ਕਸ਼ਮੀਰੀ ਨੌਜਵਾਨ ਦੀ ਕਲਾਕਾਰੀ ਨੇ ਖਿੱਚਿਆ ਸਭ ਦਾ ਧਿਆਨ, ਬਣਾਈ 'ਸਨੋ ਕਾਰ'

ਜੰਮੂ— ਜੰਮੂ-ਕਸ਼ਮੀਰ 'ਚ ਕੜਾਕੇ ਦੀ ਠੰਡ ਪੈ ਰਹੀ ਹੈ। ਸੜਕਾਂ ਤਕ ਬਰਫ ਨਾਲ ਜੰਮ ਗਈਆਂ ਹਨ। ਬਰਫਬਾਰੀ ਦਰਮਿਆਨ ਮੰਗਲਵਾਰ ਭਾਵ ਅੱਜ ਕੁਝ ਖਾਸ ਤਸਵੀਰਾਂ ਸਾਹਮਣੇ ਆਈਆਂ। ਸ਼੍ਰੀਨਗਰ 'ਚ ਇਕ ਕਸ਼ਮੀਰੀ ਨੌਜਵਾਨ ਨੇ ਸੜਕ 'ਤੇ ਪਈ ਬਰਫ ਨਾਲ 'ਸਨੋ ਕਾਰ' ਬਣਾ ਦਿੱਤੀ। ਬਰਫ ਵਿਚਾਲੇ ਖੜ੍ਹੀ ਇਸ ਸਨੋ ਕਾਰ ਨੂੰ ਦੇਖ ਕੇ ਹਰ ਕੋਈ ਇਸ ਨਾਲ ਤਸਵੀਰ ਖਿਚਵਾਉਂਦੇ ਨਜ਼ਰ ਆਇਆ। ਇਸ ਸਨੋ ਕਾਰ ਨੂੰ ਬਣਾਉਣ ਵਾਲੇ ਜ਼ੁਬੈਰ ਅਹਿਮਦ ਨੇ ਕਿਹਾ ਕਿ ਉਸ ਦਾ ਸੁਪਨਾ ਹੈ ਕਿ ਉਹ ਬਰਫ ਨਾਲ ਕੁਝ ਅਜਿਹਾ ਬਣਾਵੇ ਜਿਸ ਨੂੰ ਪੂਰੀ ਦੁਨੀਆ ਦੇਖੇ। 

ਜ਼ੁਬੈਰ ਨੇ ਦੱਸਿਆ ਕਿ ਉਹ ਬਚਪਨ ਤੋਂ ਫਾਈਨ ਆਟਰਸ ਦੇ ਸ਼ੌਕੀਨ ਰਹੇ ਹਨ। ਉਹ ਪਹਿਲਾਂ ਵੀ ਬਰਫ ਨਾਲ ਕਈ ਤਰ੍ਹਾਂ ਦੀਆਂ ਚੀਜ਼ਾਂ ਬਣਾਇਆ ਕਰਦੇ ਸਨ ਅਤੇ ਉਨ੍ਹਾਂ ਦੇ ਦੋਸਤਾਂ ਨੇ ਇਸ 'ਚ ਉਨ੍ਹਾਂ ਦਾ ਪੂਰਾ ਸਾਥ ਵੀ ਦਿੱਤਾ। ਇਸ ਸ਼ੌਕ ਕਾਰਨ ਹੀ ਇਸ ਵਾਰ ਬਰਫ ਵਿਚ ਉਨ੍ਹਾਂ ਨੇ ਇਕ ਸਨੋ ਕਾਰ ਬਣਾਈ। ਜ਼ੁਬੇਰ ਨੇ ਦੋ ਦਿਨਾਂ ਵਿਚ ਇਹ ਕਾਰ ਬਣਾਈ। ਡਿਜ਼ਾਈਨ ਵੀ ਵਧੀਆ ਬਣਾਇਆ ਹੈ ਅਤੇ ਇਸ 'ਤੇ ਕੁਝ ਰੰਗ ਵੀ ਭਰੇ ਹਨ।

ਜ਼ੁਬੈਰ ਨੇ ਕਿਹਾ ਕਿ ਉਹ ਇਸ ਗੱਲ ਤੋਂ ਬਹੁਤ ਖੁਸ਼ ਹਨ ਕਿ ਉਨ੍ਹਾਂ ਦੀਆਂ ਬਣਾਈਆਂ ਚੀਜ਼ਾਂ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਕੋਲ ਸਾਧਨਾਂ ਦੀ ਘਾਟ ਹੈ, ਨਹੀਂ ਤਾਂ ਉਹ ਬਰਫ ਨਾਲ ਹੋਰ ਬਹੁਤ ਸਾਰੀਆਂ ਚੀਜ਼ਾਂ ਬਣਾ ਸਕਦੇ ਹਨ। ਜ਼ੁਬੇਰ ਦਾ ਕਹਿਣਾ ਹੈ ਕਿ ਜੇਕਰ ਉਨ੍ਹਾਂ ਨੂੰ ਸਾਧਨ ਉਪਲੱਬਧ ਕਰਵਾਏ ਜਾਣ ਤਾਂ ਉਹ ਬਰਫ ਨਾਲ ਤਾਜ ਮਹਲ ਦੀ ਕਲਾਕ੍ਰਿਤੀ ਦਾ ਨਿਰਮਾਣ ਵੀ ਕਰ ਸਕਦੇ ਹਨ।