ਭਰੇ ਬਜ਼ਾਰ ''ਚ ਥਾਣੇਦਾਰ ਨੇ ਭਰਾ ਨੂੰ ਮਾਰੀ ਸੀ ਗੋਲੀ, ਹੁਣ ਵੀਡੀਓ ਹੋਈ ਵਾਇਰਲ (ਤਸਵੀਰਾਂ)

ਲੁਧਿਆਣਾ (ਜ.ਬ.) : ਦਿਨ-ਦਿਹਾੜੇ ਭਰੇ ਬਜ਼ਾਰ ਵਿਚ ਇਕ ਵਰਦੀਧਾਰੀ ਥਾਣੇਦਾਰ ਸਾਹਮਣੇ ਤੋਂ ਦੂਜੇ ਥਾਣੇਦਾਰ ’ਤੇ ਗੋਲੀ ਚਲਾਉਂਦਾ ਹੈ। ਇਹ ਫਿਲਮ ਦਾ ਦ੍ਰਿਸ਼ ਨਹੀਂ, ਸਗੋਂ ਵਾਇਰਲ ਹੋ ਰਹੀ ਵੀਡੀਓ ਦਾ ਕਲਿੱਪ ਹੈ, ਜਿਸ ਵਿਚ ਥਾਣੇਦਾਰ ਆਪਣੀ ਹੱਥ ਵਿਚ ਫੜ੍ਹੀ ਰਿਵਾਲਵਰ ’ਚੋਂ ਗੋਲੀ ਚਲਾਉਂਦਾ ਹੈ।

ਇਹ ਵੀ ਪੜ੍ਹੋ : ਪਟਿਆਲਾ ਵਾਸੀਆਂ ਲਈ ਜ਼ਰੂਰੀ ਖਬ਼ਰ, ਅੱਜ ਇਨ੍ਹਾਂ ਥਾਵਾਂ 'ਤੇ ਲਾਈ ਜਾਵੇਗੀ 'ਕੋਰੋਨਾ ਵੈਕਸੀਨ'

48 ਸੈਕਿੰਡ ਦੇ ਇਸ ਵੀਡੀਓ ਕਲਿੱਪ ਵਿਚ ਇਕ ਪੰਜਾਬੀ ਸੂਟ ਪਾਏ ਹੋਏ ਬੀਬੀ ਬਚਾਅ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ ਪਰ ਫਾਇਰ ਕਰਨ ਵਾਲਾ ਥਾਣੇਦਾਰ ਗੋਲੀ ਚਲਾ ਕੇ ਸਫੈਦ ਰੰਗ ਦੀ ਜਿਪਸੀ ਵਿਚ ਸਵਾਰ ਹੋ ਕੇ ਭੱਜ ਜਾਂਦਾ ਹੈ। ਭਾਵੇਂ ਇਸ ਵੀਡੀਓ ਵਿਚ ਸ਼ਾਮਲ ਥਾਣੇਦਾਰ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਉਸ ਦੇ ਖ਼ਿਲਾਫ਼ ਇਰਾਦਾ ਕਤਲ ਦੇ ਦੋਸ਼ ਵਿਚ ਹੈਬੋਵਾਲ ਥਾਣੇ ਵਿਚ ਕੇਸ ਦਰਜ ਹੋਇਆ ਹੈ, ਜਦੋਂ ਕਿ ਸਥਾਨਕ ਅਦਾਲਤ ਤੋਂ ਉਸ ਦੀ ਜ਼ਮਾਨਤ ਪਟੀਸ਼ਨ ਵੀ ਰੱਦ ਹੋ ਚੁੱਕੀ ਹੈ।

ਇਹ ਵੀ ਪੜ੍ਹੋ : ਲੁਧਿਆਣਾ 'ਚ 'ਬਲੈਕ ਫੰਗਸ' ਨੇ ਮਚਾਈ ਤੜਥੱਲੀ, ਹੁਣ ਤੱਕ 5 ਲੋਕਾਂ ਦੀ ਮੌਤ

ਘਟਨਾ ਦੇ 26 ਦਿਨ ਬਾਅਦ ਇਹ ਵੀਡੀਓ ਵਾਇਰਲ ਹੋਈ। ਇਕ ਪੁਲਸ ਅਧਿਕਾਰੀ ਨੇ ਪੁਸ਼ਟੀ ਕਰਦਿਆਂ ਕਿਹਾ ਕਿ ਗੋਲੀ ਚਲਾਉਣ ਵਾਲਾ ਥਾਣੇਦਾਰ ਜਨਕਰਾਜ ਹੈ, ਜੋ ਕਿ ਉਸ ਸਮੇਂ ਪੀ. ਏ. ਯੂ. ਥਾਣੇ ਵਿਚ ਤਾਇਨਾਤ ਸੀ, ਜਿਸ ਨੂੰ ਗੋਲੀ ਲੱਗੀ, ਉਹ ਉਸਦਾ ਵੱਡਾ ਭਰਾ ਏ. ਐੱਸ. ਆਈ. ਵਿਜੇ ਕੁਮਾਰ ਸੀ, ਜੋ ਕਿ ਨਗਰ ਨਿਗਮ ਦੇ ਪੁਲਸ ਵਿੰਗ ’ਚ ਤਾਇਨਾਤ ਹੈ। ਫਿਲਹਾਲ ਮੁਲਜ਼ਮ ਪੁਲਸ ਦੀ ਪਹੁੰਚ ਤੋਂ ਦੂਰ ਹੈ।
ਨੋਟ : ਇਸ ਖ਼ਬਰ ਸਬੰਧੀ ਕੁਮੈਂਟ ਬਾਕਸ 'ਚ ਦਿਓ ਆਪਣੀ ਰਾਏ