ਹਿਮਾਚਲ ਪ੍ਰਦੇਸ਼ ’ਚ ITBP ਦੀ ਜਿਪਸੀ ਸਤਲੁਜ ਨਦੀ ’ਚ ਡਿੱਗੀ, 2 ਜਵਾਨ ਲਾਪਤਾ
08/25/2020 3:07:09 PM
ਕਿੰਨੌਰ— ਹਿਮਾਚਲ ਪ੍ਰਦੇਸ਼ ਦੇ ਕਿੰਨੌਰ ਜ਼ਿਲ੍ਹੇ ਦੇ ਸਪੀਲੋ ਨੇੜੇ ਆਈ. ਟੀ. ਬੀ. ਪੀ. ਦੀ ਇਕ ਜਿਪਸੀ ਹਾਦਸੇ ਦਾ ਸ਼ਿਕਾਰ ਹੋ ਗਈ ਹੈ। ਜਾਣਕਾਰੀ ਮੁਤਾਬਕ ਅਰੁਣਾਚਲ ਪ੍ਰਦੇਸ਼ ਦੇ ਰਾਈਫਲਮੈਨ ਸਮੇਤ ਦੋ ਆਈ. ਟੀ. ਬੀ. ਪੀ. ਜਵਾਨਾਂ ਦੀ ਜਿਸਪੀ ਸਤਲੁਜ ਨਦੀ ’ਚ ਡਿੱਗਣ ਮਗਰੋਂ ਜਵਾਨ ਲਾਪਤਾ ਹਨ। ਹਾਦਸੇ ਦੇ ਸਮੇਂ ਦੋ ਜਵਾਨ ਜਿਪਸੀ ’ਤੇ ਸਵਾਰ ਸਨ। ਇਕ ਦੀ ਪਛਾਣ ਹਿਮਾਚਲ ਪ੍ਰਦੇਸ਼ ਦੇ ਬਿਲਾਸਪੁਰ ਦੇ ਘੁਮਾਰਵੀਂ ਦੇ ਬਾਤੌਲੀ ਪਿੰਡ ਦੇ ਪ੍ਰਦੀਪ ਚੰਦਲ ਦੇ ਰੂਪ ’ਚ ਹੋਈ ਹੈ। ਜਦਕਿ ਦੂਜੇ ਦੀ ਪਛਾਣ ਨੀਮਾ ਢੋਢੁਪ ਦਾ ਰਹਿਣ ਵਾਲਾ ਹੈ, ਜੋ ਕਿ ਅਰੁਣਾਚਲ ਪ੍ਰਦੇਸ਼ ’ਚ ਰਾਈਫਲਮੈਨ ਹੈ।
ਦੱਸਿਆ ਜਾ ਰਿਹਾ ਹੈ ਕਿ ਵਾਹਨ ਰਿਕਾਂਗਪੀਓ ਤੋਂ ਡੁਵਲਿੰਗ ਪੋਸਟ ਵੱਲ ਜਾ ਰਿਹਾ ਸੀ ਅਤੇ ਇਸ ਦੌਰਾਨ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਸੂਚਨਾ ਮਿਲਦੇ ਹੀ ਪੁਲਸ ਅਤੇ ਸਥਾਨਕ ਪ੍ਰਸ਼ਾਸਨ ਮੌਕੇ ’ਤੇ ਪੁੱਜ ਗਏ ਅਤੇ ਆਈ. ਟੀ. ਬੀ. ਪੀ. ਰਿਕਾਂਗਪੀਓ ਬਟਾਲੀਅਨ ਨੂੰ ਵੀ ਸੂਚਿਤ ਕਰ ਦਿੱਤਾ ਗਿਆ ਹੈ। ਹਾਦਸੇ ਦੇ ਕਾਰਨ ਦਾ ਪਤਾ ਨਹੀਂ ਲੱਗ ਸਕਿਆ ਹੈ। ਜਵਾਨਾਂ ਦੀ ਭਾਲ ਕੀਤੀ ਜਾ ਰਹੀ ਹੈ।
