ਮੋਬਾਇਲ ਸਿਮ ਦੀ ਤਰ੍ਹਾਂ ਪ੍ਰੇਸ਼ਾਨੀ ਆਉਣ ’ਤੇ ਖਪਤਕਾਰ ਆਪਣੀ ਪੁਰਾਣੀ ਗੈਸ ਏਜੰਸੀ ਛੱਡ ਕਿਸੇ ਹੋਰ ਦਾ ਫਡ਼ ਸਕਦੇ ਨੇ ਹੱਥ

ਲੁਧਿਆਣਾ (ਖੁਰਾਣਾ)-ਜਿਸ ਤਰ੍ਹਾਂ ਕੋਈ ਵੀ ਵਿਅਕਤੀ ਕਿਸੇ ਮੋਬਾਇਲ ਫੋਨ ਕੰਪਨੀ ਦੀ ਵਧੀਆ ਇੰਟਰਨੈੱਟ ਕੁਆਲਿਟੀ ਜਾਂ ਫੋਨ ਦੀ ਸਹੀ ਰੇਂਜ ਜਾਂ ਹੋਰ ਸੇਵਾਵਾਂ ਨਾ ਮਿਲਣ ’ਤੇ ਬਦਲ ਦੇ ਤੌਰ ’ਤੇ ਆਪਣੇ ਮੋਬਾਇਲ ਸਿਮ ਨੂੰ ਕਿਸੇ ਹੋਰ ਦੂਜੀ ਮੋਬਾਇਲ ਕੰਪਨੀ ਤੋਂ ਪੋਰਟ (ਟਰਾਂਸਫਰ) ਕਰਵਾ ਸਕਦੇ ਹਨ। ਠੀਕ ਉਸੇ ਤਰ੍ਹਾਂ ਹੀ ਕਿਸੇ ਵੀ ਗੈਸ ਏਜੰਸੀ ਵਲੋਂ ਘਰੇਲੂ ਗੈਸ ਸਿਲੰਡਰ ਦੀ ਸਹੀ ਸਮੇਂ ’ਤੇ ਡਲਿਵਰੀ ਨਾ ਦਿੱਤੇ ਜਾਣ ਅਤੇ ਏਜੰਸੀ ਕਰਮਚਾਰੀਆਂ ਵਲੋਂ ਓਵਰ ਚਾਰਜਿੰਗ ਜਾਂ ਤੰਗ-ਪ੍ਰੇਸ਼ਾਨ ਕੀਤੇ ਜਾਣ ਦੀ ਸਥਿਤੀ ’ਚ ਉਹ ਆਪਣੀ ਪਸੰਦੀਦਾ ਅਤੇ ਘਰ ਦੇ ਨੇਡ਼ੇ ਪੈਂਦੀ ਗੈਸ ਏਜੰਸੀ ’ਤੇ ਆਪਣੇ ਗੈਸ ਕੁਨੈਕਸ਼ਨ ਨੂੰ ਵੀ ਟਰਾਂਸਫਰ ਕਰ ਸਕਦੇ ਹਨ। ਉਹ ਵੀ ਬਿਨਾਂ ਕਿਸੇ ਪ੍ਰੇਸ਼ਾਨੀ ਅਤੇ ਸਬੰਧਤ ਗੈਸ ਏਜੰਸੀ ਦਫਤਰ ਵਿਚ ਜੁੱਤੇ ਘਸਾਏ। ਇਨ੍ਹਾਂ ਸਭ ਗੱਲਾਂ ਦੀ ਸਹੀ ਜਾਣਕਾਰੀ ਨਾ ਹੋਣ ਕਾਰਨ ਜ਼ਿਆਦਾਤਰ ਖਪਤਕਾਰ ਨੂੰ ਏਜੰਸੀ ਮਾਲਕਾਂ ਸਮੇਤ ਡਲਿਵਰੀ ਮੈਨਸ ਦੀਆਂ ਮਨਮਾਨੀਆਂ ਬਰਦਾਸ਼ਤ ਕਰਨੀਆਂ ਪੈ ਰਹੀਆਂ ਹਨ ਜਾਂ ਇਹ ਕਹਿਣਾ ਗਲਤ ਨਹੀਂ ਹੋਵੇਗਾ ਕਿ ਸਬੰਧਤ ਗੈਸ ਏਜੰਸੀ ਦੇ ਅਧਿਕਾਰੀ ਉਕਤ ਸਾਰੀ ਸੱਚਾਈ ਦੇ ਸਬੰਧ ਵਿਚ ਆਮ ਜਨਤਾ ਨੂੰ ਜਾਗਰੂਕ ਹੀ ਨਹੀਂ ਕਰਨਾ ਚਾਹੁੰਦੇ।