ਲਖਨਊ: ਫਾਈਟਰ ਜੈੱਟ ਮਿਰਾਜ ਦਾ ਪਹੀਆ ਚੋਰੀ, ਟ੍ਰੈਫਿਕ ਜਾਮ ਦੌਰਾਨ ਸਕਾਰਪੀਓ ਸਵਾਰ ਚੋਰਾਂ ਦੀ ਕਰਤੂਤ

ਲਖਨਊ - ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਵਿੱਚ ਚੋਰਾਂ ਦੁਆਰਾ ਫਾਈਟਰ ਜਹਾਜ਼ ਮਿਰਾਜ ਦਾ ਪਹੀਆ ਚੋਰੀ ਕਰਨ 'ਤੇ ਭਾਜੜ ਮਚ ਗਈ। ਸਕਾਰਪੀਓ ਸਵਾਰ ਚੋਰਾਂ ਨੇ ਟ੍ਰੈਫਿਕ ਜਾਮ ਵਿੱਚ ਫਸੇ ਟਰੱਕ ਤੋਂ ਇਸ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦਿੱਤਾ। ਚੋਰੀ ਦਾ ਪਤਾ ਲੱਗਦਿਆਂ ਹੀ ਟਰੱਕ ਚਾਲਕ ਨੇ ਤੁਰੰਤ ਇਸ ਘਟਨਾ ਦੀ ਸੂਚਨਾ 112 ਨੰਬਰ ਪੁਲਸ ਨੂੰ ਦਿੱਤੀ। ਮੌਕੇ 'ਤੇ ਪਹੁੰਚੀ ਪੁਲਸ ਨੇ ਜਾਂਚ ਕਰਕੇ ਦੋਸ਼ੀਆਂ ਦੀ ਤੇਜ਼ੀ ਨਾਲ ਭਾਲ ਸ਼ੁਰੂ ਕਰ ਦਿੱਤੀ ਹੈ। 

ਟਰੱਕ ਡਰਾਈਵਰ ਹੇਮ ਸਿੰਘ ਰਾਵਤ ਨੇ ਦੱਸਿਆ ਕਿ ਰਾਤ 12:30 ਤੋਂ 1:00 ਵਜੇ ਦੇ ਦਰਮਿਆਨ ਸਕਾਰਪੀਓ ਸਵਾਰ ਵਿਅਕਤੀ ਆਏ ਸਨ ਅਤੇ ਉਸ ਸਮੇਂ ਸ਼ਹੀਦ ਮਾਰਗ 'ਤੇ ਜਾਮ ਲੱਗ ਗਿਆ ਸੀ, ਜਿਸ ਕਾਰਨ ਟਰੱਕ ਹੌਲੀ-ਹੌਲੀ ਚੱਲ ਰਿਹਾ ਸੀ, ਉਦੋਂ ਹੀ ਸਕਾਰਪੀਓ ਸਵਾਰੀਆਂ ਨੇ ਪਿੱਛੇ ਤੋਂ ਟਰੱਕ ਦੀ ਬੈਲਟ ਕੱਟ ਕੇ ਪਹੀਆ ਚੋਰੀ ਕਰ ਲਿਆ, ਜਦੋਂ ਟਰੱਕ ਡਰਾਈਵਰ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਬਹੁਤ ਦੇਰ ਹੋ ਚੁੱਕੀ ਸੀ। ਹਾਲਾਂਕਿ ਡਰਾਈਵਰ ਨੇ ਤੁਰੰਤ ਇਸ ਘਟਨਾ ਦੀ ਸੂਚਨਾ ਪੁਲਸ ਨੂੰ 112 'ਤੇ ਦਿੱਤੀ।

