ਮੱਧ ਪ੍ਰਦੇਸ਼: ਏਮਜ਼ ''ਚ ਹੋਵੇਗਾ ਸਤਨਾ ਦੀ 4 ਸਾਲਾ ਰੇਪ ਪੀੜਤਾ ਦਾ ਇਲਾਜ

ਮੱਧ ਪ੍ਰਦੇਸ਼— ਮੱਧ ਪ੍ਰਦੇਸ਼ 'ਚ ਮੰਦਸੌਰ ਦੇ ਬਾਅਦ ਸਤਨਾ ਜ਼ਿਲੇ 'ਚ ਚਾਰ ਸਾਲ ਦੀ ਬੱਚੀ ਨਾਲ ਦਰਿੰਦਗੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਦੋਸ਼ੀ ਬੱਚੀ ਨੂੰ ਘਰ ਤੋਂ ਚੁੱਕ ਕੇ ਲੈ ਗਏ ਅਤੇ ਬਲਾਤਕਾਰ ਦੇ ਬਾਅਦ ਅੱਧ ਮਰਿਆ ਸਮਝ ਕੇ ਖੇਤਾਂ 'ਚ ਸੁੱਟ ਗਏ। ਪੀੜਤਾ ਨੂੰ ਗੰਭੀਰ ਹਾਲਤ 'ਚ ਇਲਾਜ ਲਈ ਸਰਕਾਰੀ ਹਸਪਤਾਲ 'ਚ ਭਰਤੀ ਕਰਵਾਇਆ ਗਿਆ ਹੈ। ਉਥੇ ਹਾਲਾਤਾਂ 'ਚ ਸੁਧਾਰ ਨਾ ਹੋਣ ਕਾਰਨ ਪੀੜਤਾ ਨੂੰ ਦਿੱਲੀ ਦੇ ਏਮਜ਼ 'ਚ ਹਵਾਈ ਜਹਾਜ਼ ਦੇ ਜ਼ਰੀਏ ਇਲਾਜ ਲਈ ਲਿਆਇਆ ਜਾ ਰਿਹਾ ਹੈ। ਇਸ ਮਾਮਲੇ 'ਚ ਪੁਲਸ ਨੇ 28 ਸਾਲ ਦੇ ਦੋਸ਼ੀ ਨੂੰ ਫੜ ਲਿਆ ਹੈ।

ਜਾਣਕਾਰੀ ਮੁਤਾਬਕ ਐਤਵਾਰ ਰਾਤ ਦਾ ਇਹ ਮਾਮਲਾ ਸਤਨਾ ਜ਼ਿਲੇ ਦੇ ਉਚੇਹਰਾ ਥਾਣੇ ਦੇ ਨਾਲ ਲੱਗੇ ਪੰਨਾ ਪਿੰਡ ਦਾ ਹੈ। ਪੁਲਸ ਨੇ 28 ਸਾਲਾ ਮਹੇਂਦਰ ਸਿੰਘ ਗੌੜ ਨੂੰ ਗ੍ਰਿਫਤਾਰ ਕੀਤਾ ਹੈ। ਬੱਚੀ ਜਦੋਂ ਆਪਣੇ ਘਰ ਸੌ ਰਹੀ ਸੀ ਤਾਂ ਇਸ ਦੌਰਾਨ ਦੋਸ਼ੀ ਉਸ ਨੂੰ ਚੁੱਕ ਕੇ ਲੈ ਗਿਆ ਸੀ। 
ਬਲਾਤਕਾਰ ਦੇ ਬਾਅਦ ਦੋਸ਼ੀ ਉਸ ਨੂੰ ਅੱੱਧ ਮਰਿਆ ਸਮਝ ਕੇ ਖੇਤਾਂ 'ਚ ਸੁੱਟ ਗਏ। ਪਿੰਡ ਵਾਸੀਆਂ ਨੇ ਪੁਲਸ ਨੂੰ ਸੂਚਨਾ ਦਿੱਤੀ ਅਤੇ ਦੋਸ਼ੀ ਦੀ ਪਛਾਣ ਕੀਤੀ।