ਇਥੇ ਦੱਸਣਾ ਜ਼ਰੂਰੀ ਹੋਵੇਗਾ ਕਿ ਪੈਟਰੋਲੀਅਮ ਮੰਤਰਾਲਾ ਅਤੇ ਦੇਸ਼ ਦੀਆਂ ਤਿੰਨ ਪ੍ਰਮੁੱਖ ਗੈਸ ਕੰਪਨੀਆਂ ਵਲੋਂ ਘਰੇਲੂ ਗੈਸ ਉਪਭੋਗਤਾ ਦੀਆਂ ਜ਼ਿਆਦਾਤਰ ਗੈਸ ਏਜੰਸੀ ਮਾਲਕਾਂ ਵਲੋਂ ਕੀਤੀਆਂ ਜਾ ਰਹੀਆਂ ਮਨਮਾਨੀਆਂ ਤੋਂ ਰਾਹਤ ਦਿਵਾਉਣ ਲਈ ਪੋਰਟੇਬਿਲਟੀ ਯੋਜਨਾ ਸ਼ੁਰੂ ਕੀਤੀ ਗਈ ਹੈ ਪਰ ਸਰਕਾਰ ਦੀ ਇਹ ਅਹਿਮ ਯੋਜਨਾ ਕੰਪਨੀ ਦੇ ਅਧਿਕਾਰੀਆਂ ਅਤੇ ਏਜੰਸੀ ਮਾਲਕਾਂ ਵਲੋਂ ਆਪਣੇ ਖਪਤਕਾਰਾਂ ਨੂੰ ਮੁਹੱਈਆ ਕਰਵਾਈ ਜਾਣ ਵਾਲੀ ਜਾਣਕਾਰੀ ਦੀ ਘਾਟ ਕਾਰਨ ਦਮ ਤੋਡ਼ਦੀ ਜਾ ਰਹੀ ਹੈ ਪਰ ਜੇਕਰ ਉਕਤ ਯੋਜਨਾ ਸਬੰਧੀ ਖਪਤਕਾਰਾਂ ਨੂੰ ਅਵੇਅਰ ਕਰਨ ਦੀ ਮੁਹਿੰਮ ਛੇਡ਼ੀ ਜਾਵੇ ਤਾਂ ਇਹ ਪੋਰਟੇਬਿਲਟੀ ਯੋਜਨਾ ਉਨ੍ਹਾਂ ਲੱਖਾਂ ਖਪਤਕਾਰਾਂ ਲਈ ਵਰਦਾਨ ਸਿੱਧ ਹੋਵੇਗੀ, ਜਿਨ੍ਹਾਂ ਨੂੰ ਆਪਣੀ ਸਬੰਧਤ ਗੈਸ ਏਜੰਸੀ ਮਾਲਕਾਂ ਦੀ ਕਥਿਤ ਧੱਕੇਸ਼ਾਹੀ ਝੱਲਣੀ ਪੈਂਦੀ ਹੈ ਅਤੇ ਬੁਕਿੰਗ ਤੋਂ ਬਾਅਦ ਵੀ ਕਈ-ਕਈ ਦਿਨਾਂ ਤੱਕ ਸਿਲੰਡਰ ਦੀ ਡਲਿਵਰੀ ਨਹੀਂ ਦਿੰਦੇ ਜਾਂ ਫਿਰ ਨਿਰਧਾਰਤ ਕੀਮਤ ਤੋਂ ਜ਼ਿਆਦਾ ਕੀਮਤ ਦੇਣ ਲਈ ਮਜਬੂਰ ਕਰਦੇ ਹਨ।ਬਿਨਾਂ ਕੋਈ ਪੈਸਾ ਖਰਚ ਕੀਤੇ ਦੂਜੀ ਏਜੰਸੀ ਨਾਲ ਜੁੜੋਪੋਰਟੇਬਿਲਟੀ ਯੋਜਨਾ ਦਾ ਹਿੱਸਾ ਬਣ ਕੇ ਲੋਕ ਕਿਸੇ ਹੋਰ ਗੈਸ ਏਜੰਸੀ ਨਾਲ ਜੁਡ਼ ਸਕਦੇ ਹਨ, ਉਹ ਵੀ ਬਿਨਾਂ ਕੋਈ ਪੈਸਾ ਖਰਚ ਕੀਤੇ। ਮਤਲਬ ਆਪਣੀ ਸੁਵਿਧਾ ਅਤੇ ਪਸੰਦ ਮੁਤਾਬਕ ਕੋਈ ਵੀ ਦੂਜੀ ਏਜੰਸੀ ’ਤੇ ਜਾਣ ਦਾ ਉਨ੍ਹਾਂ ਦੇ ਕੋਲ ਖੁੱਲ੍ਹਾ ਬਦਲ ਹੈ। ਬਾਸ਼ਰਤੇ ਉਨ੍ਹਾਂ ਨੂੰ ਇਹ ਪਤਾ ਹੋਣਾ ਚਾਹੀਦਾ ਹੈ ਕਿ ਉਨ੍ਹਾਂ ਦੇ ਇਲਾਕੇ ਵਿਚ ਜਾਂ ਨੇਡ਼ੇ-ਤੇਡ਼ੇ ਕਿਹਡ਼ੀਆਂ-ਕਿਹਡ਼ੀਆਂ ਗੈਸ ਏਜੰਸੀਆਂ ਪੈਂਦੀਆਂ ਹਨ ਅਤੇ ਕਿਸ ਦੀ ਸਰਵਿਸ ਸਭ ਤੋਂ ਵਧੀਆ ਹੈ।ਕਿਵੇਂ ਲਈਏ ਯੋਜਨਾ ਦਾ ਲਾਭਹੁਣ ਜੇਕਰ ਮੰਨ ਲਿਆ ਜਾਵੇ ਕਿ ਤੁਸੀ ਏ ਨਾਮਕ ਗੈਸ ਏਜੰਸੀ ਨੂੰ ਤਿਆਗ ਕੇ ਬੀ ਗੈਸ ਏਜੰਸੀ ਦੇ ਡੀਲਰ ਕੋਲ ਆਪਣਾ ਗੈਸ ਕੁਨੈਕਸ਼ਨ ਲਿਜਾਣਾ ਚਾਹੁੰਦੇ ਹੋ ਤਾਂ ਇਸ ਦੇ ਲਈ ਤੁਸੀਂ ਆਨਲਾਈਨ ਪ੍ਰਣਾਲੀ ਨਾਲ ਗੈਸ ਕੰਪਨੀ ਨੂੰ ਮੇਲ ’ਤੇ ਅਰਜ਼ੀ ਦੇ ਸਕਦੇ ਹੋ, ਜਿਸ ਤੋਂ ਬਾਅਦ ਤੁਹਾਡੇ ਵਲੋਂ ਪਾਈ ਗਈ ਰਿਕਵੈਸਟ ਸਬੰਧਤ ਗੈਸ ਏਜੰਸੀ ਨੂੰ ਭੇਜ ਦਿੱਤੀ ਜਾਵੇਗੀ ਅਤੇ ਇਹ ਜਾਣਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ ਕਿ ਆਖਿਰ ਕਿਉਂ ਤੁਸੀਂ ਆਪਣੀ ਪੁਰਾਣੀ ਗੈਸ ਏਜੰਸੀ ਛੱਡ ਰਹੇ ਹਨ। ਇਸ ਦੌਰਾਨ ਮਾਤਰ 48 ਤੋਂ 60 ਘੰਟਿਆਂ ਦੇ ਅੰਦਰ ਤੁਹਾਡਾ ਕੁਨੈਕਸ਼ਨ ਤੁਹਾਡੀ ਪਸੰਦੀਦਾ ਨਵੀਂ ਏਜੰਸੀ ’ਤੇ ਸ਼ਿਫਟ ਹੋ ਜਾਵੇਗਾ।ਖਪਤਕਾਰਾਂ ਨੂੰ ਮਨਾਉਣ ਦੀ ਸ਼ੁਰੂ ਹੁੰਦੀ ਹੈ ਕਵਾਇਦਉਕਤ ਸਾਰੇ ਐਪੀਸੋਡ ਦਾ ਦਿਲਚਸਪ ਪਹਿਲੂ ਇਹ ਹੈ ਕਿ ਤੁਹਾਡੀ ਗੈਸ ਏਜੰਸੀ ਬਦਲਣ ਦੀ ਜਾਣਕਾਰੀ ਤੁਹਾਡੇ ਪੁਰਾਣੇ ਏਜੰਸੀ ਹੋਲਡਰ ਨੂੰ ਵੀ ਕੰਪਨੀ ਵਲੋਂ ਦਿੱਤੀ ਜਾਵੇਗੀ, ਜਿਸ ਉਪਰੰਤ ਏਜੰਸੀ ਮਾਲਕ ਵਲੋਂ ਤੁਹਾਨੂੰ ਵਿਸ਼ਵਾਸ ਦਿਵਾਇਆ ਜਾਵੇਗਾ ਕਿ ਭਵਿੱਖ ਵਿਚ ਤੁਹਾਨੂੰ ਕਿਸੇ ਤਰ੍ਹਾਂ ਦੀ ਪ੍ਰੇਸ਼ਾਨੀ ਨਹੀਂ ਹੋਵੇਗੀ। ਇਸ ਲਈ ਤੁਸੀਂ ਆਪਣੀ ਰਿਕਵੈਸਟ ਵਾਪਸ ਲੈ ਲਵੋ। ਇਸ ਦੌਰਾਨ ਜੇਕਰ ਉਹ ਤੁਹਾਨੂੰ ਮਨਾਉਣ ਵਿਚ ਕਾਮਯਾਬ ਹੋ ਜਾਂਦਾ ਹੈ ਤਾਂ ਤੁਹਾਡਾ ਕੁਨੈਕਸ਼ਨ ਫਿਰ ਉਸੇ ਏਜੰਸੀ ਮਾਲਕ ਕੋਲ ਚਲਾ ਜਾਵੇਗਾ ਅਤੇ ਜੇਕਰ ਤੁਸੀਂ ਆਪਣੀ ਗੱਲ ’ਤੇ ਅਡ਼ੇ ਰਹਿੰਦੇ ਹੋ ਤਾਂ ਦੋ ਤੋਂ ਢਾਈ ਦਿਨਾਂ ਦੇ ਅੰਦਰ ਤੁਹਾਡਾ ਨਾਤਾ ਆਪਣੀ ਦੂਜੀ ਗੈਸ ਏਜੰਸੀ ਡੀਲਰ ਨਾਲ ਜੁਡ਼ ਜਾਵੇਗਾ। ਇਸ ਦੌਰਾਨ ਤੁਹਾਨੂੰ ਆਪਣੀ ਪੁਰਾਣੀ ਗੈਸ ਏਜੰਸੀ ’ਤੇ ਆਪਣੇ ਗੈਸ ਸਿਲੰਡਰ ਸਰੰਡਰ ਕਰਨੇ ਪੈਣਗੇ, ਜਿਸ ਦੇ ਬਦਲੇ ਏਜੰਸੀ ਵਲੋਂ ਇਕ ਸਲਿੱਪ ਦਿੱਤੀ ਜਾਵੇਗੀ ਜੋ ਕਿ ਖਪਤਕਾਰ ਦੀ ਨਵੀਂ ਗੈਸ ਏਜੰਸੀ ਦੇ ਦਫਤਰ ਵਿਚ ਜਮ੍ਹਾ ਕਰਵਾਉਣੀ ਪੈਂਦੀ ਹੈ, ਜਿਥੇ ਸਬੰਧਤ ਏਜੰਸੀ ਵਲੋਂ ਖਪਤਕਾਰ ਨੂੰ ਆਪਣੀ ਕੰਪਨੀ ਦੇ ਸਿਲੰਡਰ ਦਿੱਤੇ ਜਾਣਗੇ।ਬਦਲਾਅ ਲਈ ਇਨ੍ਹਾਂ ਸਾਈਟਸ ਦੀ ਕਰੋ ਵਰਤੋਂਗੈਸ ਕੰਪਨੀਆਂ ਵਲੋਂ ਜਾਰੀ ਡਬਲਯੂ ਡਬਲਯੂ ਡਬਲਯੂ ਡਾਟ ਇੰਡੇਨ ਡਾਟ ਕੋ ਡਾਟ ਇਨ, ਡਬਲਯੂ ਡਬਲਯੂ ਡਬਲਯੂ ਡਾਟ ਭਾਰਤ ਗੈਸ ਡਾਟ ਕੋ ਡਾਟ ਇਨ ਅਤੇ ਡਬਲਯੂ ਡਬਲਯੂ ਡਬਲਯੂ ਡਾਟ ਐੱਚ ਪੀ ਡਾਟ ਕੋ ਡਾਟ ਇਨ ਸਾਈਟਸ ਦੀ ਵਰਤੋਂ ਕਰ ਕੇ ਖਪਤਕਾਰ ਆਪਣੀ ਪਸੰਦੀਦਾ ਗੈਸ ਏਜੰਸੀ ’ਤੇ ਆਪਣਾ ਗੈਸ ਕੁਨੈਕਸ਼ਨ ਸ਼ਿਫਟ ਕਰ ਸਕਦੇ ਹਨ।