ਬਦਮਾਸ਼ਾਂ ਨੇ ਕੀਤਾ ਰੇਲਵੇ ਟਰੈੱਕ ਬਲਾਸਟ, ਪੱਟੜੀ 'ਤੇ ਹੋਇਆ 3 ਫੁੱਟ ਡੂੰਘਾ ਟੋਇਆ

ਸਾਹਿਬਗੰਜ- ਝਾਰਖੰਡ ਦੇ ਸਾਹਿਬਗੰਜ ਜ਼ਿਲ੍ਹੇ ’ਚ ਬਦਮਾਸ਼ਾਂ ਨੇ ਵਿਸਫੋਟਕ ਲਾ ਕੇ ਇਕ ਰੇਲਵੇ ਟਰੈੱਕ ਨੂੰ ਉੱਡਾ ਦਿੱਤਾ। ਧਮਾਕੇ ਦੀ ਆਵਾਜ਼ ਆਲੇ-ਦੁਆਲੇ ਦੇ ਪਿੰਡਾਂ ਤੱਕ ਦਿੱਤੀ। ਗਨੀਮਤ ਇਹ ਰਹੀ ਕਿ ਇਸ ਘਟਨਾ ਵਿਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਪੁਲਸ ਨੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ ਅਤੇ ਕਈ ਪਹਿਲੂਆਂ ਤੋਂ ਛਾਣਬੀਣ ਕਰ ਰਹੀ ਹੈ। ਇਹ ਘਟਨਾ ਲਾਲਮਟੀਆ ਤੋਂ ਫਰੱਕਾ ਜਾਣ ਵਾਲੀ ਐੱਮ. ਜੀ. ਆਰ. ਰੇਲਵੇ ਲਾਈਨ 'ਤੇ ਵਾਪਰੀ। ਇਸ ਹਾਦਸੇ ਮਗਰੋਂ ਰੇਲ ਮਾਰਗ 'ਤੇ ਰੇਲ ਸੇਵਾ ਠੱਪ ਹੋ ਗਈ। ਪਿੰਡ ਵਾਸੀਆਂ ਨੇ ਦੱਸਿਆ ਕਿ ਉਕਤ ਟਰੈੱਕ ਤੋਂ ਲਾਲਮਟੀਆ ਤੋਂ ਫਰੱਕਾ ਵੱਲ ਮਾਲਗੱਡੀ ਸਵੇਰੇ ਕਰੀਬ 6 ਵਜੇ ਲੰਘਣ ਵਾਲੀ ਸੀ। ਇਹ ਗੋਡਾ ਦੇ ਲਾਲਮਟੀਆ ਤੋਂ ਕੋਲਾ ਲੈ ਕੇ ਫਰੱਕਾ ਜਾਂਦੀ ਹੈ। 

ਇਹ ਵੀ ਪੜ੍ਹੋ- ਹੈਲੀਕਾਪਟਰ ਹੋਇਆ ਹਾਦਸੇ ਦਾ ਸ਼ਿਕਾਰ, 3 ਲੋਕਾਂ ਦੀ ਮੌਤ

ਇਕ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਕੋਲੇ ਦੀ ਢੋਆ-ਢੁਆਈ ਲਈ ਐੱਨ. ਟੀ. ਪੀ. ਸੀ. ਵੱਲੋਂ ਸੰਚਾਲਿਤ ਰੇਲ ਪੱਟੜੀ ਦਾ ਇਕ ਹਿੱਸਾ ਧਮਾਕੇ ਕਾਰਨ ਨੁਕਸਾਨਿਆ ਗਿਆ। ਪੁਲਸ ਨੇ ਦੱਸਿਆ ਕਿ ਇਹ ਘਟਨਾ ਮੰਗਲਵਾਰ ਰਾਤ ਕਰੀਬ 12 ਬਰਹੇਟ ਥਾਣੇ ਅਧੀਨ ਪੈਂਦੇ ਇਲਾਕੇ ਦੇ ਰੰਗਾ ਪਿੰਡ ਨੇੜੇ ਵਾਪਰੀ ਅਤੇ ਇਸ ਵਿਚ ਕੋਈ ਜਾਨੀ ਜਾਂ ਮਾਲੀ ਨੁਕਸਾਨ ਨਹੀਂ ਹੋਇਆ। ਸਾਹਿਬਗੰਜ ਦੇ ਪੁਲਸ ਸੁਪਰਡੈਂਟ ਨੇ ਦੱਸਿਆ ਕਿ ਅਸੀਂ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਇਸ ਘਟਨਾ ’ਚ ਕਿਸੇ ਅਪਰਾਧੀ ਗਿਰੋਹ ਦੇ ਸ਼ਾਮਲ ਹੋਣ ਦਾ ਸ਼ੱਕ ਹੈ। ਉਨ੍ਹਾਂ ਕਿਹਾ ਕਿ ਇਹ ਲਾਈਨ ਭਾਰਤੀ ਰੇਲਵੇ ਨੈੱਟਵਰਕ ਦਾ ਹਿੱਸਾ ਨਹੀਂ ਹੈ।