ਇਹ ਵੀ ਪੜ੍ਹੋ - ਉਤਰਾਖੰਡ 'ਚ 50 ਪੁਲਸ ਕਰਮਚਾਰੀ ਮਿਲੇ ਕੋਰੋਨਾ ਪਾਜ਼ੇਟਿਵ

ਸੀ.ਸੀ.ਟੀ.ਵੀ. ਫੁਟੇਜ ਖੰਗਾਲ ਰਹੀ ਪੁਲਸ
ਡੀਸੀਪੀ ਈਸਟ ਅਮਿਤ ਕੁਮਾਰ ਨੇ ਦੱਸਿਆ ਕਿ ਘਟਨਾ 27 ਨਵੰਬਰ ਦੀ ਹੈ ਅਤੇ ਐਫਆਈਆਰ 1 ਦਸੰਬਰ ਨੂੰ ਦਰਜ ਕੀਤੀ ਗਈ ਹੈ। ਪੁਲਸ ਅਫ਼ਸਰ ਨੇ ਦੱਸਿਆ ਕਿ ਇਸ ਮਾਮਲੇ ਵਿੱਚ ਧਾਰਾ 379 ਦੇ ਤਹਿਤ ਮੁਕੱਦਮਾ ਦਰਜ ਕੀਤਾ ਗਿਆ ਹੈ। ਪੁਲਸ ਹੁਣ ਸ਼ਹੀਦੀ ਮਾਰਗ ਦੇ ਆਲੇ-ਦੁਆਲੇ ਲੱਗੇ ਸਾਰੇ ਸੀਸੀਟੀਵੀ ਕੈਮਰਿਆਂ ਦੀ ਸਕੈਨਿੰਗ ਕਰ ਰਹੀ ਹੈ ਤਾਂਕਿ ਜੋ ਵੀ ਲੋਕ ਇਸ ਵਿੱਚ ਸ਼ਾਮਲ ਹਨ, ਉਨ੍ਹਾਂ ਨੂੰ ਛੇਤੀ ਤੋਂ ਛੇਤੀ ਗ੍ਰਿਫਤਾਰ ਕਰ ਕਾਰਵਾਈ ਕੀਤੀ ਜਾਵੇ।

ਇਹ ਵੀ ਪੜ੍ਹੋ - ਦਿੱਲੀ ਹਵਾਈ ਅੱਡੇ 'ਤੇ 6 ਹੋਰ ਅੰਤਰਰਾਸ਼ਟਰੀ ਯਾਤਰੀ ਕੋਰੋਨਾ ਪਾਜ਼ੇਟਿਵ ਪਾਏ ਗਏ

ਅਜਮੇਰ ਜਾ ਰਿਹਾ ਟਰੱਕ
ਡੀਸੀਪੀ ਨੇ ਘਟਨਾ ਦੇ ਸਬੰਧ ਵਿੱਚ ਦੱਸਿਆ ਕਿ ਮਾਲ ਲਖਨਊ ਦੇ ਬਖਸ਼ੀ ਤਾਲਾਬ ਏਅਰਵੇਅ ਤੋਂ ਅਜਮੇਰ ਜਾ ਰਿਹਾ ਸੀ। ਡਰਾਈਵਰ ਮੁਤਾਬਕ ਇਹ ਘਟਨਾ ਸ਼ਹੀਦ ਮਾਰਗ 'ਤੇ ਵਾਪਰੀ ਹੈ ਅਤੇ ਅਸੀਂ ਇਸ ਸਬੰਧੀ ਕਈ ਸ਼ੱਕੀ ਲੋਕਾਂ ਤੋਂ ਵੀ ਪੁੱਛਗਿੱਛ ਕਰ ਰਹੇ ਹਾਂ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਮਿਰਾਜ ਲੜਾਕੂ ਜਹਾਜ਼ ਦੇ 5 ਪਹੀਏ ਲਖਨਊ ਤੋਂ ਅਜਮੇਰ ਭੇਜੇ ਜਾ ਰਹੇ ਸਨ, ਜਿਨ੍ਹਾਂ ਵਿੱਚੋਂ ਇੱਕ ਵੀ ਪਹੀਆ ਜਹਾਜ਼ ਵਿੱਚ ਮੌਜੂਦ ਨਹੀਂ ਸੀ। ਪੁਲਿਸ ਨੇ ਮਾਮਲੇ ਦੀ ਤੇਜ਼ੀ ਨਾਲ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ? ਕੁਮੈਂਟ ਕਰਕੇ ਦਿਓ ਜਵਾਬ।