ਇੱਕ ਹਫਤੇ ਤੋਂ ਲਾਪਤਾ ਲੜਕੇ ਦਾ ਨਹੀ ਮਿਲ ਰਿਹਾ ਸੁਰਾਗ, ਪੁਲਸ ਨੂੰ ਅਗਵਾ ਦਾ ਸ਼ੱਕ

ਤਲਵੰਡੀ ਭਾਈ(ਪਾਲ)—ਕਰੀਬ ਇੱਕ ਹਫਤਾ ਪਹਿਲਾਂ ਘਰੋ ਖੇਡਣ ਗਏ ਨਬਾਲਿਗ ਲੜਕਾ ਵਾਪਿਸ ਘਰ ਨਹੀ ਪਰਤਿਆ, ਜਿਸ ਦਾ ਅਜੇ ਤੱਕ ਕੋਈ ਸੁਰਾਗ ਨਹੀ ਮਿਲਿਆ ਹੈ, ਪੁਲਸ ਨੇ ਇਸ ਮਾਮਲੇ 'ਚ ਅਣਪਛਾਤੇ ਵਿਅਕਤੀਆਂ ਤੇ ਅਗਵਾ ਦਾ ਮਾਮਲਾ ਦਰਜ਼ ਕਰ ਲਿਆ ਹੈ। ਇਸ ਸਬੰਧੀ ਪੁਲਸ ਨੂੰ ਜਾਣਕਾਰੀ ਦਿੰਦਿਆਂ ਬਲਵੰਤ ਸਿੰਘ ਪੁੱਤਰ ਹਰਨਾਮ ਸਿੰਘ ਵਾਸੀ ਵਾਰਡ ਨੰ: 5 ਤਲਵੰਡੀ ਭਾਈ ਨੇ ਦੱਸਿਆ ਕਿ ਬੀਤੀ 7 ਜੂਨ ਨੂੰ ਉਸਦਾ ਲੜਕਾ ਸੁਖਚੈਨ ਸਿੰਘ ਘਰੋ ਸਾਈਕਲ ਤੇ ਸਵਾਰ ਹੋ ਕੇ ਖੇਡਣ ਲਈ ਗਿਆ ਸੀ, ਜੋ ਘਰ ਵਾਪਿਸ ਨਹੀ ਆਇਆ। ਪੁਲਸ ਅਤੇ ਪਰਿਵਾਰ ਵੱਲੋਂ ਇਸ ਸਬੰਧੀ ਵੱਖ-ਵੱਖ ਸਥਾਨਾਂ ਤੇ ਉਕਤ ਲੜਕੇ ਦੀ ਭਾਲ ਕੀਤੀ ਪਰ ਲੜਕੇ ਦਾ ਕੋਈ ਸੁਰਾਗ ਨਹੀ ਮਿਲਿਆ। ਸੂਤਰਾਂ ਮੁਤਾਬਿਕ ਲੜਕੇ ਦੇ ਮੋਬਾਇਲ ਫੋਨ ਦੀ ਕਾਲ ਡਿਟੇਲਾਂ ਨੂੰ ਖੰਗਾਲਦੇ ਹੋਏ ਲੜਕੇ ਦੀ ਗੁੰਮਸ਼ੁਦਾ ਸਬੰਧੀ ਕਈ ਅਸ਼ੰਕੇ ਪੈਦਾ ਹੋ ਗਏ ਹਨ, ਜਿਸ ਦੇ ਚੱਲਦਿਆਂ ਪੁਲਸ ਨੇ ਅਣਪਛਾਤੇ ਵਿਅਕਤੀਆਂ ਖਿਲਾਫ ਅਗਵਾ ਦਾ ਮਾਮਲਾ ਦਰਜ ਕਰ ਲਿਆ ਹੈ।