ਹਾਈਵੇਅ ''ਤੇ ਸ਼ੁਤਰਮੁਰਗ ਨੇ ਲਾਈ ''ਹਾਈ-ਸਪੀਡ'' ਰੇਸ! ਡਰਾਈਵਰ ਵੀ ਹੋਏ ਹੈਰਾਨ

ਇੰਟਰਨੈਸ਼ਨਲ ਡੈਸਕ  :  ਇੱਕ ਵਿਅਸਤ ਹਾਈਵੇਅ 'ਤੇ ਉਸ ਸਮੇਂ ਅਜੀਬੋ-ਗਰੀਬ ਸਥਿਤੀ ਪੈਦਾ ਹੋ ਗਈ, ਜਦੋਂ ਇੱਕ ਪਾਲਤੂ ਸ਼ੁਤਰਮੁਰਗ ਤੇਜ਼ ਰਫ਼ਤਾਰ ਨਾਲ ਗੱਡੀਆਂ ਦੇ ਵਿਚਕਾਰ ਦੌੜਨ ਲੱਗਾ। ਇਹ ਅਜੀਬ ਘਟਨਾ ਥਾਈਲੈਂਡ ਵਿਚ ਵਾਪਰੀ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ, ਜਿਸ ਵਿੱਚ ਇਹ ਉੱਡਣ ਵਿੱਚ ਅਸਮਰੱਥ ਪੰਛੀ ਤਿੰਨ-ਲੇਨ ਵਾਲੀ ਸੜਕ 'ਤੇ ਕਾਰਾਂ ਅਤੇ ਟਰੱਕਾਂ ਦੇ ਨਾਲ ਰਫਤਾਰ ਮੁਕਾਬਲਾ ਕਰਦਾ ਨਜ਼ਰ ਆ ਰਿਹਾ ਹੈ।

ਮਿਲੀ ਜਾਣਕਾਰੀ ਅਨੁਸਾਰ 'ਬੀ-1' (B1) ਨਾਮ ਦਾ ਇਹ ਛੇ ਮਹੀਨਿਆਂ ਦਾ ਨਰ ਸ਼ੁਤਰਮੁਰਗ ਪਟਾਯਾ ਦੇ ਇੱਕ ਐਨੀਮਲ-ਥੀਮ ਵਾਲੇ ਕੈਫੇ ਵਿੱਚੋਂ ਭੱਜਿਆ ਸੀ।ਕੈਫੇ ਦੇ ਮਾਲਕ ਇਤਸਾਰਾ ਬੋਰੀਬੂਨ ਨੇ ਦੱਸਿਆ ਕਿ ਉਸਾਰੀ ਦੇ ਸਾਮਾਨ ਦੀ ਸਪਲਾਈ ਕਰਨ ਵਾਲੇ ਇੱਕ ਟਰੱਕ ਦੇ ਤੇਜ਼ ਸ਼ੋਰ ਕਾਰਨ ਪੰਛੀ ਡਰ ਗਿਆ ਅਤੇ ਆਪਣੇ ਵਾੜੇ ਵਿੱਚੋਂ ਬਾਹਰ ਨਿਕਲ ਗਿਆ। ਮਾਲਕ ਨੇ ਦੱਸਿਆ ਕਿ ਉਸ ਨੇ ਪੰਜ ਮਹੀਨੇ ਪਹਿਲਾਂ ਸ਼ੁਤਰਮੁਰਗਾਂ ਦਾ ਇੱਕ ਜੋੜਾ (ਬੀ-1 ਅਤੇ ਬੀ-2) 15,000 ਬਾਹਟ (ਲਗਭਗ 460 ਡਾਲਰ) ਵਿੱਚ ਖਰੀਦਿਆ ਸੀ ਅਤੇ ਅਜਿਹੀ ਘਟਨਾ ਪਹਿਲਾਂ ਕਦੇ ਨਹੀਂ ਹੋਈ ਸੀ।

