ਹੋਲੀ ਮੌਕੇ 3 ਦਿਨਾਂ 'ਚ ਪੀ ਗਏ 40 ਕਰੋੜ ਦੀ ਦੇਸੀ ਸ਼ਰਾਬ, ਅੰਗਰੇਜੀ ਤੇ ਬੀਅਰ ਦੇ ਲਾਗੇ ਵੀ ਨਾ ਲੱਗੇ NOIDA ਵਾਸੀ

ਗ੍ਰੇਟਰ ਨੋਇਡਾ : ਇਸ ਸਾਲ ਹੋਲੀ ਦੇ ਤਿਉਹਾਰ ਮੌਕੇ ਮਨਾਏ ਗਏ ਜਸ਼ਨ ਵਿੱਚ ਨੋਇਡਾ ਅਤੇ ਗ੍ਰੇਟਰ ਨੋਇਡਾ ਦੇ ਵਸਨੀਕਾਂ ਨੇ ਸ਼ਰਾਬ ਦੀ ਖਰੀਦ ਨੂੰ ਲੈ ਕੇ ਪਿਛਲੇ ਸਾਰੇ ਰਿਕਾਰਡ ਤੋੜ ਦਿੱਤੇ ਹਨ। ਰੰਗਾਂ ਦੇ ਤਿਉਹਾਰ ਤੋਂ ਠੀਕ ਪਹਿਲਾਂ ਸ਼ਰਾਬ ਪ੍ਰੇਮੀਆਂ ਵਲੋਂ ਸਿਰਫ਼ ਤਿੰਨ ਦਿਨਾਂ (1 ਤੋਂ 3 ਮਾਰਚ) ਵਿੱਚ ਲਗਭਗ 40 ਕਰੋੜ ਰੁਪਏ ਦੀ ਸ਼ਰਾਬ ਖਰੀਦੀ ਗਈ। ਆਬਕਾਰੀ ਵਿਭਾਗ ਲਈ ਇਹ ਕਮਾਈ ਕਿਸੇ ਜੈਕਪਾਟ ਤੋਂ ਘੱਟ ਨਹੀਂ ਰਹੀ, ਕਿਉਂਕਿ ਇਸ ਨਾਲ ਸਰਕਾਰ ਨੂੰ 32 ਕਰੋੜ ਰੁਪਏ ਦਾ ਮਾਲੀਆ (ਟੈਕਸ) ਮਿਲਿਆ ਹੈ।

ਇਹ ਵੀ ਪੜ੍ਹੋ - ਉਡਾਣ ਭਰਦੇ ਹੀ 'ਧੂੰਏਂ ਦਾ ਗੁਬਾਰ' ਬਣਿਆ ਡਿਪਟੀ CM ਦਾ ਹੈਲੀਕਾਪਟਰ, ਲਖਨਊ 'ਚ ਐਮਰਜੈਂਸੀ ਲੈਂਡਿੰਗ

ਦੇਸੀ ਸ਼ਰਾਬ ਰਹੀ ਸਭ ਤੋਂ ਅੱਗੇ, ਬੀਅਰ ਦਾ ਘਟਿਆ ਕ੍ਰੈਜ਼
ਇਸ ਸਾਲ ਦੇ ਸ਼ਰਾਬ ਦੀ ਵਿਕਰੀ ਨੂੰ ਲੈ ਕੇ ਸਾਹਮਣੇ ਆਏ ਅੰਕੜਿਆਂ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਆਮ ਤੌਰ 'ਤੇ ਪਾਰਟੀਆਂ ਵਿੱਚ ਬੀਅਰ ਅਤੇ ਅੰਗਰੇਜ਼ੀ ਸ਼ਰਾਬ ਦੀ ਮੰਗ ਹੁੰਦੀ ਹੈ ਪਰ ਇਸ ਵਾਰ 'ਦੇਸੀ' ਦਾ ਜਾਦੂ ਆਪਣੇ ਸਿਖਰ 'ਤੇ ਸੀ।

ਵਿਕਰੀ ਦੇ ਅੰਕੜੇ (1-3 ਮਾਰਚ):
- ਦੇਸੀ ਸ਼ਰਾਬ: 3.12 ਲੱਖ ਲੀਟਰ (ਸਭ ਤੋਂ ਵੱਧ ਮੰਗ)
- ਬੀਅਰ: 2.7 ਲੱਖ ਲੀਟਰ
- ਵਿਦੇਸ਼ੀ ਸ਼ਰਾਬ: 1.9 ਲੱਖ ਲੀਟਰ

ਇਹ ਵੀ ਪੜ੍ਹੋ - ਵੱਡੀ ਖ਼ਬਰ : ਪੱਤਰਕਾਰ ਛੱਤਰਪਤੀ ਕਤਲ ਕਾਂਡ ਮਾਮਲੇ 'ਚ ਡੇਰਾ ਮੁਖੀ ਰਾਮ ਰਹੀਮ ਬਰੀ

