ਭੈਣ ਦੇ ਵਿਆਹ ''ਚ ਜਾਣ ਲਈ ਨਹੀਂ ਮਿਲੀ ਛੁੱਟੀ, ਡਾਕਟਰ ਨੇ ਕੀਤੀ ਖੁਦਕੁਸ਼ੀ
06/15/2019 12:55:13 PM
ਰੋਹਤਕ—ਹਰਿਆਣਾ ਦੇ ਰੋਹਤਕ 'ਚ ਪੀ. ਜੀ. ਆਈ. ਦੇ ਇੱਕ ਡਾਕਟਰ ਨੇ ਭੈਣ ਦੇ ਵਿਆਹ 'ਚ ਜਾਣ ਲਈ ਛੁੱਟੀ ਨਾ ਮਿਲਣ ਕਾਰਨ ਖੁਦਕੁਸ਼ੀ ਕਰ ਲਈ ਹੈ। ਮ੍ਰਿਤਕ ਕਰਨਾਟਕ ਦਾ ਰਹਿਣ ਵਾਲਾ ਹੈ। ਡਾਕਟਰ ਦੇ ਖੁਦਕੁਸ਼ੀ ਕਰਨ ਮਗਰੋਂ ਪੀ. ਜੀ. ਆਈ. ਦੀ ਸਥਿਤੀ ਤਣਾਅਪੂਰਨ ਹੋ ਗਈ। ਰੈਜੀਡੈਂਸ ਡਾਕਟਰਾਂ ਨੇ ਪੀ. ਜੀ. ਆਈ. 'ਚ ਕੰਮ ਕਰਨਾ ਬੰਦ ਕਰਕੇ ਹੜਤਾਲ ਕਰ ਦਿੱਤੀ। ਵਿਭਾਗ ਦੀ ਐੱਚ. ਓ. ਡੀ. ਡਾਂ. ਗੀਤਾ ਗਠਵਾਲ 'ਤੇ ਓਂਕਾਰ 'ਤੇ ਦਬਾਅ ਪਾਉਣ ਦੇ ਦੋਸ਼ ਲਗਾਏ।
Rohtak: Doctor from Karnataka pursuing MD at Post Graduate Institute of Medical Sciences commits suicide after being denied leave for his sister's wedding, by HOD. Doctors have gone on strike in protest. #Haryana (14.6.19) pic.twitter.com/LjR9NOo7l5
— ANI (@ANI) June 15, 2019
ਮਿਲੀ ਜਾਣਕਾਰੀ ਮੁਤਾਬਕ ਇਹ ਮਾਮਲਾ ਰੋਹਤਕ ਦੇ ਪੰਡਿਤ ਭਾਗਵਤ ਦਿਆਲ ਸ਼ਰਮਾ ਪੋਸਟ ਗ੍ਰੈਜੂਏਟ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸ (ਪੀ. ਜੀ. ਆਈ. ਐੱਮ. ਐੱਸ.)ਦਾ ਹੈ, ਜਿੱਥੇ 30 ਸਾਲਾਂ ਓਂਕਾਰ ਨਾਂ ਦੇ ਡਾਕਟਰ ਨੇ ਆਪਣੇ ਹੋਸਟਲ 'ਚ ਖੁਦਕੁਸ਼ੀ ਕਰ ਲਈ ਫਿਲਹਾਲ ਪੁਲਸ ਨੂੰ ਓਂਕਾਰ ਕੋਲੋ ਕੋਈ ਸੁਸਾਇਡ ਨੋਟ ਨਹੀਂ ਮਿਲਿਆ ਹੈ। ਮ੍ਰਿਤਕ ਦੇ ਸਾਥੀਆਂ ਨੇ ਦੱਸਿਆ ਹੈ ਕਿ ਓਂਕਾਰ ਦੀ ਭੈਣ ਦਾ ਵਿਆਹ 12 ਜੂਨ ਨੂੰ ਸੀ ਪਰ ਉਸ ਨੂੰ ਵਿਆਹ 'ਚ ਜਾਣ ਲਈ ਛੁੱਟੀ ਨਹੀਂ ਮਿਲੀ। ਵੀਰਵਾਰ ਸ਼ਾਮ ਜਦੋਂ ਲਗਭਗ ਸ਼ਾਮ 9.30 ਵਜੇ ਮ੍ਰਿਤਕ ਓਂਕਾਰ ਆਪਣੇ ਕਮਰੇ 'ਚ ਵਾਪਸ ਆਇਆ ਅਤੇ ਇਸ ਤੋਂ ਬਾਅਦ ਰਾਤ 10 ਵਜੇ ਜਦੋਂ ਉਸ ਦੇ ਇੱਕ ਸਾਥੀ ਨੇ ਗੇਟ ਖੋਲਿਆ ਤਾਂ ਡਾ. ਓਂਕਾਰ ਨੇ ਕਮਰੇ 'ਚ ਫਾਹਾ ਲਿਆ ਹੋਇਆ ਸੀ।
ਦੱਸ ਦੇਈਏ ਕਿ ਰੈਜੀਡੈਂਸ ਡਾਕਟਰਾਂ ਨੇ ਸ਼ੁੱਕਰਵਾਰ ਦੇਰ ਸ਼ਾਮ ਕੈਂਡਲ ਮਾਰਚ ਕੱਢਿਆ ਅਤੇ ਕੈਂਪਸ 'ਚ ਐੱਚ. ਓ. ਡੀ. ਦੇ ਘਰ ਤੋਂ ਬਾਹਰ ਓਂਕਾਰ ਦੀ ਫੋਟੋ ਰੱਖ ਕੇ ਸ਼ਰਧਾਂਜਲੀ ਦਿੱਤੀ। ਇਸ ਤੋਂ ਇਲਾਵਾ ਦੇਸ਼ ਭਰ 'ਚ ਡਾਕਟਰਾਂ ਦੀ ਹੜਤਾਲ ਇਸ ਸਮੇਂ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਬੰਗਾਲ 'ਚ ਲਗਾਤਾਰ ਪੰਜਵੇਂ ਦਿਨ ਵੀ ਡਾਕਟਰਾਂ ਦੀ ਹੜਤਾਲ ਜਾਰੀ ਹੈ। ਬੰਗਾਲ ਦੇ ਡਾਕਟਰਾਂ ਦੀ ਹੜਤਾਲ ਨੂੰ ਦੇਸ਼ ਭਰ ਦਾ ਸਮਰਥਨ ਮਿਲ ਰਿਹਾ ਹੈ।