ਕਾਂਗਰਸੀ ਔਰਤਾਂ ਨੇ ਪ੍ਰਧਾਨ ਮੰਤਰੀ ਮੋਦੀ ਦਾ ਫੂਕਿਆ ਪੁਤਲਾ

ਮੁੱਲਾਂਪੁਰ ਦਾਖਾ(ਕਾਲੀਆ)-ਦੇਸ਼ ਅੰਦਰ ਦਿਨੋ-ਦਿਨ ਵੱਧ ਰਹੀਆਂ ਡੀਜ਼ਲ-ਪੈਟਰੋਲ ਦੀਆਂ ਕੀਮਤਾਂ ਤੇ ਮਹਿੰਗਾਈ ਖਿਲਾਫ ਪੰਜਾਬ ਪ੍ਰਦੇਸ਼ ਮਹਿਲਾ ਕਾਂਗਰਸ ਦੀ ਲੁਧਿਆਣਾ ਦਿਹਾਤੀ ਦੀ ਪ੍ਰਧਾਨ ਬੀਬੀ ਗੁਰਦੀਪ ਕੌਰ ਦੀ ਅਗਵਾਈ ਹੇਠ ਲੜੀਵਾਰ ਹਲਕਾ ਪੱਧਰ 'ਤੇ ਕੀਤੇ ਜਾ ਰਹੇ ਰੋਸ ਪ੍ਰਦਰਸ਼ਨ ਤਹਿਤ ਅੱਜ ਹਲਕਾ ਦਾਖਾ ਦਾ ਸਥਾਨਕ ਕਸਬੇ ਦੇ ਮੇਨ ਚੌਕ 'ਚ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਪਿੱਟ-ਸਿਆਪਾ ਕਰ ਕੇ ਪੁਤਲਾ ਫੂਕਿਆ ਗਿਆ। ਬੀਬੀ ਗੁਰਦੀਪ ਕੌਰ ਨੇ ਦੱਸਿਆ ਕਿ ਡੀਜ਼ਲ-ਪੈਟਰੋਲ ਦੀਆ ਵਧੀਆਂ ਕੀਮਤਾਂ ਨਾਲ ਆਮ ਜਨਜੀਵਨ 'ਤੇ ਕਾਫੀ ਪ੍ਰਭਾਵ ਪਿਆ। ਮਹਿੰਗਾਈ ਨੇ ਲੋਕਾਂ ਦਾ ਕਚੂੰਮਰ ਕੱਢ ਕੇ ਰੱਖ ਦਿੱਤਾ ਹੈ। ਇਸ ਲਈ ਲੋਕਾਂ ਨੂੰ ਮਹਿੰਗਾਈ ਖਿਲਾਫ ਲਾਮਬੰਦ ਕਰ ਕੇ ਜਾਗਰੂਕ ਕੀਤਾ ਜਾ ਰਿਹਾ ਹੈ। ਥਾਂ-ਥਾਂ 'ਤੇ ਔਰਤਾਂ ਦੀ ਇਕੱਤਰਤਾ ਵੱਲੋਂ ਕੇਂਦਰ ਸਰਕਾਰ ਖਿਲਾਫ ਰੋਸ ਪ੍ਰਦਰਸ਼ਨ ਕਰ ਕੇ ਪੁਤਲੇ ਫੂਕੇ ਜਾ ਰਹੇ ਹਨ। ਇਸ ਮੌਕੇ ਜਸਵੀਰ ਕੌਰ ਸੱਗੂ, ਬੀਬੀ ਸਰਬਜੀਤ ਕੌਰ ਨਾਹਰ, ਮੀਤ ਪ੍ਰਧਾਨ ਬੱਬੂ ਡੇਹਲੋਂ, ਸ਼ਰਨਜੀਤ ਕੌਰ, ਪਰਮਜੀਤ ਕੌਰ ਖੰਡੂਰ, ਅਰਵਿੰਦਰ ਕੌਰ ਜੜਤੌਲੀ, ਹਰਪ੍ਰੀਤ ਕੌਰ ਸਾਹਨੇਵਾਲ, ਬੀਬੀ ਹਰਿੰਦਰ ਕੌਰ, ਨਿਸ਼ਾ ਜਗਰਾਓ, ਮਨਜਿੰਦਰ ਕੌਰ ਸੇਖੋਂਪੁਰਾਂ ਤੇ ਇਕਬਾਲ ਕੌਰ ਸਵੱਦੀ ਆਦਿ ਹਾਜ਼ਰ ਸਨ।