ਅੱਤਵਾਦ ਪੈਦਾ ਕਰਨ ਲਈ ਸੂਬੇ 'ਚ ਗੁੰਡਿਆਂ ਨੂੰ ਲਿਆ ਰਹੀ ਹੈ ਭਾਜਪਾ : ਮਮਤਾ ਬੈਨਰਜੀ
Monday, Mar 22, 2021 - 03:17 PM (IST)
ਕੋਤੁਲਪੁਰ- ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਸੋਮਵਾਰ ਨੂੰ ਭਾਜਪਾ 'ਤੇ ਦੋਸ਼ ਲਗਾਇਆ ਕਿ ਉਹ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਸੂਬੇ 'ਚ ਮੁਫ਼ਤ ਰਾਸ਼ਨ ਦੀ ਸਪਲਾਈ ਦਾ ਝੂਠਾ ਵਾਅਦਾ ਕਰ ਰਹੀ ਹੈ, ਜਿਸ ਨੂੰ ਉਹ ਕਦੇ ਪੂਰਾ ਨਹੀਂ ਕਰੇਗੀ।'' ਬਾਂਕੁੜਾ ਜ਼ਿਲ੍ਹੇ 'ਚ ਇਕ ਰੈਲੀ ਨੂੰ ਸੰਬੋਧਨ ਕਰਦੇ ਹੋਏ ਉਨ੍ਹਾਂ ਨੇ ਭਾਜਪਾ ਨੂੰ 'ਬਾਹਰੀ ਲੋਕਾਂ ਦੀ ਪਾਰਟੀ' ਦੱਸਿਆ ਅਤੇ ਦੋਸ਼ ਲਗਾਇਆ ਕਿ ਉਹ ਅੱਤਵਾਦ ਪੈਦਾ ਕਰਨ ਲਈ ਸੂਬੇ 'ਚ ਗੁੰਡਿਆਂ ਨੂੰ ਲਿਆ ਰਹੀ ਹੈ। ਬੈਨਰਜੀ ਨੇ ਕਿਹਾ,''ਭਾਜਪਾ ਨੇ ਮੁਫ਼ਤ ਰਾਸ਼ਨ ਦੇਣ ਦਾ ਝੂਠਾ ਵਾਅਦਾ ਕੀਤਾ ਹੈ, ਜੋ ਉਹ ਕਦੇ ਪੂਰਾ ਨਹੀਂ ਕਰਨ ਵਾਲੀ। ਭਾਜਪਾ ਦੇ ਗੁੰਡੇ ਤੁਹਾਡੇ ਘਰ ਆ ਕੇ ਆਪਣੀ ਪਾਰਟੀ ਲਈ ਵੋਟ ਮੰਗਣਗੇ। ਇਹ ਲੋਕ ਜੇਕਰ ਤੁਹਾਨੂੰ ਧਮਕਾਉਂਦੇ ਹਨ ਤਾਂ ਉਨ੍ਹਾਂ ਨੇ ਦੌੜਾਉਣ ਲਈ ਆਪਣੇ ਘਰਾਂ ਦੇ ਭਾਂਡੇ ਹੱਥਾਂ 'ਚ ਲੈ ਕੇ ਤਿਆਰ ਰਹੋ।''
ਇਹ ਵੀ ਪੜ੍ਹੋ : ਭਾਜਪਾ ਦੁਨੀਆ ਦੀ ਸਭ ਤੋਂ ਵੱਡੀ ‘ਤੋਲਾਬਾਜ਼’ ਪਾਰਟੀ: ਮਮਤਾ ਬੈਨਰਜੀ
ਉਨ੍ਹਾਂ ਨੇ ਦੋਸ਼ ਲਗਾਇਆ ਕਿ ਭਾਜਪਾ ਜਨਾਨੀਆਂ ਲਈ ਆਦੇਸ਼ ਜਾਰੀ ਕਰ ਰਹੀ ਹੈ ਕਿ ਉਨ੍ਹਾਂ ਨੂੰ ਕੀ ਪਹਿਨਣਾ ਚਾਹੀਦਾ, ਕੀ ਖਾਣਾ ਚਾਹੀਦਾ। ਬੈਨਰਜੀ ਨੇ ਕਿਹਾ,''ਉਹ ਤੁਹਾਨੂੰ ਇਹ ਸੋਚਣ 'ਤੇ ਮਜ਼ਬੂਤ ਕਰਨਗੇ ਕਿ ਨਰਿੰਦਰ ਮੋਦੀ ਬੀ.ਆਰ. ਅੰਬੇਡਕਰ ਤੋਂ ਵੱਡੇ ਹਨ।'' ਬੈਨਰਜੀ ਨੇ ਕਿਹਾ,''ਤੁਸੀਂ ਦੇਖਿਆ, ਕਿਵੇਂ ਗੁਜਰਾਤ 'ਚ ਇਕ ਕ੍ਰਿਕੇਟ ਸਟੇਡੀਅਮ ਦਾ ਨਾਮ ਮੋਦੀ ਦੇ ਨਾਂ 'ਤੇ ਰੱਖ ਦਿੱਤਾ ਗਿਆ? ਇਕ ਦਿਨ ਉਹ ਦੇਸ਼ ਦਾ ਵੀ ਨਾਂ ਬਦਲ ਕੇ ਰੱਖ ਦੇਣਗੇ, ਉਹ ਜਨਤਕ ਸਰੋਤਾਂ ਨੂੰ ਨਿੱਜੀ ਹੱਥਾਂ 'ਚ ਦੇ ਰਹੇ ਹਨ।'' ਉਨ੍ਹਾਂ ਨੇ ਦੋਸ਼ ਲਗਾਇਆ ਕਿ ਕਾਂਗਰਸ ਅਤੇ ਖੱਬੇ ਪੱਖੀ ਦਲਾਂ ਦੀ ਭਾਜਪਾ ਨਾਲ ਮਿਲੀਭਗਤ ਹੈ। ਉਨ੍ਹਾਂ ਕਿਹਾ,''ਜਦੋਂ ਮੈਂ ਵਿਰੋਧੀ ਧਿਰ 'ਚ ਸੀ ਤਾਂ ਮਾਕਪਾ ਦੇ ਗੁੰਡਿਆਂ ਨੇ ਕੋਤੁਲਪੁਰ, ਚੋਮਕੌਤਾਲਾ, ਜੈਰਾਮਬਾਤੀ ਇਲਾਕਿਆਂ 'ਚ ਅੱਤਵਾਦ ਫੈਲਾਇਆ। ਉਨ੍ਹਾਂ ਨੇ ਮੇਰੇ 'ਤੇ ਹਮਲਾ ਕੀਤਾ ਅਤੇ ਹੁਣ ਉਹ ਭਾਜਪਾ ਨਾਲ ਹਨ।''
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਬਾਕਸ 'ਚ ਦਿਓ ਜਵਾਬ