ਇੱਕ ਚਸ਼ਮਦੀਦ ਡਰਾਈਵਰ ਚੈਰਤ ਸੋਮਪੋਂਗ ਨੇ ਦੱਸਿਆ ਕਿ ਜਦੋਂ ਉਸ ਨੇ ਪਹਿਲਾਂ ਟ੍ਰੈਫਿਕ ਜਾਮ ਦੇਖਿਆ ਤਾਂ ਉਸ ਨੂੰ ਲੱਗਾ ਕਿ ਕੋਈ ਹਾਦਸਾ ਹੋਇਆ ਹੈ, ਪਰ ਨੇੜੇ ਜਾਣ 'ਤੇ ਉਸ ਨੇ ਵਿਚਕਾਰਲੀ ਲੇਨ ਵਿੱਚ ਸ਼ੁਤਰਮੁਰਗ ਨੂੰ ਦੌੜਦੇ ਦੇਖਿਆ। ਉਸ ਨੇ ਦੱਸਿਆ ਕਿ ਪੰਛੀ ਕਾਫ਼ੀ ਘਬਰਾਇਆ ਹੋਇਆ ਸੀ। ਜ਼ਿਕਰਯੋਗ ਹੈ ਕਿ ਸ਼ੁਤਰਮੁਰਗ ਦੁਨੀਆ ਦਾ ਸਭ ਤੋਂ ਤੇਜ਼ ਦੌੜਨ ਵਾਲਾ ਪੰਛੀ ਹੈ, ਜਿਸ ਦੀ ਰਫ਼ਤਾਰ 70 ਕਿਲੋਮੀਟਰ (43 ਮੀਲ) ਪ੍ਰਤੀ ਘੰਟਾ ਤੱਕ ਹੋ ਸਕਦੀ ਹੈ।

ਪੜ੍ਹੋ ਇਹ ਅਹਿਮ ਖ਼ਬਰ-  ਜੰਗਬੰਦੀ ਵੀ ਨਾ ਆਈ ਕੰਮ,  ਉਲਟੇ ਪੈਰੀਂ ਮੋੜਿਆ LNG ਟੈਂਕਰ ! ਹੋਰਮੁਜ਼ 'ਚ ਈਰਾਨ ਦਾ ਦਬਦਬਾ ਬਰਕਰਾਰ
 
ਇਹ ਸ਼ੁਤਰਮੁਰਗ ਆਪਣੇ ਵਾੜੇ ਤੋਂ ਲਗਭਗ 15 ਕਿਲੋਮੀਟਰ ਦੂਰ ਨਿਕਲ ਗਿਆ ਸੀ। ਅਖੀਰ ਇੱਕ ਵਿਅਕਤੀ ਨੇ ਇਸਨੂੰ ਕਾਬੂ ਕੀਤਾ ਅਤੇ ਮਾਲਕ ਨੂੰ ਸੂਚਿਤ ਕੀਤਾ। ਮਾਲਕ ਇਤਸਾਰਾ ਨੇ ਦੱਸਿਆ ਕਿ ਉਹ ਆਪਣੇ ਪੰਛੀ ਦੀ ਸਲਾਮਤੀ ਨੂੰ ਲੈ ਕੇ ਕਾਫ਼ੀ ਚਿੰਤਤ ਸੀ। ਹੁਣ 'ਬੀ-1' ਨੂੰ ਸੁਰੱਖਿਅਤ ਵਾਪਸ ਕੈਫੇ ਵਿੱਚ ਲਿਆਂਦਾ ਗਿਆ ਹੈ ਅਤੇ ਮਾਲਕ ਨੇ ਭਵਿੱਖ ਵਿੱਚ ਅਜਿਹੀ ਘਟਨਾ ਨੂੰ ਰੋਕਣ ਲਈ ਵਾਧੂ ਸਾਵਧਾਨੀ ਵਰਤਣ ਦਾ ਭਰੋਸਾ ਦਿੱਤਾ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ-  ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।