗਾ ਬਚਾਓ ਸੰਗਰਾਮ ਜੋ ਕਿ ਬਰਨਾਲਾ ਦੀ ਧਰਤੀ ਤੋਂ ਸ਼ੁਰੂ ਹੋ ਕੇ ਪੂਰੇ ਪੰਜਾਬ ਦੀ ਆਵਾਜ਼ ਬਣੇਗਾ, ਜੇਕਰ ਪੰਜਾਬ ਦੇ ਲੋਕ ਹੁਣ ਨਾਲ ਨਾ ਜੁੜੇ ਤਾਂ ਬਦਲਵੇਂ ਰਪ ਦੀ ਸਕੀਮ ਦੇ ਨਾਂ ਤੇ ਪਾਸ ਕਰਕੇ ਗਰੀਬਾਂ ਦਾ ਹੱਕ ਖੋਹ ਲਿਆ ਜਾਵੇਗਾ। ਅਖੀਰ ਵਿਚ ਗੁਰਮੇਲ ਮੌੜ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ 28 ਫਰਵਰੀ ਨੂੰ ਸਵੇਰੇ 11 ਵਜੇ ਆਪੋ ਆਪਣੇ ਕਾਫਲਿਆਂ ਸਮੇਤ ਬਰਨਾਲਾ ਪੁੱਜੋ। ਇਸ ਮੌਕੇ ਸੁਖਦੀਪ ਸਿੰਘ ਮੈਂਬਰ, ਹੈਪੀ ਠੇਕੇਦਾਰ, ਭੋਲਾ ਸਿੰਘ ਮੈਂਬਰ, ਕੁਲਵਿੰਦਰ ਸਿੰਘ ਮੈਂਬਰ, ਗੋਰਖਾ ਸਿੰਘ ਬਲਾਕ ਸੰਮਤੀ ਮੈਂਬਰ, ਨਿਰੰਜਨ ਸਿੰਘ ਬਲਾਕ ਸੰਮਤੀ ਮੈਂਬਰ ਮੌਜੂਦ ਸਨ।