ਸਕੂਲੀ ਸਿੱਖਿਆ ''ਚ ''ਸੈਕਸ ਐਜੁਕੇਸ਼ਨ'', ਬੀਜੇਪੀ ''ਤੇ ਵਰ੍ਹੀ ਸ਼ਿਵ ਸੇਨਾ

ਮੁੰਬਈ— ਭਾਰਤ 'ਚ ਸਕੂਲੀ ਸਿੱਖਿਆ 'ਚ ਸੈਕਸ ਐਜੁਕੇਸ਼ਨ ਸ਼ਾਮਲ ਕਰਨ ਨੂੰ ਲੈ ਕੇ ਲੰਬੇ ਸਮੇਂ ਤੋਂ ਬਹਿਸ ਚੱਲ ਰਹੀ ਹੈ। ਇਸ ਦਿਸ਼ਾ 'ਚ ਇਕ ਕਦਮ ਅੱਗੇ ਵਧ ਕੇ ਮਹਾਰਾਸ਼ਟਰ ਦੇ ਸਰਕਾਰੀ ਸਕੂਲਾਂ 'ਚ ਪੜ੍ਹਣ ਵਾਲੇ ਪਹਿਲੀ ਤੋਂ ਪੰਜਵੀਂ ਦੇ ਬੱਚਿਆਂ ਲਈ ਵਰਜੀਨੀਟੀ ਤੇ ਸੈਕਸ ਦੀ ਜਾਣਕਾਰੀ ਦੇਣ ਵਾਲੀ ਇਕ ਕਿਤਾਬ ਤਿਆਰ ਕੀਤੀ ਗਈ ਹੈ।
ਇਸ ਕਿਤਾਬ ਦੇ ਇਕ ਹਿੱਸੇ 'ਚ ਕਈ ਇਤਰਾਜਯੋਗ ਗੱਲਾਂ ਲਿਖੀਆਂ ਹਨ। 'ਬਾਲ ਨਚਿਕੇਤ' ਨਾਂ ਦੀ ਇਸ ਕਿਤਾਬ ਦਾ ਪ੍ਰਕਾਸ਼ਨ ਭਾਰਤੀ ਵਿਚਾਰ ਸਾਧਨਾ, ਪੁਣੇ ਨੇ ਕੀਤਾ ਹੈ। ਕਾਂਗਰਸ ਨੇਤਾ ਰਾਧਾਕ੍ਰਿਸ਼ਨ ਵਿਖੇ ਪਾਟਿਲ ਦਾ ਦਾਅਵਾ ਹੈ ਕਿ ਇਸ ਕਿਤਾਬ ਨੂੰ ਸਕੂਲਾਂ ਦੀ ਲਾਇਬ੍ਰੇਰੀ 'ਚ ਜਮਾਤ ਪਹਿਲੀ ਤੇ ਪੰਜਵੀਂ ਤਕ ਦੇ ਬੱਚਿਆਂ ਲਈ ਰੱਖਿਆ ਜਾਵੇਗਾ। ਸ਼ਿਵਸੇਨਾ ਦੇ ਮੈਨੀਫੈਸਟੋ 'ਸਾਮਨਾ' ਨੇ ਇਸ 'ਤੇ ਪ੍ਰਤੀਕਿਰਿਆ 'ਚ ਲਿਖਿਆ, ''ਇਹ ਵਿਨੋਦ ਤਾਵੜੇ ਦੀ ਨਵੀਂ ਉਪਲੱਬਧੀ ਹੈ। ਵਿਦਿਆਰਥੀ ਪ੍ਰੇਸ਼ਾਨ ਹਨ, ਅਧਿਆਪਕ ਹੈਰਾਨ ਹਨ ਤੇ ਬੱਚਿਆਂ ਦੇ ਪਰਿਵਾਰ ਵਾਲੇ ਨਾਰਾਜ ਹਨ।'' ਵਿਖੇ ਪਾਟਿਲ ਨੇ ਸਵਾਲ ਚੁੱਕਿਆ ਕਿ ਇਸ ਦਾ ਛੋਟੇ ਬੱਚਿਆਂ ਦੇ ਦਿਮਾਗ 'ਤੇ ਕੀ ਪ੍ਰਭਾਵ ਪਵੇਗਾ? ਉਥੇ ਹੀ ਸਿੱਖਿਆ ਮੰਤਰੀ ਵਿਨੋਦ ਤਾਵੜੇ ਨੇ ਕਿਹਾ ਕਿ ਇਸ ਮੁੱਦੇ 'ਤੇ ਉਹ ਬਾਅਦ 'ਚ ਟਿੱਪਣੀ ਦੇਣਗੇ।ਇਸ ਦੌਰਾਨ ਵਿਖੇ ਪਾਟਿਲ ਨੇ ਸੂਬਾ ਸਰਕਾਰ 'ਤੇ ਕਿਤਾਬਾਂ ਦੀ ਖਰੀਦੀ 'ਚ ਗੜਬੜੀ ਦਾ ਵੀ ਦੋਸ਼ ਲਗਾਇਆ।