ਰੇਲਵੇ ਦੇ VIP ਲੌਂਜ ''ਚ ਰਾਇਤੇ ''ਚ ਮਿਲਿਆ ਕਨਖਜੂਰਾ, IRCTC ਨੇ ਮੰਗੀ ਸ਼ਿਕਾਇਤ ਦੀ ਜਾਣਕਾਰੀ

ਨੈਸ਼ਨਲ ਡੈਸਕ : ਦਿੱਲੀ ਦੇ ਇਕ ਵਿਅਕਤੀ ਨੇ ਰੇਲਵੇ ਦੇ ਵੀਆਈਪੀ ਲੌਂਜ ਵਿਚ ਮਿਲਣ ਵਾਲੇ ਖਾਣੇ ਦੀ ਹੈਰਾਨ ਕਰਨ ਵਾਲੀ ਤਸਵੀਰ ਸ਼ੇਅਰ ਕੀਤੀ ਹੈ ਜਿਸ 'ਚ ਰਾਇਤੇ ਦੇ ਅੰਦਰ ਇਕ ਜ਼ਿੰਦਾ ਕਨਖਜੂਰਾ ਤੈਰਦਾ ਹੋਇਆ ਨਜ਼ਰ ਆ ਰਿਹਾ ਹੈ। ਇਸ ਘਟਨਾ ਨੇ ਸੋਸ਼ਲ ਮੀਡੀਆ 'ਤੇ ਹਲਚਲ ਮਚਾ ਦਿੱਤੀ ਹੈ।

ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਤਸਵੀਰ
ਆਰੀਅਨਸ਼ ਸਿੰਘ ਨਾਂ ਦੇ ਇਸ ਯੂਜ਼ਰ ਨੇ ਦੱਸਿਆ ਕਿ ਜਦੋਂ ਉਸ ਨੇ ਇਹ ਰਾਇਤਾ ਦੇਖਿਆ ਤਾਂ ਉਹ ਹੈਰਾਨ ਰਹਿ ਗਿਆ। ਉਸਨੇ ਮਜ਼ਾਕ ਵਿਚ ਕਿਹਾ ਕਿ ਭਾਰਤੀ ਰੇਲਵੇ ਦੇ ਖਾਣੇ ਦੀ ਗੁਣਵੱਤਾ ਹੁਣ ਬਿਹਤਰ ਹੋ ਗਈ ਹੈ, ਕਿਉਂਕਿ ਰਾਇਤਾ ਹੁਣ "ਵਾਧੂ ਪ੍ਰੋਟੀਨ" ਨਾਲ ਪਰੋਸਿਆ ਜਾ ਰਿਹਾ ਹੈ। ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਆਰੀਅਨਸ਼ ਨੇ ਲਿਖਿਆ, "ਤੁਸੀਂ ਕਲਪਨਾ ਕਰ ਸਕਦੇ ਹੋ ਕਿ ਟਰੇਨ ਅਤੇ ਪੈਂਟਰੀ ਕਾਰ ਦੀ ਕੀ ਹਾਲਤ ਹੋਵੇਗੀ।

Yes, for sure, Indian Railway food quality has improved, now they are serving raita with more protein. https://t.co/YKtUQt7roZ pic.twitter.com/FpJVIKOhBC

— Aaraynsh (@aaraynsh) October 21, 2024"

ਲੋਕਾਂ ਦਾ ਗੁੱਸਾ ਫੁੱਟਿਆ
ਆਰੀਅਨਸ਼ ਨੇ ਦੱਸਿਆ ਕਿ ਜਦੋਂ ਉਸਨੇ ਦੇਖਿਆ ਕਿ ਰਾਇਤੇ ਵਿਚ ਕਨਖਜੂਰਾ ਹੈ ਤਾਂ ਉਸਨੇ ਰੌਲਾ ਪਾਇਆ ਅਤੇ ਉਥੇ ਬੈਠੇ ਹੋਰ ਲੋਕਾਂ ਨੂੰ ਖਾਣਾ ਖਾਣ ਤੋਂ ਰੋਕ ਦਿੱਤਾ। ਜਦੋਂ ਲੋਕਾਂ ਨੇ ਰਾਇਤਾ ਦੇਖਿਆ ਤਾਂ ਉਨ੍ਹਾਂ ਨੂੰ ਗੁੱਸਾ ਆ ਗਿਆ ਪਰ ਕੁਝ ਲੋਕ ਫਿਰ ਵੀ ਰੋਟੀ ਖਾਣ ਲਈ ਵਾਪਸ ਚਲੇ ਗਏ।

IRCTC ਨੇ ਸ਼ਿਕਾਇਤ ਬਾਰੇ ਮੰਗੀ ਜਾਣਕਾਰੀ 
ਆਈਆਰਸੀਟੀਸੀ ਨੇ ਵੀ ਇਸ ਮਾਮਲੇ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ। ਉਸਨੇ ਆਰੀਅਨਸ਼ ਤੋਂ ਸਟੇਸ਼ਨ ਦਾ ਨਾਂ, ਸਥਾਨ ਅਤੇ ਭੋਜਨ ਦੀ ਰਸੀਦ ਵਰਗੀ ਜਾਣਕਾਰੀ ਮੰਗੀ, ਤਾਂ ਜੋ ਉਹ ਘਟਨਾ 'ਤੇ ਤੁਰੰਤ ਕਾਰਵਾਈ ਕਰ ਸਕੇ। IRCTC ਨੇ ਲਿਖਿਆ, "ਸਾਨੂੰ ਤੁਹਾਡੀ ਅਸੁਵਿਧਾ ਲਈ ਅਫ਼ਸੋਸ ਹੈ। ਕਿਰਪਾ ਕਰਕੇ ਆਪਣੇ ਬੁਕਿੰਗ ਵੇਰਵੇ ਅਤੇ ਫੋਨ ਨੰਬਰ ਸਾਡੇ ਨਾਲ ਸਾਂਝਾ ਕਰੋ।" ਇਹ ਘਟਨਾ ਇਕ ਵਾਰ ਫਿਰ ਰੇਲਵੇ ਦੇ ਖਾਣੇ ਦੀ ਗੁਣਵੱਤਾ 'ਤੇ ਸਵਾਲ ਖੜ੍ਹੇ ਕਰਦੀ ਹੈ ਅਤੇ ਯਾਤਰੀਆਂ ਲਈ ਚਿੰਤਾ ਦਾ ਵਿਸ਼ਾ ਬਣ ਗਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8