CCTV ''ਚ ਕੈਦ ਹੋਈ ਇਕ ਦਿਨ ਦਾ ਬੱਚਾ ਸੁੱਟਣ ਵਾਲੀ ਔਰਤ, ਪਛਾਣ ਦੱਸਣ ਵਾਲੇ ਨੂੰ ਮਿਲੇਗਾ ਇਨਾਮ
09/16/2017 8:16:19 AM
ਅੰਬਾਲਾ — ਅੰਬਾਲਾ 'ਚ ਕੱਲ੍ਹ ਸਵੇਰੇ ਇਕ ਦਿਨ ਦਾ ਬੱਚਾ ਲਵਾਰਸ ਹਾਲਤ ਅੰਬਾਲਾ ਕੋਰਟ ਦੇ ਕੋਲ ਮਿਲਿਆ। ਇਸ ਬੱਚੇ ਨੂੰ ਇਥੇ ਕਿੰਨੇ ਛੱਡਿਆ, ਪੁਲਸ ਉਸਦੀ ਭਾਲ ਕਰ ਰਹੀ ਹੈ। ਇਸ ਘਟਨਾ ਨੂੰ ਅੰਬਾਲਾ ਕੋਰਟ ਦੇ ਇਕ ਕੈਮਰੇ ਨੇ ਕੈਦ ਕਰ ਲਿਆ, ਜਿਸ 'ਚ ਬੱਚਾ ਰੱਖਣ ਵਾਲੀ ਔਰਤ ਦੀ ਫੋਟੋ ਸਾਹਮਣੇ ਆਈ ਹੈ ਪਰ ਉਸ ਔਰਤ ਦੀ ਪਛਾਣ ਕਰਨਾ ਮੁਸ਼ਕਲ ਹੋ ਰਿਹਾ ਹੈ। ਇਸ ਕਾਰਨ ਪੁਲਸ ਹੁਣ ਇਸ ਕੇਸ ਦੀ ਗੁੱਥੀ ਸੁਲਝਾਉਣ ਦੇ ਲਈ ਸੋਸ਼ਲ ਮੀਡੀਆ ਦਾ ਸਹਾਰਾ ਲੈ ਰਹੀ ਹੈ।
ਸੀਸੀਟੀਵੀ ਫੁਟੇਜ 'ਚ ਸਾਫ ਦੇਖਿਆ ਜਾ ਸਕਦਾ ਹੈ ਕਿ ਇਕ ਔਰਤ ਬੱਚੇ ਨੂੰ ਇਥੇ ਛੱਡ ਕੇ ਜਾ ਰਹੀ ਹੈ। ਮਹਿਲਾ ਦੇ ਨਾਲ ਇਕ ਛੋਟੀ ਬੱਚੀ ਵੀ ਹੈ ਜਿਸ ਦੇ ਹੱਥੋਂ ਬੱਚੇ ਨੂੰ ਕੋਰਟ ਕੰਪਲੈਕਸ 'ਚ ਛੱਡਿਆ ਗਿਆ ਹੈ। ਔਰਤ ਬੱਚੀ ਨੂੰ ਬੱਚਾ ਦਿੰਦੀ ਹੈ ਅਤੇ ਉਸਨੂੰ ਵਕੀਲ ਦੇ ਚੈਂਬਰ ਦੇ ਕੋਲ ਰੱਖਣ ਲਈ ਕਹਿੰਦੀ ਹੈ।
ਔਰਤ ਬੱਚੀ ਨੂੰ ਇਸ਼ਾਰਾ ਕਰਦੀ ਹੈ ਕਿ ਉਹ ਬੱਚੀ ਨੂੰ ਅੱਗੇ ਰੱਖ ਕੇ ਆਵੇ। ਲੜਕੀ ਬੱਚੇ ਨੂੰ ਛੱਡ ਤੇ ਵਾਪਸ ਆ ਜਾਂਦੀ ਹੈ ਪਰ ਨਾਲ ਹੀ ਬੱਚੇ ਨੂੰ ਦੌਬਾਰਾ ਲੈ ਆਉਂਦੀ ਹੈ। ਇਸ ਤੋਂ ਬਾਅਦ ਦੋਵੇਂ ਬੈਂਚ 'ਤੇ ਬੈਠ ਕੇ ਕੁਝ ਦੇਰ ਸੋਚਦੇ ਹਨ ਅਤੇ ਉਸ ਤੋਂ ਬਾਅਦ ਬੱਚੇ ਨੂੰ ਛੱਡ ਕੇ ਰਫੂਚੱਕਰ ਹੋ ਜਾਂਦੇ ਹਨ। ਔਰਤ ਦੇ ਕੋਲ ਚਾਕੂ ਵਰਗੀ ਕੋਈ ਚੀਜ਼ ਵੀ ਸੀ ਪਰ ਉਸ ਦਾ ਕੀ ਇਰਾਦਾ ਸੀ ਇਹ ਤਾਂ ਫੜੇ ਜਾਣ ਤੋਂ ਬਾਅਦ ਹੀ ਪਤਾ ਲੱਗ ਸਕੇਗਾ।
ਫਿਲਹਾਲ ਬੱਚੇ ਨੂੰ ਡਾਕਟਰਾਂ ਦੀ ਨਿਗਰਾਨੀ 'ਚ ਅੰਬਾਲਾ ਸ਼ਹਿਰ ਸਿਵਲ ਹਸਪਤਾਲ 'ਚ ਰੱਖਿਆ ਗਿਆ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਬੱਚੇ ਦਾ ਭਾਰ ਬਹੁਤ ਘੱਟ ਹੈ ਅਤੇ ਉਸਦਾ ਜਨਮ ਵੀ ਸਮੇਂ ਤੋਂ ਪਹਿਲਾਂ ਹੋਇਆ ਹੈ। ਜ਼ਿਲਾ ਬਾਰ ਐਸੋਸਿਏਸ਼ਨ ਨੇ ਕੈਮਰੇ ਦੀ ਫੁੱਟਏਜ ਪੁਲਸ ਦੇ ਹਵਾਲੇ ਕਰ ਦਿੱਤੀ ਹੈ।
ਪੁਲਸ ਕੋਲ ਔਰਤ ਦੀ ਪਛਾਣ ਸਬੰਧੀ ਕੋਈ ਜਾਣਕਾਰੀ ਨਹੀਂ ਹੈ, ਜਿਸ ਨੂੰ ਦੇਖਦੇ ਹੋਏ ਪੁਲਸ ਨੇ ਸੋਸ਼ਲ ਮੀਡੀਆ ਦਾ ਸਹਾਰਾ ਲੈਣ ਬਾਰੇ ਸੋਚਿਆ ਹੈ। ਪੁਲਸ ਔਰਤ ਦੇ ਇਸ਼ਤਿਹਾਰ ਤਿਆਰ ਕਰਵਾ ਕੇ ਵੰਡੇਗੀ ਤਾਂ ਜੋ ਦੋਸ਼ੀ ਔਰਤ ਫੜੀ ਜਾ ਸਕੇਗੀ। ਪੁਲਸ ਦਾ ਕਹਿਣਾ ਹੈ ਕਿ ਪਛਾਣ ਦੱਸਣ ਵਾਲੇ ਨੂੰ ਇਨਾਮ ਦਿੱਤਾ ਜਾਵੇਗਾ ਜਿਸ ਦੀ ਜਲਦੀ ਹੀ ਘੋਸ਼ਣਾ ਕੀਤੀ ਜਾਵੇਗੀ।
