ਉੱਤਰ ਪ੍ਰਦੇਸ਼ ''ਚ ਅਪਰਾਧ ਅਤੇ ਮਹਿੰਗਾਈ ਨਾਲ ਜਨਤਾ ਪੀੜਤ : ਮਾਇਆਵਤੀ
06/17/2019 1:58:09 PM
ਨਵੀਂ ਦਿੱਲੀ— ਬਹੁਜਨ ਸਮਾਜ ਪਾਰਟੀ ਦੀ ਚੇਅਰਪਰਸਨ ਮਾਇਆਵਤੀ ਨੇ ਉੱਤਰ ਪ੍ਰਦੇਸ਼ 'ਚ ਕਾਨੂੰਨ ਵਿਵਸਥਾ ਦੀ ਲਗਾਤਾਰ ਵਿਗੜਦੀ ਸਥਿਤੀ 'ਤੇ ਅਤੇ ਬਿਜਲੀ ਦੀਆਂ ਦਰਾਂ 'ਚ ਵਾਧੇ ਦਾਇਰੇ 'ਚ ਹੇਠਲੇ ਆਮਦਨ ਵਰਗ ਦੇ ਲੋਕਾਂ ਨੂੰ ਸ਼ਾਮਲ ਕੀਤੇ ਜਾਣ 'ਤੇ ਚਿੰਤਾ ਜ਼ਾਹਰ ਕਰਦੇ ਹੋਏ ਕਿਹਾ ਹੈ ਕਿ ਰਾਜ ਦੀ ਜਨਤਾ ਪੀੜਤ ਹੈ। ਮਾਇਆਵਤੀ ਨੇ ਸੋਮਵਾਰ ਨੂੰ ਟਵੀਟ ਕਰ ਕੇ ਕਿਹਾ,''ਉੱਤਰ ਪ੍ਰਦੇਸ਼ 'ਚ ਅਪਰਾਧ ਕੰਟਰੋਲ ਅਤੇ ਕਾਨੂੰਨ ਵਿਵਸਥਾ ਦੀ ਵਿਗੜੀ ਸਥਿਤੀ ਦੇ ਨਾਲ-ਨਾਲ ਸਾਰੇ ਸਮਾਜ ਦੀ ਭੈਣ-ਬੇਟੀਆਂ ਦੀ ਜਾਨ ਅਤੇ ਇੱਜ਼ਤ ਦੇ ਸੰਬੰਧ 'ਚ ਅਰਾਜਕਤਾ ਵਰਗੀ ਸਥਿਤੀ ਬੇਹੱਦ ਦੁਖਦ ਅਤੇ ਚਿੰਤਾ ਦਾ ਵਿਸ਼ਾ ਹੈ।''
ਉਨ੍ਹਾਂ ਨੇ ਕਿਹਾ,''ਸਰਕਾਰੀ ਦਾਅਵਿਆਂ ਦੇ ਉਲਟ ਪੂਰੇ ਪ੍ਰਦੇਸ਼ 'ਚ ਹਰ ਤਰ੍ਹਾਂ ਦੇ ਅਪਰਾਧਾਂ ਦੀ ਹੜ੍ਹ ਨਾਲ ਜਨਤਾ 'ਚ ਤ੍ਰਾਹੀ-ਤ੍ਰਾਹੀ।'' ਮਾਇਆਵਤੀ ਨੇ ਉੱਤਰ ਪ੍ਰਦੇਸ਼ 'ਚ ਬਿਜਲੀ ਦੀ ਕੀਮਤ ਵਧਾਏ ਜਾਣ ਅਤੇ ਇਸ ਦੇ ਦਾਇਰੇ 'ਚ ਘੱਟ ਉਮਰ ਵਰਗ ਦੇ ਲੋਕਾਂ ਨੂੰ ਵੀ ਸ਼ਾਮਲ ਕੀਤੇ ਜਾਣ ਦੀ ਨਿੰਦਾ ਕੀਤੀ। ਉਨ੍ਹਾਂ ਨੇ ਇਕ ਹੋਰ ਟਵੀਟ 'ਚ ਕਿਹਾ,''ਉੱਤਰ ਪ੍ਰਦੇਸ਼ 'ਚ ਪੀੜਤ ਜਨਤਾ ਅਤੇ ਬੀ.ਪੀ.ਐੱਲ. ਪਰਿਵਾਰਾਂ 'ਤੇ ਵੀ ਬਿਜਲੀ ਦੀਆਂ ਦਰਾਂ 'ਚ ਭਾਰਾ ਵਾਧਾ ਕਰ ਕੇ ਉਨ੍ਹਾਂ ਨੂੰ ਤੇਜ਼ ਝਟਕਾ ਦੇਣ ਦੀ ਸਰਕਾਰ ਦੀ ਤਿਆਰੀ ਨਿੰਦਾਯੋਗ ਹੈ।'' ਮਾਇਆਵਤੀ ਨੇ ਰਾਜ ਸਰਕਾਰ ਤੋਂ ਪੁੱਛਿਆ,''ਲੋਕ ਸਭਾ ਚੋਣਾਂ ਤੋਂ ਬਾਅਦ ਕੀ ਭਾਜਪਾ ਸਰਕਾਰ ਇਸੇ ਰੂਪ 'ਚ ਉੱਤਰ ਪ੍ਰਦੇਸ਼ ਦੀ 20 ਕਰੋੜ ਜਨਤਾ ਨੂੰ ਸਦਮਾ ਪਹੁੰਚਾਏਗੀ? ਕੀ ਇਹ ਵਾਧਾ ਕਿਸਤਮ ਨੂੰ ਬਦਕਿਸਮਤ ਯੋਜਨਾ 'ਚ ਨਹੀਂ ਬਦਲ ਦੇਵੇਗੀ?''
