''ਖਾਣਾ ਬਣਾ ਦਿੱਤਾ ਹੈ ਗੌਰਵ ਖਾ ਲੈਣਾ...'', ਘਰ ਪਰਤਿਆ ਪਤੀ ਤਾਂ ਇਸ ਹਾਲ ''ਚ ਮਿਲੀ ਪਤਨੀ ਦੀ ਲਾਸ਼

ਵੈੱਬ ਡੈਸਕ : ਗਾਜ਼ੀਆਬਾਦ ਦੇ ਵਸੁੰਧਰਾ ਵਿੱਚ 29 ਸਾਲਾ ਅਧਿਆਪਕਾ ਅਨਵਿਤਾ ਸ਼ਰਮਾ ਦੀ ਖੁਦਕੁਸ਼ੀ ਦਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੇ ਦਾਜ ਲਈ ਪਰੇਸ਼ਾਨੀ ਅਤੇ ਵਿਆਹੁਤਾ ਸ਼ੋਸ਼ਣ 'ਤੇ ਗੰਭੀਰ ਸਵਾਲ ਖੜ੍ਹੇ ਕੀਤੇ ਹਨ। ਅਨਵਿਤਾ ਨੇ 16 ਮਾਰਚ ਨੂੰ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ। ਉਸਦੇ ਪਿਤਾ ਵੱਲੋਂ ਮਿਲੇ ਸੁਸਾਈਡ ਨੋਟ ਵਿੱਚ ਇਸ ਦੁਖਦਾਈ ਘਟਨਾ ਦੇ ਪਿੱਛੇ ਦਾ ਕਾਰਨ ਵੀ ਦੱਸਿਆ ਗਿਆ ਹੈ। ਸੁਸਾਈਡ ਨੋਟ 'ਚ ਅਨਵਿਤਾ ਨੇ ਆਪਣੇ ਪਤੀ ਗੌਰਵ ਕੌਸ਼ਿਕ ਬਾਰੇ ਲਿਖਿਆ ਕਿ ਇਸ ਆਦਮੀ ਨੇ ਮੇਰੀ ਨੌਕਰੀ ਨਾਲ ਵਿਆਹ ਕੀਤਾ, ਮੇਰੇ ਨਾਲ ਨਹੀਂ।" ਗੌਰਵ ਕੌਸ਼ਿਕ ਇੱਕ ਨਿੱਜੀ ਹਸਪਤਾਲ ਵਿੱਚ ਡਾਕਟਰ ਹੈ। ਪੁਲਸ ਨੇ ਗੌਰਵ ਅਤੇ ਉਸਦੇ ਪਿਤਾ ਸੁਰੇਂਦਰ ਸ਼ਰਮਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ, ਜਦੋਂ ਕਿ ਸੱਸ ਮੰਜੂ ਸ਼ਰਮਾ ਦੀ ਭਾਲ ਜਾਰੀ ਹੈ।

ਨਵੀਂ-ਵਿਆਹੀ ਲਾੜੀ ਨੇ ਕਰ'ਤਾ ਵੱਡਾ ਕਾਂਡ! ਤੜਫਦੇ ਪਤੀ ਨੂੰ ਹਸਪਤਾਲ ਲੈ ਕੇ ਪੁੱਜਾ ਪਰਿਵਾਰ...