ਪਿਛਲੇ ਸਾਲ ਨਾਲੋਂ ਹੋਈ 5 ਕਰੋੜ ਵੱਧ ਕਮਾਈ
ਆਬਕਾਰੀ ਵਿਭਾਗ ਦੇ ਅੰਕੜਿਆਂ ਅਨੁਸਾਰ, ਪਿਛਲੇ ਸਾਲ ਹੋਲੀ ਦਾ ਮਾਲੀਆ ₹27 ਕਰੋੜ ਸੀ, ਜੋ ਇਸ ਸਾਲ ਵੱਧ ਕੇ ₹32 ਕਰੋੜ ਹੋ ਗਿਆ ਹੈ। ਦਿਲਚਸਪ ਗੱਲ ਇਹ ਹੈ ਕਿ ਪਿਛਲੇ ਸਾਲ ਬੀਅਰ ਦੀ ਖਪਤ ਜ਼ਿਆਦਾ ਸੀ ਪਰ ਇਸ ਸਾਲ ਬੀਅਰ ਦੀ ਵਿਕਰੀ ਘਟ ਗਈ ਅਤੇ ਦੇਸੀ ਸ਼ਰਾਬ ਦੀ ਮੰਗ ਦੁੱਗਣੀ ਤੋਂ ਵੀ ਵੱਧ ਹੋ ਗਈ। ਇਸ ਸਾਲ ਲੋਕਾਂ ਨੇ ਹੋਲੀ ਮਨਾਉਣ ਲਈ ਹੋਟਲਾਂ ਨਾਲੋਂ ਪ੍ਰਾਈਵੇਟ ਪਾਰਟੀਆਂ ਨੂੰ ਤਰਜੀਹ ਦਿੱਤੀ। ਜ਼ਿਲ੍ਹੇ ਵਿੱਚ ਫਾਰਮ ਹਾਊਸਾਂ ਅਤੇ ਰੈਸਟੋਰੈਂਟਾਂ ਵਿੱਚ ਪਾਰਟੀਆਂ ਕਰਨ ਲਈ 150 ਅਸਥਾਈ ਲਾਇਸੈਂਸ ਜਾਰੀ ਕੀਤੇ ਗਏ ਸਨ। ਇਹ ਗਿਣਤੀ ਪਿਛਲੇ ਸਾਲ ਨਾਲੋਂ 15% ਵੱਧ ਹੈ।

ਇਹ ਵੀ ਪੜ੍ਹੋ - ਬੈਨ ਹੋਇਆ Social Media, 16 ਸਾਲ ਤਕ ਦੇ ਬੱਚੇ ਨਹੀਂ ਚਲਾ ਸਕਣਗੇ

ਜ਼ਿਲ੍ਹਾ ਆਬਕਾਰੀ ਅਧਿਕਾਰੀ ਸੁਬੋਧ ਕੁਮਾਰ ਸ੍ਰੀਵਾਸਤਵ ਨੇ ਦੱਸਿਆ ਕਿ 4 ਮਾਰਚ ਨੂੰ ਹੋਲੀ ਵਾਲੇ ਦਿਨ ਦੁਕਾਨਾਂ ਬੰਦ ਰਹੀਆਂ ਪਰ ਵਿਭਾਗ ਨੇ ਗੈਰ-ਕਾਨੂੰਨੀ ਵਿਕਰੀ ਨੂੰ ਰੋਕਣ ਲਈ ਪੂਰੀ ਤਿਆਰੀ ਕੀਤੀ ਸੀ। ਦਿੱਲੀ-ਹਰਿਆਣਾ ਸਰਹੱਦ 'ਤੇ ਛੇ ਵਿਸ਼ੇਸ਼ ਟੀਮਾਂ ਤਾਇਨਾਤ ਕੀਤੀਆਂ ਗਈਆਂ ਸਨ। ਸੱਤ ਆਬਕਾਰੀ ਇੰਸਪੈਕਟਰ ਅਤੇ 28 ਕਾਂਸਟੇਬਲ ਵੱਖ-ਵੱਖ ਖੇਤਰਾਂ ਵਿੱਚ ਗਸ਼ਤ ਕਰਨ ਲਈ ਤਾਇਨਾਤ ਕੀਤੇ ਗਏ ਸਨ। ਵਿਭਾਗ ਨੇ ਇੱਕ ਟੋਲ-ਫ੍ਰੀ ਨੰਬਰ ਵੀ ਜਾਰੀ ਕੀਤਾ ਹੈ ਅਤੇ ਲੋਕਾਂ ਨੂੰ ਗੈਰ-ਕਾਨੂੰਨੀ ਸ਼ਰਾਬ ਬਾਰੇ ਜਾਣਕਾਰੀ ਦੇਣ ਦੀ ਅਪੀਲ ਕੀਤੀ ਹੈ।

ਇਹ ਵੀ ਪੜ੍ਹੋ - WhatsApp ਚੈਟ ਦੇ ਆਧਾਰ 'ਤੇ ਨਹੀਂ ਮਿਲੇਗਾ ਤਲਾਕ! ਹਾਈ ਕੋਰਟ ਦਾ ਵੱਡਾ ਫੈਸਲਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e