ਪੁਲਸ ਨੇ ਕੀਤਾ ਦੋ ਭਗੌੜਿਆਂ ਨੂੰ ਗ੍ਰਿਫਤਾਰ

ਪਟਿਆਲਾ,   (ਬਲਜਿੰਦਰ)-  ਪੀ.ਓ. ਸਟਾਫ ਦੀ ਪੁਲਸ ਨੇ ਇੰਚਾਰਜ ਏ.ਐੱਸ.ਆਈ. ਕਰਮ ਚੰਦ ਦੀ ਅਗਵਾਈ ਹੇਠ ਦੋ ਭਗੌਡ਼ਿਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਪਹਿਲੇ ਕੇਸ ਵਿਚ ਸੁਲਿੰਦਰ ਸਿੰਘ ਉਰਫ ਸੁਰਿੰਦਰ ਸਿੰਘ ਵਾਸੀ ਪਿੰਡ ਲੋਹਾਖੇਡ਼ੀ ਬਡਾਲੀ ਆਲਾ ਸਿੰਘ ਜ਼ਿਲਾ ਫਤਿਹਗਡ਼੍ਹ ਸਾਹਿਬ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ ਜਿਸ ਦੇ ਖਿਲਾਫ ਥਾਣਾ ਸਦਰ ਰਾਜਪੁਰਾ ਵਿਖੇ ਐੱਫ.ਆਈ.ਆਰ. ਨੰ.69 ਮਿਤੀ 12 ਅਗਸਤ 2016 ਅਧੀਨ  ਧਾਰਾ 323, 325, 201 ਆਈ.ਪੀ.ਸੀ. ਦੇ ਤਹਿਤ ਕੇਸ ਦਰਜ ਹੈ। ਇਸ ਕੇਸ ਵਿਚ ਮਾਣਯੋਗ ਅਦਾਲਤ ਨੇ ਸੁਲਿੰਦਰ ਸਿੰਘ ਨੂੰ 4 ਜੁਲਾਈ 2018 ਨੂੰ ਪੀ.ਓ. ਕਰਾਰ ਦਿੱਤਾ ਸੀ। 
ਦੂਜੇ ਕੇਸ ਵਿਚ ਅਬਦੁਲਾ ਰਹਿਮਾਨ ਉਰਫ ਹੈਪੀ ਵਾਸੀ ਫਤਿਹਗਡ਼੍ਹ ਪੰਜਗਰਾਈਂ ਥਾਣਾ ਸ਼ੇਰਪੁਰ ਜ਼ਿਲਾ ਸੰਗਰੂਰ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ, ਜਿਸ ਦੇ ਖਿਲਾਫ ਥਾਣਾ ਕੋਤਵਾਲੀ ਪਟਿਆਲਾ ਵਿਚ ਐੱਫ.ਆਈ.ਆਰ. ਨੰ. 79 ਮਿਤੀ 9 ਅਪ੍ਰੈਲ 2015, ਅਧੀਨ ਧਾਰਾ 392, 489, 483, 465, 467, 471, 506, 148, 149 ਆਈ.ਪੀ.ਸੀ. ਅਤੇ ਆਰਮਜ਼ ਐਕਟ ਦੇ ਤਹਿਤ ਕੇਸ ਦਰਜ ਹੈ। ਇਸ ਕੇਸ ਵਿਚ ਅਬਦੁਲ ਰਹਿਮਾਨ ਨੂੰ 4 ਜੁਲਾਈ 2018 ਨੂੰ ਮਾਣਯੋਗ ਅਦਾਲਤ ਨੇ ਪੀ.ਓ. ਕਰਾਰ ਦਿੱਤਾ ਸੀ। 
ਉਕਤ ਦੋਨਾਂ ਨੂੰ ਗ੍ਰਿਫਤਾਰ ਕਰਨ ਵਿਚ ਏ.ਐੱਸ.ਆਈ. ਦਲਜੀਤ ਸਿੰਘ, ਹੌਲਦਾਰ ਜਸਪਾਲ ਸਿੰਘ, ਹੌਲਦਾਰ ਹਰਜਿੰਦਰ ਸਿੰਘ, ਹੌਲਦਾਰ ਦਵਿੰਦਰ ਸਿੰਘ, ਹੌਲਦਾਰ ਸੁਰਜੀਤ ਸਿੰਘ, ਹੌਲਦਾਰ ਬਲਵਿੰਦਰ ਸਿੰਘ, ਹੌਲਦਾਰ ਬਲਦੇਵ ਸਿੰਘ ਅਤੇ ਹੌਲਦਾਰ ਮਿੰਟੂ ਨੇ ਵੀ ਅਹਿਮ ਭੂਮਿਕਾ ਨਿਭਾਈ।