ਸੁਸਾਈਡ ਨੋਟ ਤੋਂ ਵੱਡਾ ਖੁਲਾਸਾ
ਅਨਵਿਤਾ ਸ਼ਰਮਾ ਨੇ ਆਪਣੇ ਪਿਤਾ ਨੂੰ ਭੇਜੇ ਸੁਨੇਹੇ ਵਿੱਚ ਆਪਣੀ ਜ਼ਿੰਦਗੀ ਦੇ ਸੰਘਰਸ਼ਾਂ ਬਾਰੇ ਦੱਸਿਆ। ਮੈਂ ਆਪਣੇ ਪਤੀ ਲਈ ਸਭ ਕੁਝ ਕੀਤਾ, ਪਰ ਹਮੇਸ਼ਾ ਮੇਰੇ ਵਿਚ ਹੀ ਕਮੀ ਕੱਢੀ ਗਈ। ਹਰ ਲੜਾਈ ਵਿੱਚ ਦੋਸ਼ ਮੇਰੇ ਸਿਰ ਮੜ੍ਹ ਦਿੱਤਾ ਜਾਂਦਾ ਸੀ, ਸਾਰਾ ਪਰਿਵਾਰ ਮੈਨੂੰ ਤਾਅਨੇ ਮਾਰਦਾ ਸੀ। ਇਸ ਤੋਂ ਬਾਅਦ ਮ੍ਰਿਤਕਾ ਨੇ ਲਿਖਿਆ ਕਿ ਖਾਣਾ ਬਣਾ ਦਿੱਤਾ ਹੈ ਗੌਰਵ ਕੌਸ਼ਿਕ ਖਾ ਲੈਣਾ। ਇਸ ਆਦਮੀ ਨੇ ਮੇਰੇ ਨਾਲ ਨਹੀਂ, ਮੇਰੀ ਨੌਕਰੀ ਨਾਲ ਵਿਆਹ ਕੀਤਾ। ਮੰਮੀ ਅਤੇ ਡੈਡੀ, ਕਿਰਪਾ ਕਰਕੇ ਮੇਰੇ ਬੱਚੇ ਦਾ ਧਿਆਨ ਰੱਖਣਾ, ਸਾਰੇ ਦੋਸਤ ਅਤੇ ਜਾਣੂ ਮਾਫ਼ ਕਰਨਾ।

ਪਤੀ ਤੇ ਸਹੁਰਾ ਗ੍ਰਿਫ਼ਤਾਰ, ਸੱਸ ਫਰਾਰ
ਪੁਲਸ ਨੇ ਅਦਾਲਤ ਦੇ ਹੁਕਮਾਂ 'ਤੇ ਪਤੀ ਗੌਰਵ ਕੌਸ਼ਿਕ ਅਤੇ ਸਹੁਰਾ ਸੁਰੇਂਦਰ ਸ਼ਰਮਾ ਨੂੰ ਗ੍ਰਿਫ਼ਤਾਰ ਕਰ ਕੇ ਜੇਲ੍ਹ ਭੇਜ ਦਿੱਤਾ ਹੈ। ਸੱਸ ਮੰਜੂ ਸ਼ਰਮਾ ਫਰਾਰ ਹੈ ਅਤੇ ਉਸਦੀ ਭਾਲ ਜਾਰੀ ਹੈ। ਅਨਵਿਤਾ ਦੇ ਪਿਤਾ ਅਨਿਲ ਸ਼ਰਮਾ ਨੇ ਪੁਲਸ ਨੂੰ ਆਪਣੀ ਸ਼ਿਕਾਇਤ ਵਿੱਚ ਦੱਸਿਆ: ਵਿਆਹ ਵਿੱਚ 26 ਲੱਖ ਰੁਪਏ ਖਰਚ ਕੀਤੇ ਗਏ ਸਨ ਅਤੇ ਦਾਜ ਵਜੋਂ ਇੱਕ ਕਾਰ ਵੀ ਦਿੱਤੀ ਗਈ ਸੀ। ਇਸ ਦੇ ਬਾਵਜੂਦ, ਸਹੁਰੇ ਵਾਲੇ ਹੋਰ ਦਾਜ ਦੀ ਮੰਗ ਕਰ ਰਹੇ ਸਨ। ਇੱਥੋਂ ਤੱਕ ਕਿ ਅਨਵਿਤਾ ਦੀ ਚੈੱਕ ਬੁੱਕ ਅਤੇ ਡੈਬਿਟ ਕਾਰਡ ਵੀ ਉਸਦੇ ਪਤੀ ਅਤੇ ਸਹੁਰਿਆਂ ਨੇ ਰੱਖ ਲਿਆ। ਪੁਲਸ ਨੇ ਦਾਜ ਲਈ ਮੌਤ (304B) ਤੇ ਖੁਦਕੁਸ਼ੀ ਲਈ ਉਕਸਾਉਣ (306) ਦੀਆਂ ਧਾਰਾਵਾਂ ਤਹਿਤ ਮਾਮਲਾ ਦਰਜ ਕੀਤਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8