ਨੌਕਰਾਣੀ ਨੇ ਮਾਲਕਾਂ ਨੂੰ ਖਾਣੇ ’ਚ ਖੁਅਾਇਆ ਜ਼ਹਿਰੀਲਾ ਪਦਾਰਥ

ਲੁਧਿਆਣਾ, (ਤਰੁਣ)- ਬੈਂਜਮਿਨ ਰੋਡ, ਨੌਲੱਖਾ ਗਾਰਡਨ ਕਾਲੋਨੀ ਦੇ ਇਕ ਘਰ ’ਚ ਕੰਮ ਕਰਨ ਵਾਲੀ ਨੌਕਰਾਣੀ ਘਰ ਵਾਲਿਆਂ ਨੂੰ ਖਾਣੇ ’ਚ ਜ਼ਹਿਰੀਲਾ ਪਦਾਰਥ ਪਾ ਕੇ ਕੱਪਡ਼ੇ ਤੇ 10 ਹਜ਼ਾਰ ਦੀ ਨਕਦੀ ਲੈ ਕੇ ਰਫੂ-ਚੱਕਰ ਹੋ ਗਈ। ਗੰਭੀਰ ਹਾਲਤ ’ਚ ਪ੍ਰਿਯੰਕਾ ਬ੍ਰਿਜ, ਰਾਧਿਕਾ ਬ੍ਰਿਜ ਤੇ ਪ੍ਰਵੇਸ਼ ਕੁਮਾਰੀ ਨੂੰ ਸੀ. ਐੱਮ. ਸੀ. ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ। ਥਾਣਾ ਡਵੀਜ਼ਨ ਨੰ. 3 ਦੀ ਪੁਲਸ ਨੇ ਕਾਰਤਿਕਾ ਬ੍ਰਿਜ ਦੇ ਬਿਆਨ ’ਤੇ ਪ੍ਰਵਾਸੀ ਅੌਰਤ ਆਰਤੀ ਖਿਲਾਫ ਕੇਸ ਦਰਜ ਕਰ ਲਿਆ ਹੈ।
 ®ਸ਼ਿਕਾਇਤਕਰਤਾ ਅੌਰਤ ਅਨੁਸਾਰ 15 ਦਿਨ ਪਹਿਲਾਂ ਉਹ ਆਪਣੇ ਨਾਨਕੇ ਪਰਿਵਾਰ ’ਚ ਰਹਿਣ ਲਈ ਆਈ ਸੀ। ਉਸ ਦੇ ਮਾਮੇ ਦੇ ਘਰ ’ਚ ਉਕਤ ਨੌਕਰਾਣੀ ਆਰਤੀ ਕੰਮ ਕਰਦੀ ਸੀ। 3 ਜੁਲਾਈ ਨੂੰ ਘਰ ਦੇ ਸਾਰੇ ਲੋਕ ਕਿਸੇ ਕੰਮ ਕਾਰਨ ਬਾਹਰ ਗਏ ਸਨ। ਉਦੋਂ ਨੌਕਰਾਣੀ ਨੇ ਖਾਣੇ ’ਚ ਜ਼ਹਿਰੀਲਾ ਪਦਾਰਥ ਮਿਲਾ ਕੇ ਖੁਆ ਦਿੱਤਾ। ਜਿਸ ’ਚ ਉਸ ਦੀ ਮਾਂ, ਭੈਣ ਤੇ ਨਾਨੀ ਬੇਹੋਸ਼ ਹੋ ਗਈਆਂ। ਜਦੋਂ ਉਹ ਘਰ ਪਹੁੰਚੀ ਤਾਂ ਉਸ ਨੇ ਮਾਮੇ ਨੂੰ ਘਟਨਾ ਦੀ ਜਾਣਕਾਰੀ ਦਿੱਤੀ। ਜਾਂਚ ਪਡ਼ਤਾਲ ਕਰਨ ’ਤੇ ਪਤਾ ਲੱਗਾ ਕਿ ਦੋਸ਼ੀ ਅੌਰਤ ਨੇ ਘਰੋਂ ਕੁਝ ਕੱਪਡ਼ੇ ਤੇ ਨਕਦੀ ਚੋਰੀ ਕੀਤੀ ਹੈ।
 ®ਜਾਂਚ ਅਧਿਕਾਰੀ ਸੰਜੀਵ ਚੌਹਾਨ ਨੇ ਦੱਸਿਆ ਕਿ ਘਰ ਦੇ ਮਾਲਕ ਨੇ ਘਟਨਾ ਤੋਂ ਦੋ ਦਿਨ ਪਹਿਲਾਂ ਨੌਕਰਾਣੀ ਆਰਤੀ ਨੂੰ ਕੰਮ ’ਤੇ ਰੱਖਿਆ ਸੀ। ਪੀਡ਼ਤ ਪਰਿਵਾਰ ਨੇ ਨੌਕਰਾਣੀ ਦੀ ਪੁਲਸ ਵੈਰੀਫਿਕੇਸ਼ਨ ਨਹੀਂ ਕਰਵਾਈ ਹੈ। ਅੌਰਤ ਦੀ ਕੋਈ ਪਛਾਣ ਨਾ ਹੋਣ ਕਾਰਨ ਪੁਲਸ ਨੂੰ ਅੌਰਤ ਨੂੰ ਲੱਭਣ ’ਚ ਕਾਫੀ ਮਿਹਨਤ ਕਰਨੀ ਪੈ ਰਹੀ ਹੈ। ਪੁਲਸ ਜਲਦੀ ਹੀ ਦੋਸ਼ੀ ਅੌਰਤ ਨੂੰ ਕਾਬੂ ਕਰ ਲਵੇਗੀ।