ਨਿਕੋਬਾਰ ਦੇ ਸ਼ੋਂਪੇਨ ਜਨਜਾਤੀ ਸਮੂਹ ਨੇ ਪਹਿਲੀ ਵਾਰ ਪਾਈ ਵੋਟ, ਮਹਿੰਦਰਾ ਨੇ ਸਾਂਝੀ ਕੀਤੀ ਤਸਵੀਰ

ਨਵੀਂ ਦਿੱਲੀ - ਮਹਿੰਦਰਾ ਐਂਡ ਮਹਿੰਦਰਾ ਦੇ ਚੇਅਰਮੈਨ ਆਨੰਦ ਮਹਿੰਦਰਾ ਨੇ ਐਕਸ ਹੈਂਡਲ ’ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਹੈ, ਜੋ ਲੋਕਤੰਤਰ ਦੇ ਤਿਉਹਾਰ ਦੀ ਖੂਬਸੂਰਤੀ ਨੂੰ ਬਿਆਨ ਕਰ ਰਹੀ ਹੈ। ਪੋਸਟ ਸਾਂਝੀ ਕਰਦਿਆਂ ਮਹਿੰਦਰਾ ਨੇ ਕਿਹਾ ਕਿ ਮਹਾਨ ਨਿਕੋਬਾਰ ਦੇ ਜਨਜਾਤੀ ਸਮੂਹਾਂ ’ਚੋਂ ਇਕ ਸ਼ੋਂਪੇਨ ਜਨਜਾਤੀ ਦੇ ਮੈਂਬਰਾਂ ਨੇ ਪਹਿਲੀ ਵਾਰ ਵੋਟ ਪਾਈ ਹੈ। ਆਨੰਦ ਮਹਿੰਦਰਾ ਦੀ ਇਸ ਪੋਸਟ ’ਚ ਸ਼ੋਂਪੇਨ ਜਨਜਾਤੀ ਦਾ ਇਕ ਮੈਂਬਰ ਆਪਣਾ ਵੋਟਰ ਆਈ. ਡੀ. ਕਾਰਡ ਫੜ ਕੇ ਅਤੇ ਆਪਣੀ ਸਿਆਹੀ ਵਾਲੀ ਉਂਗਲ ਦਿਖਾਉਂਦੇ ਹੋਏ ਇਕ ਫੋਟੋ ਖਿਚਵਾ ਰਿਹਾ ਹੈ।

This, for me, is the best picture of the 2024 elections.

One of seven of the Shompen tribe in Great Nicobar, who voted for the first time.

Democracy: it’s an irresistible, unstoppable force. pic.twitter.com/xzivKCKZ6h

— anand mahindra (@anandmahindra) May 20, 2024

ਇਸ ਤਸਵੀਰ ਨੂੰ ਸ਼ੇਅਰ ਕਰਦਿਆਂ ਆਨੰਦ ਮਹਿੰਦਰਾ ਨੇ ਲੋਕਤੰਤਰ ਨੂੰ ਇਕ ਸ਼ਕਤੀਸ਼ਾਲੀ ਦੱਸਿਆ ਹੈ। ਉਨ੍ਹਾਂ ਨੇ ਕੈਪਸ਼ਨ ’ਚ ਲਿਖਿਆ, ‘ਮੇਰੇ ਲਈ ਇਹ 2024 ਦੀਆਂ ਚੋਣਾਂ ਦੀ ਸਭ ਤੋਂ ਵਧੀਆ ਤਸਵੀਰ ਹੈ। ਗ੍ਰੇਟ ਨਿਕੋਬਾਰ ’ਚ ਸ਼ੋਂਪੇਨ ਜਨਜਾਤੀ ਦੇ ਸੱਤ ਲੋਕਾਂ ’ਚੋਂ ਇਕ ਜਿਸ ਨੇ ਪਹਿਲੀ ਵਾਰ ਵੋਟ ਪਾਈ। ਮਹਿੰਦਰਾ ਦੀ ਪੋਸਟ ’ਤੇ ਕਈ ਲੋਕਾਂ ਨੇ ਕੁਮੈਂਟ ਵੀ ਕੀਤੇ ਹਨ।