ਪੰਜਾਬ ਸਰਕਾਰ ਲਿਆਈ 'ਬਿੱਲ ਲਿਆਓ ਇਨਾਮ ਪਾਓ' ਸਕੀਮ ; ਹੁਣ ਸਾਮਾਨ ਖ਼ਰੀਦਣ 'ਤੇ ਮਿਲੇਗਾ 'ਇਨਾਮ'

ਚੰਡੀਗੜ੍ਹ- ਪੰਜਾਬ ਵਾਸੀਆਂ ਨੂੰ ਟੈਕਸ ਨਿਯਮਾਂ ਦੀ ਪਾਲਣਾ ਕਰਨ ਪ੍ਰਤੀ ਜਾਗਰੂਕ ਕਰਨ ਤੇ ਉਤਸ਼ਾਹਿਤ ਕਰਨ ਲਈ ਪੰਜਾਬ ਸਰਕਾਰ ਇਕ ਵਾਰ ਫ਼ਿਰ 'ਬਿੱਲ ਲਿਆਓ ਇਨਾਮ ਪਾਓ' ਸਕੀਮ ਲਿਆਈ ਹੈ। ਡੀਲਰਾਂ ਨੂੰ ਹਰੇਕ ਵੇਚੀ ਗਈ ਵਸਤੂ ਲਈ ਬਿੱਲ ਜਾਰੀ ਕਰਨ ਲਈ ਉਤਸ਼ਾਹਿਤ ਕਰਨਾ ਵੀ ਇਸ ਸਕੀਮ ਦਾ ਇਕ ਅਹਿਮ ਉਦੇਸ਼ ਹੈ। 

'ਬਿੱਲ ਲਿਆਓ ਇਨਾਮ ਪਾਓ' ਸਕੀਮ ਦੇ ਮੁੱਖ ਉਦੇਸ਼
-ਨਾਗਰਿਕਾਂ ਵਿੱਚ ਟੈਕਸ ਕਨੂੰਨਾਂ ਬਾਰੇ ਜਾਗਰੂਕਤਾ ਫੈਲਾਉਣਾ।
-100% ਟੈਕਸ ਨਿਯਮਾਂ ਦੀ ਪਾਲਣਾ ਕਰਨਾ।
-ਖਪਤਕਾਰਾਂ ਨੂੰ ਡੀਲਰਾਂ ਤੋਂ ਬਿੱਲ ਪ੍ਰਾਪਤ ਕਰਨ ਲਈ ਪ੍ਰੇਰਿਤ ਕਰਨਾ।
-ਡੀਲਰਾਂ ਨੂੰ ਖਪਤਕਾਰਾਂ ਨੂੰ ਬਿੱਲ ਜਾਰੀ ਕਰਨ ਲਈ ਉਤਸ਼ਾਹਿਤ ਕਰਨਾ।

ਇਸ ਸਕੀਮ ਅਧੀਨ ਯੋਗ ਭਾਗੀਦਾਰ ਕੌਣ-ਕੌਣ ਹਨ ?
-ਪੰਜਾਬ ਵਿੱਚ ਕੀਤੀ ਖ਼ਰੀਦ ਦੇ ਪ੍ਰਚੂਨ ਬਿੱਲ (ਸਿਰਫ਼ ਗਾਹਕਾਂ ਨੂੰ ਵਿਕਰੀ) ਵਾਲਾ ਕੋਈ ਵੀ ਵਿਅਕਤੀ ਯੋਗ ਭਾਗੀਦਾਰ ਹੋਵੇਗਾ।
-ਬਿੱਲ ਦਾ ਘੱਟੋ-ਘੱਟ ਮੁੱਲ 200 ਰੁਪਏ ਹੋਵੇ।
-ਮੁੜ-ਵਿਕਰੀ (ਵਪਾਰ ਤੋਂ ਵਪਾਰ ਲੈਣ-ਦੇਣ) ਲਈ ਖਰੀਦ ਨੂੰ ਸਕੀਮ ਵਿੱਚ ਹਿੱਸਾ ਲੈਣ ਦੀ ਇਜਾਜ਼ਤ ਨਹੀਂ ਦਿੱਤੀ ਜਾਵੇਗੀ।
-ਪੈਟਰੋਲ, ਡੀਜ਼ਲ, ਕੱਚਾ ਤੇਲ, ਹਵਾਬਾਜ਼ੀ, ਟਰਬਾਈਨ ਤੇਲ ਅਤੇ ਸ਼ਰਾਬ ਦੇ ਵਿਕਰੀ ਬਿੱਲ ਡਰਾਅ ਲਈ ਯੋਗ ਨਹੀਂ ਹਨ।
-ਸਿਰਫ਼ ਅਸਲ ਬਿੱਲ ਹੀ ਡਰਾਅ ਲਈ ਯੋਗ ਹੋਣਗੇ।

