ਬੈਂਕਾਂ ''ਚ ਫਰਜ਼ੀਵਾੜਾ ਰੋਕਣ ਲਈ ਨੇ ਬਣਾਈ ਕਮੇਟੀ
02/21/2018 4:16:06 PM
ਨਵੀਂ ਦਿੱਲੀ—ਰਿਜ਼ਰਵ ਬੈਂਕ ਨੇ ਪੀ.ਐੱਨ.ਬੀ. ਦੇ ਦ੍ਰਿਸ਼ਟੀਕੋਣ 'ਚ ਬੈਂਕਾਂ 'ਚ ਵਧ ਰਹੇ ਫਰਜ਼ੀਵਾੜੇ ਦੇ ਕਾਰਨਾਂ ਦੀ ਜਾਂਚ ਅਤੇ ਉਨ੍ਹਾਂ ਦੀ ਰੋਕਥਾਮ ਦੇ ਉਪਾਅ ਸੁਝਾਉਣ ਲਈ ਇਕ 5 ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ ਹੈ।
ਕੇਂਦਰੀ ਬੈਂਕ ਨੇ ਦੱਸਿਆ ਕਿ ਕਮੇਟੀ ਦਾ ਕੰਮ ਇਸ ਗੱਲ ਦੀ ਜਾਂਚ ਕਰਦਾ ਹੋਵੇਗਾ ਕਿ ਬੈਂਕਾਂ ਵਲੋਂ ਪਰਿਸੰਪਤੀਆਂ ਦੇ ਵਰਗੀਕਰਨ ਅਤੇ ਪ੍ਰਬੰਧ 'ਚ ਆਰ.ਬੀ.ਆਈ. ਦੇ ਮੁਲਾਂਕਣ ਦੀ ਤੁਲਨਾ 'ਚ ਭਾਰੀ ਅੰਤਰ ਕਿਉਂ ਹੁੰਦਾ ਹੈ ਅਤੇ ਇਸ ਨੂੰ ਖਤਮ ਕਰਨ ਲਈ ਕਿਨ੍ਹਾਂ ਉਪਾਵਾਂ ਦੀ ਲੋੜ ਹੈ। ਉਹ ਇਸ ਗੱਲ ਦੀ ਵੀ ਜਾਂਚ ਕਰੇਗੀ ਕਿ ਬੈਂਕਾਂ 'ਚ ਫਰਜ਼ੀਵਾੜੇ ਦੇ ਮਾਮਲੇ ਕਿਉਂ ਵਧ ਰਹੇ ਹਨ ਅਤੇ ਆਈ.ਟੀ ਵਰਤੋਂ ਸਮੇਤ ਇਸ ਲਈ ਹੋਰ ਕੀ ਉਪਾਅ ਕੀਤੇ ਜਾ ਸਕਦੇ ਹਨ। ਉਹ ਬੈਂਕਾਂ 'ਚ ਹੋਣ ਵਾਲੇ ਵੱਖ-ਵੱਖ ਆਡਿਟਾਂ ਦੀ ਭੂਮਿਕਾ ਅਤੇ ਉਸ ਦੇ ਪ੍ਰਭਾਵਾਂ ਦੀ ਵੀ ਜਾਂਚ ਕਰੇਗੀ।
ਆਰ.ਬੀ.ਆਈ. ਦੇ ਕੇਂਦਰੀ ਨਿਰਦੇਸ਼ਕ ਮੰਡਲ ਦੇ ਸਾਬਕਾ ਵਾਈ.ਐੱਚ ਮਾਲੇਗਾਮ ਨੂੰ ਕਮੇਟੀ ਦਾ ਪ੍ਰਧਾਨ ਬਣਾਇਆ ਗਿਆ ਹੈ। ਨਿਰਦੇਸ਼ਕ ਮੰਡਲ ਦੇ ਮੌਜੂਦਾ ਮੈਂਬਰ ਭਰਤ ਦੋਸੀ, ਕੇਨਰਾ ਬੈਂਕ ਦੇ ਸਾਬਕਾ ਪ੍ਰਧਾਨ ਅਤੇ ਪ੍ਰਬੰਧ ਨਿਰਦੇਸ਼ਕ ਅਤੇ ਸੇਬੀ ਦੇ ਸਾਬਕਾ ਪੂਰਨਕਾਲਿਕ ਮੈਂਬਰ ਐੱਸ.ਰਮਨ ਅਤੇ ਰਿਜ਼ਰਵ ਬੈਂਕ ਇੰਫਾਰਮੈਸ਼ਨ ਤਕਨਾਲੋਜ਼ੀ ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਨੰਦ ਕੁਮਾਰ ਸਰਵਦੇ ਨੂੰ ਕਮੇਟੀ ਦਾ ਮੈਂਬਰ ਬਣਾਇਆ ਗਿਆ। ਆਰ.ਬੀ.ਆਈ. ਦੇ ਕਾਰਜਕਾਰੀ ਨਿਰਦੇਸ਼ਕ ਏ.ਕੇ ਮਿਸ਼ਰਾ ਕਮੇਟੀ ਦੇ ਮੈਂਬਰ ਸਕੱਤਰ ਹੋਣਗੇ।
