ਹੁਣ ਅੰਮ੍ਰਿਤਸਰ ਤੋਂ ਵੀ ਮਿਲੇਗੀ ਰਾਮ-ਜਨਮਭੂਮੀ ਦੇ ਪਾਣੀ ਤੇ ਰੇਤ ਨਾਲ ਬਣੀ ਡਾਕ ਟਿਕਟ

ਅੰਮ੍ਰਿਤਸਰ: ਅਯੁੱਧਿਆ ਦੇ ਰਾਮ ਮੰਦਰ ਦੀ ਵਿਸ਼ੇਸ਼ਤਾ ਵਾਲੀਆਂ ਯਾਦਗਾਰੀ ਟਿਕਟਾਂ ਹੁਣ ਅੰਮ੍ਰਿਤਸਰ ਦੇ ਮੁੱਖ ਡਾਕਘਰ ਵਿਚ ਉਪਲਬਧ ਹਨ। ਅੰਮ੍ਰਿਤਸਰ ਡਾਕ ਵਿਭਾਗ ਦਾ ਟਿਕਟ ਸੰਗ੍ਰਿਹ ਵਿੰਗ ਗੁਰਦਾਸਪੁਰ, ਕਪੂਰਥਲਾ ਅਤੇ ਫਿਰੋਜ਼ਪੁਰ ਨੂੰ ਸਪਲਾਈ ਦਿੰਦਾ ਹੈ। ਦੱਸ ਦਈਏ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 18 ਜਨਵਰੀ ਨੂੰ ਇਨ੍ਹਾਂ ਡਾਕ ਟਿਕਟਾਂ ਦਾ ਉਦਘਾਟਨ ਕੀਤਾ ਸੀ।

ਇਹ ਖ਼ਬਰ ਵੀ ਪੜ੍ਹੋ - ਸਰਕਾਰੀ ਨੌਕਰੀ ਲਈ ਅਪਲਾਈ ਕਰਨ ਵਾਲੇ 90 ਫ਼ੀਸਦੀ ਉਮੀਦਵਾਰ ਪੰਜਾਬੀ ਦੀ ਪ੍ਰੀਖਿਆ 'ਚੋਂ ਹੋਏ ਫ਼ੇਲ੍ਹ

ਛੇ ਡਾਕ ਟਿਕਟਾਂ ਦੇ ਸੈੱਟ ਵਾਲੀ ਇੱਕ ਛੋਟੀ ਸ਼ੀਟ 5 ਰੁਪਏ ਹਰੇਕ ਦੇ ਮੁੱਲ ਦੇ ਨਾਲ 100 ਰੁਪਏ ਵਿਚ ਪੇਸ਼ ਕੀਤੀ ਜਾ ਰਹੀ ਹੈ। ਕੋਈ ਵੀ ਵਿਅਕਤੀ ਜੋ 'ਪਹਿਲਾ ਕਵਰ' ਲੈਣਾ ਚਾਹੁੰਦਾ ਹੈ, ਉਸ ਨੂੰ 50 ਰੁਪਏ ਵਾਧੂ ਖਰਚ ਕਰਨੇ ਪੈਣਗੇ। ਹਾਲਾਂਕਿ ਡਾਕ ਵਿਭਾਗ ਦੀ ਵੈੱਬਸਾਈਟ 'ਤੇ ਸਟੈਂਪ ਦੀ ਕੀਮਤ 150 ਰੁਪਏ ਹੈ, ਪਰ ਡਿਲੀਵਰੀ ਚਾਰਜ ਲਈ 50 ਰੁਪਏ ਵਾਧੂ ਦੇਣੇ ਪੈਂਦੇ ਹਨ।

ਇਸ ਤੋਂ ਪਹਿਲਾਂ ਦੋ ਈ-ਕਾਮਰਸ ਸਾਈਟਾਂ 455 ਰੁਪਏ ਵਿਚ ਇਹ ਸਟੈਂਪ ਵੇਚ ਰਹੀਆਂ ਸਨ। ਅੰਮ੍ਰਿਤਸਰ ਦੇ ਪੋਸਟ ਮਾਸਟਰ ਜਨਰਲ ਸਤਿੰਦਰ ਲਹਿਰੀ ਨੇ ਕਿਹਾ ਕਿ ਇਹ ਟਿਕਟਾਂ ਹੁਣ ਅੰਮ੍ਰਿਤਸਰ ਵਿਚ ਖਰੀਦੀਆਂ ਜਾ ਸਕਦੀਆਂ ਹਨ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਸਟੈਂਪਾਂ ਨੂੰ ਪ੍ਰਾਈਵੇਟ ਸਾਈਟਾਂ ਤੋਂ ਖਰੀਦਣ ਦੀ ਕੋਈ ਲੋੜ ਨਹੀਂ ਹੈ। ਸਾਡੇ ਕੋਲ ਕਾਫ਼ੀ ਸਟਾਕ ਹੈ। ਲਹਿਰੀ ਨੇ ਕਿਹਾ ਕਿ ਇਹ ਸਟੈਂਪ ਰਾਮ ਜਨਮ ਭੂਮੀ ਤੋਂ ਪ੍ਰਾਪਤ ਕੀਤੇ ਪਾਣੀ ਅਤੇ ਰੇਤ ਨਾਲ ਛਾਪੇ ਗਏ ਹਨ। ਇਨ੍ਹਾਂ ਵਿਚ ਚੰਦਨ ਦੀ ਖੁਸ਼ਬੂ ਵੀ ਹੈ। ਲਘੂ ਸ਼ੀਟ ਦੇ ਹਿੱਸੇ Gold Foiled ਹਨ।

ਇਹ ਖ਼ਬਰ ਵੀ ਪੜ੍ਹੋ - Kapil Sharma ਦੇ ਸ਼ੋਅ 'ਚ ਦਿਸਣਗੇ ਨਵਜੋਤ ਸਿੰਘ ਸਿੱਧੂ! ਅਗਲੇ ਐਪੀਸੋਡ ਦਾ ਪ੍ਰੋਮੋ ਹੋਇਆ ਵਾਇਰਲ

ਇਹ ਸਟੈਂਪ ਖਰੀਦਣ ਵਾਲੇ ਅੰਮ੍ਰਿਤਸਰ ਦੇ ਨੀਰਜ ਜੈਨ ਨੇ ਕਿਹਾ ਕਿ ਸ਼ਰਧਾਲੂਆਂ ਦੇ ਵਿਸ਼ਵਾਸ ਅਤੇ ਭਾਵਨਾਵਾਂ ਦਾ “ਵਪਾਰੀਕਰਨ” ਨਹੀਂ ਹੋਣਾ ਚਾਹੀਦਾ। ਉਨ੍ਹਾਂ ਕਿਹਾ ਕਿ 30 ਰੁਪਏ ਦੇ ਵਪਾਰਕ ਮੁੱਲ ਵਾਲੀਆਂ ਸਟੈਂਪਾਂ ਨੂੰ ਡਾਕ ਵਿਭਾਗ ਦੁਆਰਾ ਪ੍ਰੀਮੀਅਮ 'ਤੇ ਪੇਸ਼ ਕੀਤਾ ਜਾ ਰਿਹਾ ਹੈ। ਜੇਕਰ ਵਿਭਾਗ ਨੇ 10 ਕਰੋੜ ਸਟੈਂਪ ਪ੍ਰਕਾਸ਼ਿਤ ਕੀਤੇ ਹਨ, ਤਾਂ ਉਹ ਇਨ੍ਹਾਂ ਸਟੈਂਪਾਂ ਨੂੰ ਵੇਚ ਕੇ 100 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰੇਗਾ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8