ਸਕੀਮ ਦੀ ਰੂਪ-ਰੇਖਾ
-ਉਪਭੋਗਤਾ ਰਿਟੇਲ ਬਿੱਲ ਦੇ ਵੇਰਵੇ “Mera Bill” ਮੋਬਾਈਲ ਐਪ ਰਾਹੀਂ ਅਪਲੋਡ ਕਰੇਗਾ।
-ਉਪਭੋਗਤਾ ਬਿੱਲ ਦੀ ਫੋਟੋ ਦੇ ਨਾਲ ਹੇਠਾਂ ਦਿੱਤੇ ਵੇਰਵੇ ਜਮ੍ਹਾ ਕਰੇਗਾ: 
*ਡੀਲਰ ਦਾ GSTIN
*ਡੀਲਰ ਦਾ ਪਤਾ 
*ਬਿੱਲ ਨੰਬਰ
*ਬਿੱਲ ਦੀ ਰਕਮ
-ਬਿੱਲ ਨੂੰ ਮਹੀਨੇ ਦੀ ਆਖਰੀ ਮਿਤੀ ਤੋਂ ਪਹਿਲਾਂ ਅਪਲੋਡ ਕਰਨਾ ਜ਼ਰੂਰੀ ਹੈ ਜਿਸ ਮਹੀਨੇ ਵਿੱਚ ਖਰੀਦ ਕੀਤੀ ਗਈ ਹੈ।

ਸਕੀਮ ਤਹਿਤ ਇਨਾਮ
-ਵੱਧ ਤੋਂ ਵੱਧ 10 ਇਨਾਮ ਪ੍ਰਤੀ ਟੈਕਸੇਸ਼ਨ ਜ਼ਿਲ੍ਹਾ, ਭਾਵ ਪੂਰੇ ਸੂਬੇ ਲਈ ਕੁੱਲ 290 ਇਨਾਮ ਐਲਾਨੇ ਜਾਣਗੇ।
-ਇਨਾਮ ਦੀ ਰਕਮ ਬਿੱਲ ਵਿੱਚ ਖਰੀਦੀਆਂ ਗਈਆਂ ਵਸਤੂਆਂ/ਸੇਵਾਵਾਂ ਦੇ ਮੁੱਲ ਦਾ ਪੰਜ ਗੁਣਾ ਹੋਵੇਗੀ, ਜਿਸ ਦੀ ਅਧਿਕਤਮ ਕੈਪਿੰਗ 10000 ਰੁਪਏ ਹੋਵੇਗੀ।
-ਇੱਕ ਵਿਅਕਤੀ ਇੱਕ ਮਹੀਨੇ ਦੇ ਦੌਰਾਨ ਸਿਰਫ਼ ਇੱਕ ਇਨਾਮ ਲਈ ਯੋਗ ਹੋਵੇਗਾ।