ਇਹ ਵੀ ਪੜ੍ਹੋ- ਰੇਲਵੇ ਸਟੇਸ਼ਨਾਂ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ, ਪੁਲਸ ਚੌਕਸ

ਇਸ ਦਾ ਸੰਚਾਲਨ ਕੋਲੇ ਦੀ ਢੋਆ-ਢੁਆਈ ਲਈ ਕੀਤਾ ਜਾਂਦਾ ਹੈ। ਪੁਲਸ ਨੇ ਦੱਸਿਆ ਕਿ ਧਮਾਕੇ ਨਾਲ ਪੱਟੜੀ ਦਾ ਲੱਗਭਗ 470 ਸੈਂਟੀਮੀਟਰ ਹਿੱਸਾ ਨੁਕਸਾਨਿਆ ਗਿਆ। ਧਮਾਕੇ ਕਾਰਨ ਰੇਲਵੇ ਟਰੈੱਕ 'ਤੇ 3 ਫੁੱਟ ਡੂੰਘਾ ਟੋਇਆ ਹੋ ਗਿਆ ਅਤੇ ਟਰੈੱਕ ਦਾ ਇਕ ਹਿੱਸਾ ਲੱਗਭਗ 39 ਮੀਟਰ ਦੂਰ ਜਾ ਡਿੱਗਿਆ। ਝਾਰਖੰਡ ਪੁਲਸ, ਰੇਲਵੇ ਦੇ ਸੀਨੀਅਰ ਅਧਿਕਾਰੀ ਘਟਨਾ ਵਾਲੀ ਥਾਂ 'ਤੇ ਮੌਜੂਦ ਹਨ। ਇਸ ਹਾਦਸੇ ਦੇ ਪਿੱਛੇ ਨਕਸਲੀ ਜਾਂ ਕਿਸੇ ਹੋਰ ਦਾ ਹੱਥ ਹੈ, ਇਸ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਘਟਨਾ ਵਾਲੀ ਥਾਂ 'ਤੇ ਐੱਫ. ਐੱਸ. ਐੱਲ. ਦੀ ਟੀਮ ਬੁਲਾਈ ਗਈ ਹੈ ਅਤੇ ਹਰ ਐਂਗਲ ਤੋਂ ਜਾਂਚ ਕੀਤੀ ਜਾ ਰਹੀ ਹੈ।

ਇਹ ਵੀ ਪੜ੍ਹੋ- 56 ਸਾਲ ਬਰਫ਼ 'ਚ ਦੱਬਿਆ ਰਿਹਾ ਫ਼ੌਜੀ ਮੁੰਸ਼ੀਰਾਮ, ਹੁਣ ਨਸੀਬ ਹੋਵੇਗੀ ਆਪਣੇ ਪਿੰਡ ਦੀ ਮਿੱਟੀ

ਇਹ ਵੀ ਪੜ੍ਹੋ- ਕੰਮ ਦੇ ਬੋਝ ਕਾਰਨ 2 ਲੋਕਾਂ ਨੇ ਕੀਤੀ ਖੁਦਕੁਸ਼ੀ, ਦੇਸ਼ ’ਚ ਵੱਧ ਰਹੇ ਅਜਿਹੀਆਂ ਮੌਤਾਂ ਦੇ ਮਾਮਲੇ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8