ਰਸੌਈ ਵਿਚ ਰੱਖੇ ਇਹ ਮਸਾਲੇ ਸੁੰਘਣ ਨਾਲ ਪਤਾ ਲੱਗ ਸਕੇਗਾ ਕਿ ਤੁਹਾਨੂੰ ਕੋਰੋਨਾ ਵਾਇਰਸ ਹੈ ਜਾਂ ਫਲੂ

ਨਵੀਂ ਦਿੱਲੀ - ਕੋਰੋਨਾ ਵਾਇਰਸ ਭਾਰਤ ਵਿਚ ਇਕ ਘਾਤਕ ਮਹਾਂਮਾਰੀ ਬਣਦਾ ਜਾ ਰਿਹਾ ਹੈ। ਹੁਣ ਤੱਕ ਦੇਸ਼ ਵਿਚ ਸੰਕਰਮਿਤ ਮਾਮਲਿਆਂ ਦੀ ਗਿਣਤੀ 8400 'ਤੇ ਪਹੁੰਚ ਗਈ ਹੈ, ਜਦੋਂਕਿ ਇਸ ਵਾਇਰਸ ਨਾਲ 273 ਲੋਕ ਆਪਣੀ ਜਾਨ ਗੁਆ ​​ਚੁੱਕੇ ਹਨ। ਕੋਰੋਨਾਵਾਇਰਸ ਅਤੇ ਆਮ ਫਲੂ ਦੇ ਲੱਛਣ ਬਹੁਤ ਸਾਰੇ ਮਾਮਲਿਆਂ ਵਿਚ ਇਕੋ ਜਿਹੇ ਹੀ ਦਿਖਾਈ ਦਿੰਦੇ ਹਨ। ਅਜਿਹੀ ਸਥਿਤੀ ਵਿਚ, ਇਹ ਸਮਝਣਾ ਮੁਸ਼ਕਲ ਹੋ ਜਾਂਦਾ ਹੈ ਕਿ ਤੁਹਾਨੂੰ ਕੋਰੋਨਾ ਵਾਇਰਸ ਹੈ ਜਾਂ ਆਮ ਜ਼ੁਕਾਮ। ਹਾਲਾਂਕਿ, ਹੁਣ ਤੁਸੀਂ ਜਲਦੀ ਹੀ ਘਰ ਬੈਠੇ ਕੋਰੋਨਾ ਦੇ ਲੱਛਣਾਂ ਦੀ ਸਹੀ ਪਛਾਣ ਕਰ ਸਕੋਗੇ। ਰਸੋਈ ਵਿਚ ਰੱਖੇ ਮਸਾਲੇ ਆਸਾਨੀ ਨਾਲ ਕੋਰੋਨਾ ਵਾਇਰਸ ਅਤੇ ਫਲੂ ਵਿਚਕਾਰ ਪਛਾਣ ਕਰ ਸਕਦੇ ਹਨ।

ਇਕ ਰਿਪੋਰਟ ਅਨੁਸਾਰ 38 ਦੇਸ਼ਾਂ ਦੇ 500 ਤੋਂ ਵੱਧ ਵਿਗਿਆਨੀਆਂ ਨੇ ਕੋਰੋਨਾ ਵਾਇਰਸ 'ਤੇ ਇਕ ਪ੍ਰਸ਼ਨਾਵਲੀ ਦੀ ਸੂਚੀ ਤਿਆਰ ਕੀਤੀ ਹੈ। ਇਸ ਨਾਲ ਅਸਾਨੀ ਨਾਲ ਪਤਾ ਲਗਾਇਆ ਜਾ ਸਕਦਾ ਹੈ ਕਿ ਕਿਸੇ ਵਿਅਕਤੀ ਨੂੰ ਕੋਵਿਡ -19 ਹੈ ਜਾਂ ਆਮ ਜ਼ੁਕਾਮ ਹੈ ਅਤੇ ਕੀ ਉਸਨੂੰ ਕੋਰੋਨਾ ਟੈਸਟ ਕਰਵਾਉਣਾ ਚਾਹੀਦਾ ਹੈ ਜਾਂ ਨਹੀਂ? ਮਨਜ਼ੂਰੀ ਤੋਂ ਬਾਅਦ, ਇਸ ਪ੍ਰਸ਼ਨਾਵਲੀ ਜਾਂ ਐਪ ਨੂੰ ਭਾਰਤ ਸਰਕਾਰ ਦੀ ਅਰੋਗਿਆ ਸੇਤੂ ਨਾਲ ਜੋੜਿਆ ਜਾਵੇਗਾ।

ਇਹ ਵੀ ਦੇਖੋ : ਧੀਆਂ ਲਈ ਲਾਹੇਵੰਦ ਸੁਕੱਨਿਆ ਸਮਰਿਧੀ ਯੋਜਨਾ ਦੇ ਨਿਯਮਾਂ ਵਿਚ ਕੋਵਿਡ-19 ਕਾਰਣ ਹੋਏ ਇਹ ਬਦਲਾਅ

