ਜੰਮੂ ਕਸ਼ਮੀਰ ''ਚ ਜੰਗ ਲੱਗੇ ਗੋਲੇ ਤੇ ਪਿਸਤੌਲ ਦੀਆਂ ਗੋਲੀਆਂ ਬਰਾਮਦ

ਰਾਜੌਰੀ (ਭਾਸ਼ਾ)- ਜੰਮੂ ਕਸ਼ਮੀਰ ਦੇ ਰਾਜੌਰੀ ਜ਼ਿਲ੍ਹੇ 'ਚ ਸ਼ਨੀਵਾਰ ਨੂੰ ਜੰਗ ਲੱਗੇ 2 ਗੋਲੇ ਅਤੇ ਪਿਸਤੌਲ ਦੀਆਂ ਅੱਧਾ ਦਰਜਨ ਤੋਂ ਵੱਧ ਗੋਲੀਆਂ ਬਰਾਮਦ ਕੀਤੀਆਂ ਗਈਆਂ। ਅਧਿਕਾਰੀਆਂ ਨੇ ਇਹ ਜਾਣਕਾਰੀ ਦਿੱਤੀ। ਅਧਿਕਾਰੀਆਂ ਅਨੁਸਾਰ ਇਹ ਗੋਲਾ-ਬਾਰੂਦ ਦਰਹਾਲ ਖੇਤਰ ਦੇ ਚੌਕੀਆਂ ਪਿੰਡ 'ਚ ਇਕ ਨਾਲੇ ਦੇ ਕਿਨਾਰੇ ਝਾੜੀਆਂ ਤੋਂ ਬਰਾਮਦ ਕੀਤਾ ਗਿਆ ਅਤੇ ਬਾਅਦ 'ਚ ਬੰਬ ਨਕਾਰਾ ਦਸਤੇ ਵਲੋਂ ਇਸ ਹਟਾ ਦਿੱਤਾ ਗਿਆ। ਉਨ੍ਹਾਂ ਕਿਹਾ ਕਿ ਸ਼ੁਰੂਆਤੀ ਜਾਂਚ ਤੋਂ ਪਤਾ ਲੱਗਦਾ ਹੈ ਕਿ ਇਹ ਗੋਲੇ ਅਤੇ ਗੋਲੀਆਂ ਲੰਬੇ ਸਮੇਂ ਤੋਂ ਨਦੀ 'ਚ ਪਈਆਂ ਸਨ।

ਅਧਿਕਾਰੀਆਂ ਨੇ ਦੱਸਿਆ ਕਿ ਇਕ ਹੋਰ ਘਟਨਾ 'ਚ ਪੁਲਸ ਨੇ ਸ਼ਨੀਵਾਰ ਸਵੇਰੇ ਜੰਮੂ ਦੇ ਬਾਹਰੀ ਇਲਾਕੇ 'ਚ ਅੰਤਰਰਾਸ਼ਟਰੀ ਸਰਹੱਦ ਕੋਲ ਗੁਬਾਰਿਆਂ ਨਾਲ ਇਕ ਪਾਕਿਸਤਾਨੀ ਝੰਡਾ ਜ਼ਬਤ ਕੀਤਾ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਝੰਡਾ ਜੰਮੂ ਦੇ ਅਰਨੀਆ ਸੈਕਟਰ ਦੇ ਕੂਲ ਕਲਾਂ ਪਿੰਡ 'ਚ ਇਕ ਪਿੰਡ ਵਾਸੀ ਨੂੰ ਉਸ ਦੇ ਖੇਤ 'ਚ ਮਿਲਿਆ। ਉਨ੍ਹਾਂ ਦੱਸਿਆ ਕਿ ਅਜਿਹਾ ਸ਼ੱਕ ਹੈ ਕਿ ਗੁਬਾਰਿਆਂ ਨਾਲ ਬੱਝਿਆ ਝੰਡਾ ਸਰਹੱਦ ਪਾਰ ਤੋਂ ਉੱਡ ਕੇ ਆਇਆ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e