ਇਨਾਮਾਂ ਦਾ ਡਰਾਅ
-ਮਹੀਨੇ ਦੀ 7 ਤਰੀਕ ਨੂੰ ਮਹੀਨਾਵਾਰ ਆਧਾਰ 'ਤੇ ਕੰਪਿਊਟਰਾਈਜ਼ਡ ਡਰਾਅ ਕੱਢਿਆ ਜਾਵੇਗਾ, ਜੇਕਰ 7 ਤਰੀਕ ਨੂੰ ਛੁੱਟੀ ਹੁੰਦੀ ਹੈ, ਤਾਂ ਅਗਲੇ ਕੰਮ ਵਾਲੇ ਦਿਨ ਡਰਾਅ ਐਲਾਨਿਆ ਜਾਵੇਗਾ।
-ਮਹੀਨੇ ਦੇ ਪਹਿਲੇ ਦਿਨ ਤੋਂ ਮਹੀਨੇ ਦੇ ਆਖਰੀ ਦਿਨ ਤੱਕ ਅੱਪਲੋਡ ਕੀਤੇ ਸਾਰੇ ਬਿੱਲ ਡਰਾਅ ਵਿੱਚ ਸ਼ਾਮਲ ਕੀਤੇ ਜਾਣਗੇ।
-ਹਰੇਕ ਬਿੱਲ ਨੂੰ ਇੱਕ ਖਾਸ ਸੀਰੀਅਲ ਨੰਬਰ/ਯੂਨੀਕ ਨੰਬਰ ਅਲਾਟ ਕੀਤਾ ਜਾਵੇਗਾ ਜੋ ਡਰਾਅ ਲਈ ਯੋਗ ਹੈ।
-ਇਨਾਮਾਂ ਦੇ ਡਰਾਅ ਲਈ, ਵਿਭਾਗ ਦੁਆਰਾ ਇਸ ਉਦੇਸ਼ ਲਈ ਇੱਕ ਸਾਫਟਵੇਅਰ ਤਿਆਰ ਕੀਤਾ ਗਿਆ ਹੈ।

ਡਰਾਅ ਲਈ ਪ੍ਰਕਿਰਿਆ ਅਤੇ ਜੇਤੂਆਂ ਨੂੰ ਭੁਗਤਾਨ
-ਡਰਾਅ ਕਮੇਟੀ ਦੀ ਮੌਜੂਦਗੀ ਵਿੱਚ ਇਲੈਕਟ੍ਰਾਨਿਕ ਤਰੀਕੇ ਨਾਲ ਐਲਾਨੇ ਜਾਣਗੇ।
-ਡਰਾਅ ਤੋਂ ਬਾਅਦ ਸਫਲ ਭਾਗੀਦਾਰਾਂ ਦੀ ਸੂਚੀ ਟੈਕਸ ਵਿਭਾਗ ਦੀ ਵੈੱਬਸਾਈਟ 'ਤੇ ਅਪਲੋਡ ਕੀਤੀ ਜਾਵੇਗੀ।
-ਜੇਤੂਆਂ ਨੂੰ ਇਨਾਮ ਦਾ ਦਾਅਵਾ ਕਰਨ ਲਈ ਆਪਣਾ ਬੈਂਕ ਅਕਾਉਂਟ ਨੰਬਰ ਅਤੇ IFSC ਕੋਡ ''ਮੇਰਾ ਬਿੱਲਾ'' ਮੋਬਾਈਲ ਐਪ ਰਾਹੀਂ ਅਪਲੋਡ ਕਰਨ ਦੀ ਲੋੜ ਹੋਵੇਗੀ।
-ਜੇਤੂਆਂ ਨੂੰ ਭੁਗਤਾਨ ਸਿੱਧੇ ਜੇਤੂ ਦੇ ਬੈਂਕ ਖਾਤੇ ਵਿੱਚ ਕੀਤਾ ਜਾਵੇਗਾ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e