ਕਿਹੜੇ ਮਸਾਲੇ ਹਨ ਇਸ ਟੈਸਟ ਲਈ ਲਾਹੇਵੰਦ

ਇਹ ਇਕ ਕਿਸਮ ਦਾ ਸਰਵੇਖਣ ਹੈ, ਜਿਸ ਵਿਚ ਤੁਹਾਨੂੰ ਆਪਣੀ ਰਸੋਈ ਵਿਚ ਉਪਲਬਧ ਮਸਾਲੇ ਅਤੇ ਜੜ੍ਹੀਆਂ ਬੂਟੀਆਂ ਚੱਖ ਕੇ ਜਵਾਬ ਦੇਣਾ ਪਏਗਾ। ਇਸਦੇ ਅਧਾਰ ਤੇ ਹੀ ਨਤੀਜਾ ਪਤਾ ਲੱਗ ਜਾਵੇਗਾ ਕਿਉਂਕਿ ਕੋਰੋਨਾ ਸੰਕਰਮਿਤ ਮਰੀਜ਼ ਦੀ ਸੁੰਘਣ ਸ਼ਕਤੀ ਖਤਮ ਜਾਂ ਘੱਟ ਹੋ ਜਾਂਦੀ ਹੈ। ਰਸੋਈ ਵਿਚ ਰੱਖੇ ਹਲਦੀ, ਜੀਰਾ, ਦਾਲਚੀਨੀ, ਸੌਂਫ, ਇਲਾਇਚੀ, ਕਾਲੀ ਮਿਰਚ, ਮੁਲਥੀ, ਸਰ੍ਹੋਂ ਮਸਾਲੇ ਚੱਖਣ ਜਾਂ ਸੁੰਘਣ ਨਾਲ ਇਹ ਪਤਾ ਲਗਾ ਸਕਦੇ ਹੋ ਕਿ ਇਹ ਆਮ ਜ਼ੁਕਾਮ ਹੈ ਜਾਂ ਕੋਰੋਨਾ ਦਾ ਸੰਕਰਮਨ।

ਕੋਰੋਨਾ ਵਾਇਰਸ ਕੀ ਹੈ?

ਕੋਰੋਨਾ ਵਾਇਰਸ ਅਜਿਹੇ ਵਿਸ਼ਾਣੂਆਂ ਦੇ ਪਰਿਵਾਰ ਨਾਲ ਸੰਬੰਧ ਰੱਖਦਾ ਹੈ ਜਿਸ ਦੇ ਸੰਕਰਮਨ ਨਾਲ ਜ਼ੁਕਾਮ ਤੋਂ ਲੈ ਕੇ ਸਾਹ ਤਕ ਦੀ ਤਕਲੀਫ ਵਰਗੀਆਂ ਸਮੱਸਿਆਵਾਂ ਪੈਦਾ ਹੋ ਸਕਦੀਆਂ ਹਨ। ਇਹ ਵਾਇਰਸ ਪਹਿਲਾਂ ਕਦੇ ਨਹੀਂ ਵੇਖਿਆ ਗਿਆ ਸੀ। ਵਾਇਰਸ ਦਾ ਇੰਫੈਕਸ਼ਨ 2019 ਦੇ ਦਸੰਬਰ ਮਹੀਨੇ ਵਿਚ ਚੀਨ ਦੇ ਵੁਹਾਨ ਤੋਂ ਸ਼ੁਰੂ ਹੋਇਆ। ਡਬਲਯੂ.ਐਚ.ਓ. ਅਨੁਸਾਰ, ਬੁਖਾਰ, ਖੰਘ, ਸਾਹ ਲੈਣ ਸਮੇਂ ਤਕਲੀਫ ਇਸ ਦੇ ਮੁੱਖ ਲੱਛਣ ਹਨ। ਵਾਇਰਸ ਫੈਲਣ ਤੋਂ ਰੋਕਣ ਲਈ ਅਜੇ ਤੱਕ ਕੋਈ ਟੀਕਾ ਨਹੀਂ ਬਣਿਆ ਹੈ।

ਇਸ ਬਿਮਾਰੀ ਦੇ ਲੱਛਣ ਕੀ ਹਨ?

ਇਸਦੇ ਲੱਛਣ ਫਲੂ ਦੇ ਸਮਾਨ ਹਨ ਸੰਕਰਮਣ ਦੇ ਨਤੀਜੇ ਵਜੋਂ, ਬੁਖਾਰ, ਠੰਡ, ਸਾਹ ਚੜ੍ਹਨਾ, ਨੱਕ ਵਗਣਾ ਅਤੇ ਗਲੇ ਦੁਖਣ ਵਰਗੀਆਂ ਸਮੱਸਿਆਵਾਂ ਪੈਦਾ ਹੋ ਜਾਂਦੀਆਂ ਹਨ। ਇਹ ਵਾਇਰਸ ਇਕ ਵਿਅਕਤੀ ਤੋਂ ਦੂਜੇ ਵਿਅਕਤੀ ਵਿਚ ਫੈਲਦਾ ਹੈ। ਇਸ ਲਈ ਇਸ ਬਾਰੇ ਬਹੁਤ ਧਿਆਨ ਰੱਖਿਆ ਜਾ ਰਿਹਾ ਹੈ। ਕੁਝ ਮਾਮਲਿਆਂ ਵਿਚ ਕੋਰੋਨਾ ਵਾਇਰਸ ਮਾਰੂ ਵੀ ਸਾਬਤ ਹੋ ਸਕਦਾ ਹੈ। ਖਾਸ ਕਰਕੇ ਬਜ਼ੁਰਗ ਲੋਕਾਂ ਅਤੇ ਜਿਨ੍ਹਾਂ ਨੂੰ ਪਹਿਲਾਂ ਹੀ ਦਮਾ, ਸ਼ੂਗਰ ਅਤੇ ਦਿਲ ਦੀ ਬਿਮਾਰੀ ਹੈ।